Հուշանվերային ուղեցույց

Յուրաքանչյուր ճանապարհորդությունից հետո մենք մեզ հետ բերում ենք գեղեցիկ հիշողություններ, նկարներ և զավեշտալի վիդեոներ: Բոլորիս համար ոսկե կանոն է նաև տվյալ երկրից ինչ-որ հետաքրքիր հուշանվեր բերելը:

Մենք ներկայացնում ենք ձեզ հուշանվերային փոքրիկ ուղեցույց, այսինքն՝ ձեզ խորհուրդ կտանք թե որ երկրից ինչ կարելի է գնել և մոտավորապես ինչ գնային սահամններում:

Իտալիա

8000 դրամ=14 եվրո

80 000 դրամ=145 եվրո

80 0000 դրամ=1456 եվրո

Իսկական գուրմանները կարող են 8,9 եվրոյի սահմաններում գնել իսկական պեստո՝ ռեհանով և պեչինո պանրով պատրաստված: Այն ունի զարմանահրաշ համ և կարող եք որպես համեմունք օգտագործել ամեն ինչի հետ: Իսկ 4,9 եվրոյով կարող եք գնել բոլոնիական հավկիթով պատրաստված պաստա, որը պատրաստվել է Վերածննդի ժամանակաշրջանից սկսած: Հենց այս պաստայի հետ է ընդունված մատուցել նաև Բոլոնիայի դասական մսային ռագու:

Մինչև 29,75 եվրոյի սահմաններում կարող եք գնել Iphone 7s-ի Giulio Giannini & Figlio բրենդի պատյաններ, որոնք իտալական ոճի են:

40 եվրոյով կգնեք շատ հարմար դանակ պիցցան կտրելու համար և մոտավորապես 53 եվրոյով կարող եք գնել դրամապանակ՝ ֆլորենտնական կաշվից պատրաստված:

Իսկ եթե շատ գումար ունեք, ապա 270 եվրոյով Իտալիայից կգնեք բրեդային դասական գլխարկ, ինչպես նաև իտալական սուրճն ըմբոշխնելու համար պարտադիր կգնեք 1098 եվրո արժողությամբ սուրճի բաժակների իտալական հավաքածու:

Ֆրանսիա

8000 դրամ= 14 եվրո

80 000 դրամ=145 եվրո

800 000 դրամ=1456 եվրո

Մինչև 8000 դրամի սահմաններում ֆրանսիայից կարող եք գնել կամամբեր (Camembert) կոչվող ֆրանսիական փափուկ պանիրը, այն սովորաբար վայելում են ֆրանսիական դառը գինու հետ, иնչպես նաև կարող եք գնել Բրետոնի ափերից ձեռքով հատուկ հավաքված առողջարար աղը:

Եթե գնումների համար նախատեսել եք մինչև 80 000 դրամ, ապա ճիշտ ժամանակն է գնել բրենդային հագուստներ: Հագուստից բացի, մինչև 29,2 եվրոյով կարելի է գնել մեկ շիշ բուրգունդական «Պյուլինիե-Մոնրաշե»՝ հանքային և յուղային խառնուրդով պատրաստված շերդոնե:

Իսկ եթե դուք նախընտրում եք ավելի թանկարժեք հուշանվերները, ապա Ֆրանսիայից կարող եք գնել սոմելյեի դանակ, Каре Hermes բրենդի մետաքսյա թաշկինակ կամ էլ փարիզյան պատմական Repetto բրենդի հրամարավետ և շքեղ կոշիկներ:

Մեքսիկա

8000 դրամ= 17,5 դոլար

80 000 դրամ=175 դոլար

800 000 դրամ=1750 դոլար

Երկար ճանապարհները ձեզ հասցրել են օվկիանոսից այն կողմ՝ կակտուսների երկիր Մեքսիկա: Այստեղ նույնպես ընտրությունը լայն է՝ մինչև 10 դոլարով կարող եք գնել մեքսիկական շոկոլադներ կամ էլ մեքսիկական խոհանոցի գլխավոր պաստա մոլե սոուսը:

Իսկ մի փոքր թանկ հուշանվերներից են մեքսիկական ոճի՝ փողկապների համար նախատեսված բրոնզագույն շղթա-կապիչը կամ էլ գեղեցիկ բարձը, որը ձմեռային ցուրտ օրերին ձեզ կհիշեցնի մեքսիկական տաք արևի մասին:

Մեքսիկական թանկարժեք նվերների շարքում դուք մինչև 160 դոլարի սահմաններում կգտնեք թանկարժեք, օձաձև ականջօղեր կամ ձեր տան ինչ որ մի անկյունի համար կարող եք գնել կենդանական դեկորացիոն գանգ՝ յուրահատուկ մեքսիկական նախշազարդերով ձևավորված: Իսկ ամենահետաքրքիր հուշանվերների շարքում կարող են հայտնվել սուրճի համար նախատեսված մեքսիկական փոքրիկ սեղանիկները:

Սինգապուր

8000 դրամ= 23 սինգապուրյան դոլար

80 000 դրամ=231 սինգապուրյան դոլար

800 000 դրամ=2313 սինգապուրյան դոլար

Ի՞նչ հուշանվերներ գնելել Ասիայի ամենահարուստ երկրներից մեկից: Զավեշտների սիրահարները կարող ենք իրենց ընկերների համար գնել սինգապուրյան նախշերով ժամանակավոր դաջվածքներ:

Կարող եք նաև գնել գիրք, որտեղ ներկայացվում է Սինգապուրի բոլոր տեսարժան վայրերը: Գիրքը կարդալուն զուգահեռ կարող եք շրջել քաղաքում և գնել ծովառյուծների և զանազան նախշերով կերամիկական ափսեներ կամ էլ արծաթյա թևնոց, որի վրա պատկերված է Սինգապուրի փոքրիկ քարտեզը:

Ավելի թանկարժեք հուշանվերների շարքում են վիշապի տեսքով ճոճանակը կամ բակի համար նախատեսված փայտյա սեղանը: