Ընտանիք, կարիերա, անձնական կյանք. փաստեր Քիմ Քարդաշյանի մասին

Ինչպես արդեն հայտնել ենք, այսօր ռեալիթի շոուի աստղ Քիմ Քարդաշյանը դարձել է 39 տարեկան:

Ո՞վ է Քիմը

Քիմ Քարդաշյանը ծնվել է 1980 թվականի հոկտեմբերի 21-ին Լոս Անջելեսում։ Հոր կողմից նա ունի հայկական արմատներ, իսկ մոր կողմից՝ շոտլանդական, հոլանդական և անգլիական արմատներ։

Քիմի հայրը իրավաբան Ռոբերտ Քարդաշյանն է, իսկ մայրը՝ պրոդյուսեր և հեռուստատեսային դեմք Քրիս Ջեններն է, որն այժմ Քիմի մենեջերն է։ Քիմի մայրը Ռոբերտ Քարդաշյանից բաժանվել է 1991 թվականին և ամուսնացել է թեթև աթլետիկայի հայտնի մարզիկ Բրյուս Ջենների հետ։

Ռոբերտ Քարդաշյանը մահացել է 2003 թվականի սեպտեմբերի 30-ին։

Քիմն ունի երկու քույր՝ Քլոեն և Քորթնին և մեկ եղբայր՝ Ռոբը։ Նա նաև ունի երկու խորթ քույր՝ Քենդալ և Քայլի Ջեններները:

Կարիերան

Նա հայտնի է դարձել 2007 թվականին թողարկված 18+ ֆիլմի շնորհիվ։

Իր դերասանական դեբյուտը տեղի ունեցավ 2008 թվականին նկարված «Անիրական ծանր ֆուգասային ռումբ» ֆիլմում, որում կատարել է Լիզայի դերը։

Քարդաշյանը «Keeping Up With the Kardashians» հեռուստատեսային ծրագրերի աստղերից մեկն է իր երկու քույրերի, մոր, եղբոր, երկու խորթ քույրերի և խորթ հոր հետ։

Քարդաշյանը «Dancing With The Stars» հեռուստատեսային ծրագրերի յոթերորդ սեզոնի 13 մասնակիցներից մեկն էր։

2010 թ. հուլիսի 1-ին Մադամ Տյուսոյի թանգարանում տեղադրվել է Քարդաշյանի մոմե արձանը։

Անձնական կյանքը

Քիմն ամուսնացել է երեք անգամ։ Առաջին անգամ Քիմն ամուսնացել է Դեյմոն Թոմասի հետ։ Քարդաշյանն երկրորդ անգամ ամուսնացել է բասկետբոլիստ Քրիս Համֆրիզի հետ, սակայն ամուսնությունից 72 օր հետո բաժանվել են։

Քրիսի հետ բաժանումից հետո նա սկսել է հանդիպել ռեփեր Քանյե Ուեսթի հետ։ 2014 թվականի մայիսին նրանք ամուսնացել են Ֆլորենցիայում։

Նրանք ունեն երկու դուստր և մեկ որդի։

Հայաստան կատարած այցերը

2015 թվականի ապրիլի 8-ին Քիմը, Քանյեն, իրենց դուստրը և Քլոե Քարդաշյանը ժամանել են Հայաստան։

Երևան այցելության ընթացքում նրանք եղել են մի շարք վայրերում, այդ թվում՝ Կասկադ և Մայր Հայաստան հուշահամալիրներում։

Երևանում քույրերն այցելել են Ծիծեռնակաբերդի հուշահամալիր, որտեղ ծաղիկներ են դրել անմար կրակի մոտ։ Դրանից բացի՝ Քիմի ամուսին Քայնե Ուեսթը համերգ էր տվել Կարապի լճում:

Քիմ Քարդաշյանը օրեր առաջ իր քրոջ՝ Քորթնի Քարդաշյանի հետ կրկին այցելել էր Հայաստան՝ մասնակցելու WCIT ՏՏ 23-րդ համաժողովին` որպես բանախոս:

Քարդաշյանը համաժողովի ընթացքում հանդես է եկել զեկույցով:

Դրանից բացի՝ Քիմ Քարդաշյանը, Քորթնի Քարդաշյանը և նրանց երեխաները մկրտվել էին Էջմիածնում` ստանալով հայկական անուններ:

Քիմը նաև հասցրել էր ընթրել Երևանի լավագույն ռեստորաններից մեկում, այցելել Ծիծեռնակաբերդի հուշահամալիր, նա կառավարությունում հանդիպել էր ՀՀ վարչապետ Նիկոլ Փաշինյանին, հյուրընկալվել էր ՀՀ նախագահ Արմեն Սարգսյանի նստավայրում: