16:54 27.04.2019
Երեկ ավարտվեց ռուսական «Ձայնը. երեխաներ» շոուի 6-րդ եթերաշրջանը: Մրցույթի արդյունքների, քվերակության և Ստեփանակերտում Միշայի մասնակցությամբ նկարահանված տեսահոլովակի մասին SHANTNEWS.am-ը զրուցել է 11-ամյա երգիչ Միշա Գրիգորյանի պրոդյուսեր, «Արցախի ձայներ» երգչախմբի գեղարվեստական ղեկավար Լիրա Քոչարյանի հետ.
«Միշան այս նախագծում հաջողություններ է ունեցել ու աչքի էր ընկել: Կարելի է ասել, որ նա հատուկ ուշադրությամբ էր շրջապատված, սակայն պարզ է, որ նման նախագծերում կանխատեսում չի կարող լինել: Եթե հաշվի առնենք այն, որ ռուսաստանաբնակ ադրբեջանցիները հավանաբար ամեն ինչ արել են, որ Միշան չանցնի և ձայները շեղել են դեպի Ղազախստանի ներկայացուցիչը, պարզ է: Այս նախագծում Միշան արեց ոչ միայն երգչի գործ, այլև դեսպանի՝ Արցախը ներկայացնելով աշխարհին»:
Լիրա Քոչարյանը մեզ հետ զրույցում պատմեց նաև Ստեփանակերտում Միշայի մասնակցությամբ նկարահանված տեսահոլովակի մասին, որտեղ փոքրիկը պատմում է Արցախի մասին, ժենգյալով հաց պատրաստում.
«Տեսահոլովակը նկարահանվել էր նախապես, իրենց խնդրանքով: Մի մասը մենք ենք նկարահանել Արցախում, իսկ մյուս մասը նկարահանվել է Մոսկվայում: Ժենգյալով հացը պատրաստելը եղել է իմ գաղափարը, քանի որ Արցախի հայտնի «բրենդը» ժենգյալով հացն է: Միշան բոլորին հրավիրել է Արցախ, և թե´ ես, թե´ Միշայի ծնողները սիրով պատրաստ ենք ընդունել «Ձայնի» մասնակիցներին»:
Երգչի պրոդյուսերը հայտնեց, որ երեկ Միշան ելույթից հետո այնքան էր հոգնել, որ մեքենայում քնել էր, և ինքը դեռ Միշայի հետ չի հասցրել խոսել:
«Այս նախագիծն ուներ մի քանի փուլ և դա ցույց էր տալիս, որ դու մի երգի երգիչ չես, վստահ եմ, որ եթե Միշան անցներ «սուպեր եզրափակիչ», փայլուն կերգեր: Նախագծում հիմնականում շատ լավ երեխաներ էին, որոնք բնությունից ունեին տվյալներ, սակայն պրոֆեսիոնալ, մշակված և մեծ ճանապարհ անցած երեխաներ չէին»:
Լիրա Քոչարյանը ասաց, որ վերջին եթերից հետո Միշայի յութուբյան դիտումները 2-3 անգամ ավելի շատ են, քան այլ մասնակիցներինը:
SHANTNEWS.am-ը երգչի պրոդյուսերից հետաքրքրվեց, թե ինչ նախագծերում ապագայում հանդես կգա Միշա Գրիգորյանը.
«Ամենակարևորը երգչի զարգացումը չկանգնեցնելն է: Նախագծից նախագիծ Միշան աճում է մեծ տեմպերով: Ես կցանկանամ, որ այս փուլում Միշան ունենա մենահամերգներ, թե՛ արտերկրում, թե՛ Հայաստանում, քանի որ մենք Արցախում ենք, այստեղ համերգային պասիվություն կա, բայց նա մեծ համերգային փորձ ունի: Հիմա իրեն կարելի է ներկայացնել սոլո ֆորմատում»:
Լիրա Քոչարյանը նշեց, որ շնորհակալ է նախագծի կազմակերպիչներին, քանի որ ռուսական ալիքը Միշային հասկացրեց, որ կապ չունի, որ նա Արցախից է կամ որևէ այլ վայրից, կարևորը լավ երգիչ լինելն է:
Նրա խոսքով՝ տպավորիչ էր նաև այն, որ նախագիծը միջազգային էր ստացվել, քանի որ եզրափակիչ անցած գրեթե բոլոր մասնակիցները տարբեր երկրներ էին ներկայացնում:
11:15 29.06.2025
Վլադիվոստոկի մոտակայքում հրդեհված տուրիստական նավը խորտակվել էՎլադիվոստոկի մոտակայքում հրդեհված «Մերլիոն» զբոսանավը խորտակվել է Պետրոս Մեծի ծոցի ջրերում։ Այս մասին հայտնում է «ՌԻԱ Նովոստի»-ն՝ հղում անելով իրավապահ մարմիններին։ Հրդեհի պահին նավի վրա եղել է 12 մարդ։ Նրանց բոլորին դուրս են բերել անցնող նավերը։ Միջադեպի պատճառները դեռևս հետաքննվում են։ ՏԱՍՍ-ի փոխանցմամբ՝ տուրիստական նավը պատկանում է «Կորսար» ընկերությանը։ Պրիմորսկիի տրանսպորտի քննչական վարչությունը հայտարարել է, […] ...
11:06 29.06.2025
Երևանի Էրեբունի վարչական շրջանում գործարկվելու են էլեկտրական շչակներՀունիսի 30-ին, ժամը 10:30-ից մինչև 13:00-ն ընկած ժամանակահատվածում, Երևանի Էրեբունի վարչական շրջանի Մուշավան 6-րդ, Էրեբունի, Վարդաշեն 3-րդ, 6-րդ, Ջրաշեն 1-ին, Նոր Արեշ 11-րդ փողոցների մի շարք հասցեներում գործարկվելու են էլեկտրական շչակներ։ Այս մասին հայտնում են ՆԳՆ ՓԾ-ից։ ...
11:00 29.06.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ ...
10:40 29.06.2025
Բելգրադի ցուցարարները կոչ են արել ոչնչացնել ՍերբիանԲելգրադում ցուցարարները կոչ են արել քաղաքացիական պատերազմով ոչնչացնել Սերբիան, սոցիալական ցանցերում հայտարարել է Սկուպշտինայի (խորհրդարանի խոսնակ) խոսնակ և նախկին վարչապետ Անա Բրնաբիչը։ Բողոքի ցույցի մասնակից ուսանողներն ու ընդդիմության կողմնակիցներն ավելի վաղ հրավառ նյութեր և այլ առարկաներ էին նետել նախագահական վարչակազմի դիմաց գտնվող այգում ոստիկանական պատնեշի վրա։ Զինված ոստիկանությունը կիրառել է արցունքաբեր գազ և մահակներ, հետ […] ...
10:20 29.06.2025
Հրշեջ-փրկարարները մարել են Ծիծեռնակաբերդի խճուղում բռնկված հրդեհըՀունիսի 28-ին, ժամը 22:16-ին Ճգնաժամային կառավարման ազգային կենտրոն ահազանգ է ստացվել, որ Ծիծեռնակաբերդի խճուղում այրվում է խոտածածկույթ։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 22։35-ին, մարվել՝ 23։00-ին։ Այրվել է մոտ 4000 քմ խոտածածկույթ և թփուտներ։ Ծավալված օպերատիվ գործողությունների արդյունքում հրշեջ-փրկարարներին հաջողվել է արագորեն […] ...
10:08 29.06.2025
Նիդերլանդների Մ19 հավաքականը` Եվրոպայի չեմպիոնՆիդերլանդները պատմության մեջ առաջին անգամ նվաճել է ֆուտբոլի մինչև 19 տարեկանների Եվրոպայի առաջնության չեմպիոնական տիտղոսը: Ռումինիայում ավարտված մրցաշարի եզրափակչում վճռորոշ է եղել ինքնագոլը. գնդակը սեփական դարպասն ուղարկել է Իսպանիայի Մ19 հավաքականի և «Վալենսիայի» երկրորդ թիմի դարպասապահ Ռաուլ Խիմենես Լատորեն: ...
