19:45 27.12.2019
«Գյումրի» բժշկական կենտրոնն իր գործունեության ընթացքում ամենամեծ բյուջեն ունեցել է այս տարի: Այն գերազանցում է 1 մլրդ դրամը: Իսկ թե ինչ ծառայություններ են մատուցվել այս ֆինանսավորման շրջանակներում, այսօր ամփոփ թվերով ներկայացրել են բժշկական կենտրոնի տնօրենն ու բժիշկները: Ֆինանսավորման ավելացմանը զուգահեռ ավելացել են նաև սոցիալական խմբերը, որոնք բուժծառայություններից օգտվում են անվճար կամ զեղչերով: Առողջապահության համակարգի փոփոխությունները հանգեցրել են դիմելիության աճի: «Գյումրի» կենտրոնում անցնող տարում ստացիոնար բուժում է ստացել 7925 հիվանդ:
«Գյումրի» բժշկական կենտրոնն այս տարի 500 հիվանդով ավելի է սպասարկել, քան անցած տարի: 2019-ի ամփոփումը բժիշկները վիճակագրական տվյալներից սկսեցին: Կառավարությունն այս տարի ընդլայնել է անվճար կամ զեղչված գներով բուժծառայություններից օգտվողների ցանկը, արդյունքում դիմելիությունն ավելացել է: Հաշմանդամության կարգ ու սոցիալական անապահովության միավոր ունեցողները, զոհված ազատամարտիկների ընտանիքները, ժամկետային զինծառայողներն ու նրանց ընտանիքները: Նրանք են արտոնյալ խմբերը, որոնց համար պետպատվերով բուժսպասարկման հատկացումներն ավելացել են: «Գյումրի» բժշկական կենտրոն դիմել են ավելի շատ սրտի վիրահատությունների համար: Սրտի ստենտավորման արժեքը հանրապետությունում ամենացածրը «Գյումրի» կենտրոնում է՝ 850 հազար դրամ: Հանրապետության բուժհաստատությունները բոլորը հրաժարվել են ոչ դեղապատ ստենտավորումից , հիմա միայն թույլատրելի է դեղապատ տարբերակը:
Դեռ ձյուն ու մերկասառույց չկա ու կոտրվածքներով «Գյումրի» բժշկական կենտրոն դիմողները քիչ են, փոխարենն ավելացել է վթարների հետևանքով հիվանդանոց տեղափոխվածների նաև պլաստիկ միջամտության համար դիմածների թիվը: Ամենահետաքրքիր վիճակագրությունը վերաբերում էր «Գյումրի» բժշկական կենտրոնի ֆինանսավորմանը: 2018-ին պետական ֆինանսավորումն աճել ու դարձել է 827 մլն, իսկ այս տարի «Գյումրի» կենտրոնի համար ռեկորդային թիվ է կազմել բյուջեն՝ 1 մլրդ 87 մլն 648 հազար դրամ: Այս տարի բուժհաստատությունը գերակատարել է վճարովի ծառայությունների ծավալը, մինչդեռ, նախորդ տարիներին չէին ֆինանսավորվում անգամ կատարած աշխատանքի համար:
«Մենք 2012-ից ասում էինք, որ նման բժշկական կենտրոն պահելու համար մեկ միլիարդ ֆինանսավորում է պետք: Պետական կարևորագույն ծրագրերը չէին ֆինանսավորվում , ասում էին գումար չկա: Ես չգիտեմ փող որտեղից գտան, իրականում եմ ասում: Էդտեղ ման եկեք կոռուպցիան, որտեղից փող գտան, որ իմ բյուջեն դարձավ միլիարդ»,- ասել է «Գյումրի» բժշկական կենտրոնի տնօրեն Արմեն Իսահակյանը:
Ֆինանսավորման ավելացումը, սակայն, չի լուծել բուժհաստատության հիմնական խնդիրը՝ կադրերի պակասը: «Գյումրի» կենտրոնը մի շարք նեղ մասնագետ բժիշկների պակաս ունի: Հաջորդ տարի սպասում են, որ պետպատվերի բարձրացում «Գյումրի» կենտրոնում էլի է լինելու: Սա չի վերաբերում ամբուլատոր բուժօգնություն ստացողներին, որոնք միշտ ավելի շատ են: Ու դա սկսվում է նոր տարվա առաջին օրերից, երբ պոլիկլինիկաները արձակուրդում են և անգամ թեթև գանգատների դեպքում դիմում են հիվանդանոցներ:
23:59 21.07.2025
Ա.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր, որն ընդգրկում է 2 նորարարական ուղղությունԱ.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր՝ ՀՀ ԿԳՄՍ նախարարության Բարձրագույն կրթության և գիտության կոմիտեի լաբորատորիաների ամրապնդման դրամաշնորհի շրջանակում։ Այս մասին հայտնել են ԿԳՄՍ նախարարությունից: Ծրագրի բյուջեն կազմում է 176 միլիոն ՀՀ դրամ։ Հետազոտությունն ընդգրկում է երկու նորարարական ուղղություն: Առաջինի շրջանակում գիտնականներն ուսումնասիրում են մարգարտախեցու կառուցվածքը և այն կենսանմանակում՝ նոր սերնդի […] ...
23:55 21.07.2025
2025-ին 1700 շահառու ստացել է աջակցություն բնակապահովման ծրագրի շրջանակում․ վճարվել է շուրջ 1.4 մլրդ դրամ2025 թվականի ընթացքում արդեն իսկ 1700 շահառու ստացել է աջակցություն՝ Երեխա ունեցող ընտանիքների բնակարանային ապահովման պետական աջակցության ծրագրի շրջանակում․ ընդհանուր առմամբ վճարվել է շուրջ 1.4 մլրդ դրամ։ Այս մասին հայտնել են ՀՀ աշխատանքի և սոցիալական հարցերի նախարարությունից: Միջոցառման մեկնարկից մինչ օրս միջոցառման շահառուների թիվը՝ 13815 է, հատկացված բյուջեն՝ շուրջ 10 մլրդ դրամ։ Հիշեցնենք, որ Երեխա […] ...
23:52 21.07.2025
Դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանըՀուլիսի 21-ին Հայաստանի Հանրապետության արտակարգ և լիազոր դեսպան դոկտոր Արսեն Առաքելյանը Քուվեյում ՀՀ դեսպանությունում հյուրընկալել է Քուվեյթի Պետության զբոսաշրջիկների ասոցասիայի նախագահ Մոհամմադ ալ-Բրայիքին։ Այս մասին հայտնել են Քուվեյում ՀՀ դեսպանությունից: Հանդիպման ընթացքում դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանը՝ առանձնացնելով զբոսաշրջության ոլորտում ստեղծված համագործակցության լայն հնարավորությունները։ Ներկայացվել է ՀՀ կառավարության կողմից Ծոցի համագործակցության […] ...
23:49 21.07.2025
Նորք-Մարաշ վարչական շրջանը կունենա շների համար նախատեսված զբոսայգիՆորք-Մարաշ վարչական շրջանը ևս կունենա շների համար նախատեսված զբոսայգի, իսկ հարակից տարածքում ստեղծվում է նոր պուրակ: Աշխատանքներն ավարտական փուլում են: Այս մասին հայտնել են Երևանի քաղաքապետարանից: Մանրամասները՝ տեսանյութում: ...
23:44 21.07.2025
«Բարսելոնան» մեկ օրում մարզաշապիկների վաճառքի ռեկորդ է գրանցել«Բարսելոնան» 24 ժամում ակումբի հարձակվող Լամին Յամալի` «10» համարով 70 հազար մարզաշապիկ է վաճառել, հայտնում է COPE-ն։ Այդ ցուցանիշը ռեկորդային է «Բարսելոնայի» համար։ Կատալոնական ակումբը վաճառած մարզաշապիկներից վաստակել է գրեթե 10 միլիոն եվրո` գերազանցելով կոմերցիոն սպասելիքները։ Յամալի՝ «10» համարով մարզաշապիկները վաճառվում են աշխարհի 170 երկրներում։ 18-ամյա հարձակվողը հուլիսի 16-ին է ստացել «10» համարի խաղաշապիկը։ ...
23:39 21.07.2025
Մերց. ԱՄՆ-ն Գերմանիային և ԵՄ-ին խոստացել է Patriot համակարգեր՝ Ուկրաինային փոխանցված համակարգերի դիմացԳերմանիայի կանցլեր Ֆրիդրիխ Մերցը հայտարարել է, որ Միացյալ Նահանգները Գերմանիային և ԵՄ մյուս երկրներին խոստացել է Patriot հակաօդային պաշտպանության համակարգեր, եթե Եվրոպան իր համակարգերը փոխանցի Ուկրաինային։ Մանրամասները քննարկվում են։ «ԱՄՆ կառավարության կողմից կա ընդհանուր համաձայնություն Patriot համակարգերը մեզ՝ Գերմանիային և Եվրամիությանը փոխանցելու վերաբերյալ, և մենք, մեր հերթին, Ուկրաինային կմատակարարենք մեր ունեցած Patriot համակարգերը։ Այսինքն՝ մենք […] ...
