18:12 03.08.2019
Շիրակի մարզի 25 համայնքների ներկայացրած 49 սուբվենցիոն ծրագրերից 47-ը հաստատվել են։ Ավտոճանապարհների, մանկապարտեզների շենքերի վերանորոգում, ոռոգման ցանցերի կառուցում, մեքենասարքավորումների ձեռքբերում, հակակարկտային կայանների տեղադրում և այլն։ Տնտեսական և սոցիալական ենթակառուցվածքների զարգացմանն ուղղված այս ծրագրերի ֆինանսավորման մի մասը պետբյուջեից է, մյուսը՝ համայնքային բյուջեից։ Իսկ պահանջվող նվազագույն 3 մլն դրամ ներդրումն ապահովել տեղական բյուջեներից, կարողացել են ոչ բոլոր համայնքները։
Լենգես թաղամասի բազմաբնակարան այս շենքերը 1991 թվականին կառուցվեցին ՀԷԿ-ի աշխատողների համար։ Լենգեսը սկզբում համարվում էր Գյումրիի թաղամասերից մեկը, բայց 10 տարի առաջ ենթակայությունը փոխեցին: Վահրամաբերդ գյուղի վարչական տարածքում կառուցված թաղամասը գյուղի հասցեով է: Պատկանելությունը, սակայն, չփոխեց շենքերի վիճակը: Վերևում տանիք չկա, ներքևում էլ ջրերը ողողում են շենքերի հիմքերը: Տարին 12 ամիս շենքերի նկուղները ջրածածկ են:
Թաղամասի եղած 4 շենքերից 2-ի տանիքների վերանորոգումն այս տարի վերջապես հայտնվել է սուբվենցիոն ծրագրում: Մեկի տանիքն արդեն փոխվել է, մյուսում աշխատանքներ դեռ չեն սկսվել, թեև շինկազմակերպության մրցույթն ամիսներ առաջ է եղել: Սուբվենցիոն 49 ծրագրի մեջ սա միակն է, որ վերաբերել է տանիքաշինությանը: Համայնքներն ամենաշատը ներկայացրել են ենթակառուցվածքների նորոգման, ֆոտովոլտային կայանների կառուցման հայտեր։ Գյուղապետարանները հիմնականում շահագրգռված են մանկապարտեզների վերանորոգմամբ: Շատ գյուղերում 90-ականներին մանկապարտեզները փակեցին: Կապս գյուղում լիտվացի շինարարներն այդ տարիներին նոր շենք կառուցեցին, բայց որպես մանկապարտեզ՝ այն երբևէ չաշխատեց։ Կապսի վարչական ղեկավար Աշոտ Միքայելյանի խոսքերով՝ համայնքապետարանը մանկապարտեզը ֆինանսավորելու հնարավորություն չուներ, դրա համար էլ այն այդպես էլ չբացվեց։
Չաշխատող մանկապարտեզի 4 մասնաշենքերից 1-ը վարձակալությամբ խանութի է վերածվել, ևս մեկը` բուժկետի։ Բայց եթե մանկապարտեզն էլ սկսի աշխատել, չեն պատրաստվում խանութն ու բուժկետը տեղափոխել: Ընդամենը 1 մասնաշենք է պետք նորոգել՝ 22 երեխայի համար: Կապսեցիների խոսքերով` իրենք երեխաներին ամեն օր Գյումրիի մանկապարտեզներ են ուղարկում տրանսպորտով, ինչը լուրջ խնդիր է ծնողների համար։ Այս տարվա սուբվենցիոն ծրագրով մարզում ևս 4 մանկապարտեզ է նորոգվելու։ Համայնքների համար կարևոր մյուս ծրագիրը հակակարկտային կայանների տեղադրմանն է վերաբերում: 3 համայնքում 28 հակակարկտայիններ կտեղադրվեն: Սուբվենցիոն ծրագրերn այս տարի էլ հասանելի չեն եղել բոլոր համայնքներին։ Մարզպետարանի զարգացման ծրագրերի, զբոսաշրջության և վերլուծության բաժնի գլխավոր մասնագետ Վահան Մարտիրոսյանի խոսքերով` ոչ բոլոր համայնքներն են կարողացել սուբվենցիոն ծրագրերի համար համաֆինանսավորում ապահովել։
Անցած տարի մարզում շատ համայնքներ չկարողացան օգտվել պետական համաֆինանսավորմամբ ծրագրերից։ Տեղական բյուջեներից պահանջվող ներդրումների նվազագույն շեմը 5 մլն դրամից այս տարի իջեցվեց 2 մլն-ով։ 3 մլն-ի ներդրումն էլ, սակայն, փոքր բյուջեներ ունեցող համայնքների համար մնաց մեծ գումար, ինչի պատճառով հրաժարվեցին հայտեր ներկայացնել:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
