20:35 25.06.2018
«Այս ընտրություններից մենք շատ ավելի ուժեղ դուրս եկանք»,- SHANTNEWS.AM-ի հետ զրույցում ասել է Թուրքիայի խորհրդարանի նախկին անդամ, հայազգի Սելինա Դողանը։
Դողանը, մեկնաբանելով երեկ Թուրքիայում տեղի ունեցած ընտրությունները, նկատեց, որ «Ժողովրդահանրապետական» կուսակցության անդամներն ու գաղափարակիցները գոհ են գրանցված արդյունքներից։
«Բոլորդ գիտեք, թե ինչ դժվարին պայմանների մեջ ենք գործում, ու եթե հաշվի առնենք այդ պայմանները, պետք է արձանագրենք, որ մենք այս ընտրություններից դուրս եկանք ավելի բարձր ճակատով»,- ասաց նա։
Դողանը, անդրադառնալով Թուրքիայի խորհրդարանում ստեղծված իրավիճակին, ասաց հետևյալը.
«Այսօր արդեն պարզ է դառնում, որ Էրդողանի ղեկավարած կուսակցությունը առաջվանը չէ: Ճիշտ է, որ «Արդարություն և զարգացում» կուսակցության մանդատները ամենից շատն են, սակայն նրանք ապահով մեծամասնական ուժ չեն ներկայացնում»,- ասաց հայազգի նախկին պատգամավորը՝ հավելով, որ «անշուշտ, պետք է պայքարել նրանց դեմ»։
Դողանը նաև հիշեցրեց, որ Թուրքիայում գործող նոր Սահմանադրությամբ հստակ է, որ այս փուլը Էրդողանի նախագահության վերջին փուլն է. Էրդողանն այլևս իրավունք չունի առաջադրվել:
«Այս առումով էլ կասենք, որ մեր բոլորի փափագն է, որ այս փուլն անցնի անցնցում և խաղաղ. դա ենք կամենում ու ճիգեր ենք գործադրելու դրա համար»,- նշեց նա։
Դողանը նաև չբացառեց, որ իրենց կուսակցությունն ավելի ակտիվ կմասնակցի երկրի քաղաքական գործընթացներին:
«Բոլորը տեսան, որ համեմատած նախկին ընտրությունների հետ՝ CHP-ն շատ ավելի ազդեցիկ ներկայություն ունեցավ: Այսօր արդեն մեծ թվով ոչ կառավարական մարմիններ և միություններ մեզ են միացել, ու սա նշանակում է, որ մենք հաջորդ փուլերին կարևոր անելիք ունենք Թուրքիայում»,- ասել է Դողանը:
Հիշեցնենք, որ երեկ տեղի ունեցած ընտրությունների արդյունքով Թուրքիայի նախագահ է վերընտրվել Ռեջեփ Թայիփ Էրդողանը։
Նրան հաջողվել է հավաքել ընտրողների ձայների 52.24 տոկոսը, իսկ Էրդողանի գլխավոր մրցակից համարվող «ժողովրդահանրապետական» կուսակցության թեկնածու Մուհարրեմ Ինջեն հավաքել էր ձայների 30.67 տոկոսը:
Ինչ վերաբերում է Էրդողանի կուսակցությանը, այն կարողացել էր հավաքել քվեների 42.49 տոկոսը. կուսակցությունը առաջիկայում պետք է դաշինք կազմի Թուրքիայի ազգայնականների կուսակցության (MHP) հետ՝ ապահովելու նոր կառավարություն կազմելու իրավունքը։
09:45 07.08.2025
Կդադարեցվի մի շարք փողոցների ջրամատակարարումը
09:40 07.08.2025
CNN. Թրամփը ցանկանում է արագ համաձայնության գալ Պուտինի և Զելենսկիի հետ հանդիպումների շուրջԱՄՆ նախագահ Դոնալդ Թրամփը խնդրել է իր թիմին հնարավորինս շուտ կազմակերպել իր հանդիպումները իր գործընկերներ Վլադիմիր Պուտինի և Վլադիմիր Զելենսկիի հետ, հաղորդում է CNN-ը՝ հղում անելով իր աղբյուրներին։ Ինչպես նշվում է, Թրամփի խոշոր հանդիպումները համաշխարհային առաջնորդների հետ, սովորաբար, «ժամանակ են պահանջում» նախապատրաստվելու համար, բայց այս դեպքում նա «խնդրել է իր թիմին արագ գործել»: CNN-ի աղբյուրների […] ...
09:30 07.08.2025
Ռուբիո. ԱՄՆ-ը այժմ ավելի լավ է հասկանում Ռուսաստանի պայմանները Ուկրաինայի կարգավորման համարԱՄՆ վարչակազմն այժմ ավելի լավ է հասկանում այն պայմանները, որոնց ներքո Ռուսաստանը պատրաստ է կարգավորել Ուկրաինայի հարցը, օգոստոսի 6-ին Fox Business-ին տված հարցազրույցում ասել է ԱՄՆ պետքարտուղար Մարկո Ռուբիոն։ «Կարծում եմ՝ մենք հիմա ավելի լավ ենք հասկանում այն պայմանները, որոնց ներքո Ռուսաստանը պատրաստ է դադարեցնել պատերազմը։ Հիմա մենք պետք է համեմատենք դա այն բանի հետ, […] ...
09:23 07.08.2025
Վրաստանի հավաքականի ֆուտբոլիստը տեղափոխվել է «Ուդինեզե»«Էմպոլիի» պաշտպան Սաբա Գոգլիչիձեն տեղափոխվել է «Ուդինեզե», հայտնում է ակումբի պաշտոնական կայքը։ Կողմերը պայմանագիր են կնքել, որը կգործի մինչև 2030թ. հուլիսի 1-ը։ Transfermarkt-ի տվյալներով` «Ուդինեզեն» 21-ամյա ֆուտբոլիստի տեղափոխության համար վճարել է 4 միլիոն եվրո։ Գոգլիչիձեն «Էմպոլիում» հանդես էր գալիս 2024թ. հունվարից, 36 խաղում նա կատարել է 1 գոլային փոխանցում։ Նա 2024թ. սեպտեմբերից հրավիրվում է Վրաստանի […] ...
09:18 07.08.2025
Իսրայելի բանակը հարվածներ է հասցրել «Հեզբոլլահ»-ի ռազմական օբյեկտներին Լիբանանի հարավումԻսրայելի բանակը հայտարարել է, որ հարավային Լիբանանում վերջին հարվածները թիրախավորել են շիական «Հեզբոլլահ» կազմակերպության ռազմական օբյեկտները։ «Իսրայելի պաշտպանության բանակը հարվածել է «Հեզբոլլահի» ահաբեկչական թիրախներին Լիբանանի հարավում», – ասվում է հայտարարության մեջ: Հարվածված թիրախների թվում զինվորականները նշել են «զենքի պահեստներ», «հրթիռային կայաններ» և «ինժեներական սարքավորումներ պահող օբյեկտներ, որոնք թույլ են տվել վերականգնել ահաբեկչական ենթակառուցվածքները տարածքում»: Բանակի […] ...
09:08 07.08.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
09:00 07.08.2025
Ջոն վան’տ Սխիպը հույս ուներ մնալ Հայաստանի հավաքականումՀայաստանի հավաքականի արդեն նախկին գլխավոր մարզիչ Ջոն վան’տ Սխիպը հայտարարել է, որ չէր ցանկանում հեռանալ իր պաշտոնից, բայց ընդունել է Հայաստանի ֆուտբոլի ֆեդերացիայի որոշումը: «Ես հույս ունեի շարունակել համագործակցությունը Հայաստանի ազգային հավաքականի հետ, բայց հարգում եմ ՀՖՖ-ի՝ այլ ուղղությամբ գնալու որոշումը։ Ես հպարտ եմ կարճ ժամանակահատվածում մեր կատարած աշխատանքով և ցանկանում եմ շնորհակալություն հայտնել ֆուտբոլիստներին, […] ...
