17:36 30.05.2018
Մոսկվայում «Ռոսսելխոզնադզորի» ղեկավարի և ՀՀ գյուղատնտեսության նախարարի խորհրդականի հանդիպման ընթացքում քննարկվել են Հայաստանից Ռուսաստան մատակարարվող լոլիկի ֆիտոսանիտարական անվտանգության հարցերը: Այս մասին տեղեկանում ենք «Ռոսսելխոզնադզորի» կայքից:
Նշվում է, որ մայիսին Հայաստանից Ռուսաստան է արտահանվել շուրջ 9200 տոննա լոլիկ: Ընդհանուր առմամբ՝ դրանց տեղափոխումն իրականացվել է 450 բեռնատար ավտոմեքենաներով:
Աղբյուրը հայտնում է, որ դրանցից 27-ում արտահանվող խմբաքանակում հայտնաբերվել են կարանտինային օրգանիզմներով վարակված լոլիկներ:
Սննդի անվտանգության պետական ծառայությանն ուղղված հարցմանն ի պատասխան՝ մեզ հայտնեցին, որ լոլիկների նշված խմբաքանակներում հայտնաբերվածը հարավամերիկյան ցեց է եղել, որը բացասական ազդեցություն է ունենում բույսի բերքատվության, որակի ու տեսքի վրա:
«Այն բացարձակ վնաս չի հասցնում մարդու կյանքին և առողջությանը, այլ տնտեսական մեծ վնաս է պատճառում գյուղատնտեսությանը, մասնավորապես մորմազգի մշակաբույսերով շրջանացված տարածքներին»,- ասված է պատասխանում:
ՍԱՊԾ տեղեկատվության և հասարակայնության հետ կապերի բաժնի պատասխանատու Անուշ Հարությունյանի փոխանցմամբ՝ լոլիկի կարանտինային վնասատուներով վարակված խմբաքանակը տեսակավորվել է: Դրա հիմնական մասը ենթարկվել է վերամշակման, որից հետո սահմանված կարգով իրականացվել է գյուղմթերքի տվյալ խմբաքանակի արտահանման գործընթացը:
Հիշեցնենք, որ դեռևս մայիսի սկզբին «Ռոսսելխոզնադզորը» դիմել էր հայկական կողմին՝ մեր երկրում կարանտինային օրգանիզմներից զերծ գոտիների որոշման ու տարանջատման համար:
ՍԱՊԾ-ից SHANTNEWS-ին տեղեկացրին նաև, որ այդպիսի տարածքների հայտնաբերման նպատակով իրենք սկսել են ուսումնասիրություններ իրականացնել «Ռոսսելխոզնադզորի» համապատասխան նամակը ստանալուց կարճ ժամանակ անց, և, որ նման տարածքները կսահմանվեն դեռևս շարունակվող ուսումնասիրությունների ավարտից հետո:
Նշենք, որ այս ընթացքում կարանտինային վնասատուների առկայության խնդիր հայտնաբերվել է նաև մեր երկրից արտահանվող ելակի որոշ խմբաքանակներում:
20:36 30.04.2025
Վարչապետն աշխատանքային հանդիպում է ունեցել աշխատանքի և սոցիալական հարցերի նախարարի հետՀՀ վարչապետ Նիկոլ Փաշինյանն աշխատանքային հանդիպում է ունեցել աշխատանքի և սոցիալական հարցերի նախարար Նարեկ Մկրտչյանի հետ: Այս մասին հայտնել է վարչապետը Ֆեյսբուքի իր էջում: Մանրամասները՝ տեսանյութում: ...
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
