14:30 13.03.2020
ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան ուղիղ եթերում խոսել է վարկերի մասին՝ նշելով, որ դրանց տոկոսների մարումը երկրում կորոնավիրուսի տարածման դեմ կանխարգելիչ միջոցառումներով պայմանավորված՝ պետք է սառեցվի առնվազն 3 ամիս ժամանակով:
«Ինձ քաղաքացի է դիմել Վանաձորից, ով վարկ ունի վերցրած: Նա լուսանկարիչ է. աշակերտներին «վինետկա» է նկարում, բայց քանի որ դպրոցները փակվել են, չի կարող նկարել, եկամուտ ստանալ և վարկը վճարել: Նույն դեպքը շատ մարդկանց մոտ է. մարդիկ վարկով մեքենա են գնել, տուրիստներ են տարել տեսարժան վայրեր ու վարկ են վճարել այդ մեքենայի համար, իսկ այժմ չեն կարող, նույնը փոքրիկ հյուրատներ, փոքր սննդի կետեր, ռեստորաններ և այլ բիզնեսներ ունեցողների դեպքում է»,- ասաց Մարուքյանը՝ նշելով, որ չէր ցանկանա, որ այդ մարդիկ բանկերում սև ցուցակներում հայտնվեն:
Նա նշել է, որ անկախ մեր կամքից՝ երկիրը կարանտինային ռեժիմի մեջ գտնվելուն զուգընթաց տնտեսությունը, բնականաբար, պետք է համապատասխան վերափոխումների ենթարկվի:
«Ես գրություն եմ պատրաստել ԿԲ նախագահի անունով: Գրությունը քիչ անց կհրապարակեմ նաև «Ֆեյսբուքում»: Նպատակս այն է, որ ԿԲ նախագահը ԿԲ խորհրդի հետ քննարկի այս հարցը և Հայաստանում գործող բոլոր բանկերին, վարկային ունիվերսալ կազմակերպություններին հորդորեն, որ առնվազն երեք ամսով այն բոլոր վարկերի տոկոսները, որոնք բիզնես բնույթ են կրում և ինչ-որ եկամտի գեներացվելու արդյունքում պետք է վճարվեն, առնվազն երեք ամսով սառեցվեն, մինչև կյանքը հունի մեջ կընկնի, տնտեսությունը սկսի գործել, մարդկանց եկամուտները կվերադառնան, և նրանք կսկսեն մարել իրենց վարկերը»,- նշեց պատգամավորը:
Մարուքյանը հիշեցրեց, որ վրացական բանկերը երկրում ստեղծված իրավիճակով պայմանավորված՝ երեք ամսով հետաձգել են վարկերի մարումը: Թրամփը ևս իր ուղերձում խոսել է ՓՄՁ-ների պաշտպանության հետ կապված նախաձեռնության մասին:
«Մենք այլընտրանք չունենք, սա անխոս պետք է արվի: Ակնկալում եմ, որ այս հարցը արագ կքննարկվի, կունենանք լուծումներ, որ վարկ վերցրած ՓՄՁ ներկայացուցիչներն ավելորդ պանիկայի մեջ չընկնեն»,- եզրափակեց Էդմոն Մարուքյանը:
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
23:48 11.05.2025
ՃՏՊ Թալին-Արտենի ավտոճանապարհին․ կան տուժածներՄայիսի 11-ին, ժամը 18:13-ին Ճգնաժամային կառավարման ազգային կենտրոն ահազանգ է ստացվել, որ Արագած-Արտենի ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Թալին-Արտենի ավտոճանապարհի 23-րդ կմ-ին «Mercedes-Benz» մակնիշի ավտոմեքենան բախվել է ճամփեզրի բետոնե արգելապատնեշին, գլորվել (մոտ 30 մ) և հայտնվել դաշտամիջյան հատվածում։ […] ...
23:38 11.05.2025
Երևանում գործող հայտնի սրճարաններից մեկում հայտնաբերվել է տղամարդու մարմինՄայիսի 11-ին, ողբերգական դեպք է տեղի ունեցել Երևանում։ Ժամը 20:30-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության կենտրոնականի բաժնում օպերատիվ տեղեկություններ են ստացվել որ Աբովյան փողոցի 23 հասցեում գործող «De France» սրճարանում դի կա։ Ինչպես հայտնում է shamsyan.com-ը, դեպքի վայր են ժամանել ոստիկանության Կենտրոնական բաժնի օպերատիվ խումբը: Տեղում պարզվել է, որ ստացված […] ...
23:17 11.05.2025
Աֆղանստանում արգելվել է շախմատըԱֆղանստանի առաքինությունների խթանման և արատների կանխարգելման նախարարությունը պաշտոնապես արգելել է շախմատը երկրում։ Այս մասին հայտնել է Khaama Press պորտալը։ Նշվում է, որ նախարարությունն արդեն լուծարել է Աֆղանստանի շախմատի ֆեդերացիան։ ...
22:56 11.05.2025
Al Arabiya. Իսրայելը հարվածներ է հասցնում Եմենի նավահանգիստներն Ալ-ՀոդեյդայումԻսրայելական ինքնաթիռները սկսել են հարվածել Եմենի Հոդեյդա, Ռաս Իսա և Աս-Սալիֆ նավահանգիստներին, որոնք գտնվում են Կարմիր ծովի ափին և գտնվում են հութիների վերահսկողության տակ: Այս մասին հաղորդում է Սաուդյան Արաբիայի Al Arabiya հեռուստաալիքը՝ հղում անելով իր աղբյուրներին։ Հութիների գլխավորած կառավարության Ներքին գործերի նախարարությունը նույնպես հայտարարել է, որ նահանգը ենթարկվել է իսրայելական հարձակման: Ավելի վաղ Իսրայելի […] ...
22:39 11.05.2025
Reuters. ԱՄՆ-ն և Չինաստանը համաձայնության են եկել առևտրային դեֆիցիտը կրճատելու հարցումԱՄՆ-ի և Չինաստանի պաշտոնյաները հայտարարել են, որ Ժնևում երկօրյա բանակցություններից հետո համաձայնության են եկել առևտրային դեֆիցիտը կրճատելու վերաբերյալ, որի մանրամասները կհայտարարվեն մայիսի 12-ին: Այս մասին հայտնել է Reuters-ը՝ հղում անելով բանակցություններին մասնակցող ամերիկյան պատվիրակության ներկայացուցիչներին: «ԱՄՆ առևտրային ներկայացուցիչ Ջեյմիսոն Գրիրը, որը մասնակցել է բանակցություններին (ԱՄՆ ֆինանսների նախարար Սքոթ) Բեսենտի, փոխվարչապետ Հե Լիֆենգի և երկու չինացի […] ...
