15:49 25.03.2019
Անցած տարվա դեկտեմբերի 7-ին Գյումրիում կառավարությունն արտագնա նիստ անցկացրեց, որի ընթացքում վարչապետի հանձնարարականը եղավ Շիրակի և Լոռու մարզերում ժամանակավոր կացարանները հաշվառելը: Ըստ այդմ, հանձնաժողով ստեղծվեց: Գործընթացի շրջանակներում Շիրակի մարզպետարանն ու Գյումրիի քաղաքապետարանը հաշվառել են ժամանակավոր կացարանները: Հաշվառումը վերաբերում է ոչ միայն բնակեցված, այլև ժամանակավոր դատարկ կացարաններին: Շիրակի մարզպետարանի քաղաքաշինության վարչության պետ Ալբերտ Մարգարյանը SHANTNEWS-ին ասել է, որ մարզպետարանը հաշվառումն ավարտել է, և մարզում 3515 ժամանակավոր կացարան հաշվառվել:
«2858 ժամանակավոր կացարան հաշվառվել է Գյումրիում, ժամանակավոր կացարանում բնակվող 5 ընտանիք հաշվառվել է Արթիկում, 654-ն էլ Շիրակի մարզի մյուս գյուղական համայնքներում են հաշվառվել: Ընդհանուր առմամբ հաշվառված ունենք 3515 ժամանակավոր կացարան: Պետք է առաջարկներ ներկայացվի, թե այս 3515 ընտանիքի համար ինչ ծրագրեր են իրականացվելու: Կամ պետք է բնակարանային փոխհատուցում կատարվի, կամ էլ պետք է նրանց ժամանակավոր կացարանները հանվեն, բայց փոխհատուցում չպետք է ստանան, որովհետև ժամանակին փոխհատուցվել են: Հիմա արձանագրում ենք, որ մարդիկ ապրում են ժամանակավոր կացարանում, ուսումնասիրվում է, թե ինչու են բնակվում այդտեղ, ուսումնասիրվում է ընտանիքի պատմությունը, անդամների քանակը: Գույքագրում ենք` քաղաքը ժամանակավոր կացարաններից ազատելու համար: 30 տարի լավ չենք արել, հիմա փորձելու ենք ավելի լավ անել և մաքրել քաղաքը տնակներից»,- SHANTNEWS-ին ասել է Շիրակի մարզպետարանի քաղաքաշինության վարչության պետ Ալբերտ Մարգարյանը:
Նշենք, որ հաշվառում կատարելու համար Գյումրիի քաղաքապետարանն էլ ներքին հանձնաժողով է ձևավորել: Հաշվառման արդյունքները կառավարությանն են ներկայացվելու մինչև հունվարի 30-ը, որից հետո պարզ կդառնա, թե գործադիրն անօթևանության խնդրի լուծման ինչպիսի առաջարկներ կներկայացնի:
Գյումրիում շատ մանկապարտեզների նախկին շենքեր 88-ից հետո բնակելի են դարձել: Ժամանակավոր կացարանների հաշվառումն այստեղ բնակվողներին չի վերաբերում:
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
23:48 11.05.2025
ՃՏՊ Թալին-Արտենի ավտոճանապարհին․ կան տուժածներՄայիսի 11-ին, ժամը 18:13-ին Ճգնաժամային կառավարման ազգային կենտրոն ահազանգ է ստացվել, որ Արագած-Արտենի ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Թալին-Արտենի ավտոճանապարհի 23-րդ կմ-ին «Mercedes-Benz» մակնիշի ավտոմեքենան բախվել է ճամփեզրի բետոնե արգելապատնեշին, գլորվել (մոտ 30 մ) և հայտնվել դաշտամիջյան հատվածում։ […] ...
23:38 11.05.2025
Երևանում գործող հայտնի սրճարաններից մեկում հայտնաբերվել է տղամարդու մարմինՄայիսի 11-ին, ողբերգական դեպք է տեղի ունեցել Երևանում։ Ժամը 20:30-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության կենտրոնականի բաժնում օպերատիվ տեղեկություններ են ստացվել որ Աբովյան փողոցի 23 հասցեում գործող «De France» սրճարանում դի կա։ Ինչպես հայտնում է shamsyan.com-ը, դեպքի վայր են ժամանել ոստիկանության Կենտրոնական բաժնի օպերատիվ խումբը: Տեղում պարզվել է, որ ստացված […] ...
23:17 11.05.2025
Աֆղանստանում արգելվել է շախմատըԱֆղանստանի առաքինությունների խթանման և արատների կանխարգելման նախարարությունը պաշտոնապես արգելել է շախմատը երկրում։ Այս մասին հայտնել է Khaama Press պորտալը։ Նշվում է, որ նախարարությունն արդեն լուծարել է Աֆղանստանի շախմատի ֆեդերացիան։ ...
22:56 11.05.2025
Al Arabiya. Իսրայելը հարվածներ է հասցնում Եմենի նավահանգիստներն Ալ-ՀոդեյդայումԻսրայելական ինքնաթիռները սկսել են հարվածել Եմենի Հոդեյդա, Ռաս Իսա և Աս-Սալիֆ նավահանգիստներին, որոնք գտնվում են Կարմիր ծովի ափին և գտնվում են հութիների վերահսկողության տակ: Այս մասին հաղորդում է Սաուդյան Արաբիայի Al Arabiya հեռուստաալիքը՝ հղում անելով իր աղբյուրներին։ Հութիների գլխավորած կառավարության Ներքին գործերի նախարարությունը նույնպես հայտարարել է, որ նահանգը ենթարկվել է իսրայելական հարձակման: Ավելի վաղ Իսրայելի […] ...
22:39 11.05.2025
Reuters. ԱՄՆ-ն և Չինաստանը համաձայնության են եկել առևտրային դեֆիցիտը կրճատելու հարցումԱՄՆ-ի և Չինաստանի պաշտոնյաները հայտարարել են, որ Ժնևում երկօրյա բանակցություններից հետո համաձայնության են եկել առևտրային դեֆիցիտը կրճատելու վերաբերյալ, որի մանրամասները կհայտարարվեն մայիսի 12-ին: Այս մասին հայտնել է Reuters-ը՝ հղում անելով բանակցություններին մասնակցող ամերիկյան պատվիրակության ներկայացուցիչներին: «ԱՄՆ առևտրային ներկայացուցիչ Ջեյմիսոն Գրիրը, որը մասնակցել է բանակցություններին (ԱՄՆ ֆինանսների նախարար Սքոթ) Բեսենտի, փոխվարչապետ Հե Լիֆենգի և երկու չինացի […] ...
