19:40 22.01.2021
Ֆրանսիացի բժիշկները նեղ մասնագիտական բուժօգնություն են տրամադրում արցախյան երկրորդ պատերազմում բարդ վիրավորումներ ստացած զինծառայողներին ու կամավորականներին: Կինեզոթերապևտ Միշել Բութան և օրթեզների մասնագետ Էդգար Միքայելյանը Գյումրիում զննել, բուժօգնություն են ցուցաբերել վերին վերջույթների բեկորային ու այրվածքային վիրավորումներով վերականգնողական բուժման մեջ գտնվող զինծառայողներին։
Վիրավոր զինծառայողների վնասվածքները հետազոտելուց հետո ֆիզիոթերապևտ, օրթեզի մասնագետ, ֆրանսահայ Էդգար Միքայելյանը վնասված վերջույթները ֆիքսելու համար հատուկ նյութից տեղում սպլինտ պատրաստեց:
։
«Ես երբեք չեմ տեսել էսպիսի վիրավոր ձեռքեր, ես երբեք պատերազմի ժամանակ չեմ աշխատել։ 18-19 տարեկան ջահել երեխաների մոտ շատ լուրջ վնասվածքներ կան, պատերազմի ընթացքում ստացած վիրավորումները շատ խոր են»,- ասում է օրթեզի մասնագետ Էդգար Միքայելյանը։
Կինեզոթերապևտ Միշել Բութանն ինքն է ցանկություն հայտնել գալ Հայաստան ու օգնել հայրենիքի պաշտպաններին: Մասնագիտացած է վերին վերջույթների հատվածում առկա վնասվածքները մերսումներով բուժելու մեթոդներին:
«Ձեռքերի վիրավորումները պատերազմների ընթացքում ամենաշատն են հանդիպում, դրանք հետագայում զինվորների համար խնդիրներ են ստեղծում: Հայ մասնագետները շատ լավ են աշխատել, բարձրակարգ վիրահատություններ են կատարել, միայն կցանկանայի, որ վերականգնողական բուժումը սկսվեր վիրահատություններից անմիջապես հետո, որպեսզի ձեռքերի ֆունկցիաները ավելի շուտ վերականգնվեին, կարծում եմ՝ ուշացումը պայմանավորված էր պատերազմի երկար ընթացքով»,- նշում է ֆրանսիացի բժիշկը ։
Մասնագետները նշում են՝ այս պատերազմի հետևանքով վնասվածքները տարբերվող են ու բազմաբեկորային, ինչը հիմնականում անօդաչու թռչող սարքերի կիրառմամբ է պայմանավորված։ Բժիշկներն առանձնացնում են վնասվածքների մի քանի տեսակներ, որոնց բուժումն ու վերականգնումը պահանջում է երկար ժամանակ:
«Ամենամեծ վնասվածքներն այրվածքներն են, շատ-շատ են հանդիպում ու հիմնականում երկու ձեռքերին։ Հաջորդ ամենատարածված վիրավորումները խոր կտրվածքներն են, ինչի հետևանքով նյարդեր են կտրվում ու այդ կտրվածքները շատ վերև են տեղակայված։ Նյարդերի վերականգնումը դժվարանում է ու երկար ժամանակ է պահանջում»,- նշում է ֆրանսահայ բժիշկը։
Պատերազմի ժամանակ արագ բուժօգնություն կազմակերպելու և կյանքեր փրկելու համար բժիշկները շատ դեպքերում չեն հասցրել վիրավորների մարմիններից փոքր բեկորները հեռացնել: Ըստ մասնագետների՝ դրանք երբեմն վտանգավոր չեն լինում և այդպես տարիներով մնում են մարմնի մեջ, բայց վերին վերջույթներում կան այնպիսի հատվածներ, որտեղ մխրճված բեկորները խանգարում են ֆունկցիաների բնականոն ընթացքին և վտանգում են մարդու կյանքը:
Ֆրանսիայից ժամանած մասնագետները Հայաստանում կմնան ևս 10 օր: Հաջորդ այցը ծրագրել են գարնանը՝ մասնագետների մեծ խմբով և երկար ժամանակով կմնան Հայաստանում։ Այցելելու են Արցախ և Հայաստանի մյուս մարզեր պատերազմում վիրավորում ստացած ավելի շատ անձանց օգնություն ցուցաբերելու համար։
00:00 08.05.2025
Դարձիր կամավոր՝ փրկիր կյանքերԵրևանի քաղաքապետարանի և «Հենար» հիմնադրամի ջանքերով Երևանում ներդրվել է մի ծրագիր, որն ուղղված է հանրային առողջապահության բարձրացմանը: Ծրագրի շրջանակում վերապատրաստված կամավորների և շտապօգնության աշխատակիցների համատեղ աշխատանքի շնորհիվ՝ մայրաքաղաքի կենտրոնում տեղադրված դեֆիբրիլյատորների օգնությամբ, սրտանոթային խնդիրներ ունեցող քաղաքացիներին ցուցաբերվելու է առաջին բուժօգնություն մինչև կժամանի շտապօգնությունը: Դեֆիբրիլյատորները տեղադրված են փողոցներում, այգիներում և հանրային տարածքներում, միջազգային ստանդարտներին համապատասխան՝ առավելագույնը […] ...
23:51 07.05.2025
Վատիկանում առաջին փորձից չեն կարողացել նոր պապ ընտրելՎատիկանի Սիքստինյան կապելլայում կոնկլավի համար հավաքված կարդինալները չեն կարողացել համաձայնության գալ նոր պապի ընտրության հարցում։ Այս մասին գրում է Associated Press-ը: Սիքստինյան կապելլայի վրա տեղադրված ծխնելույզից սև ծուխ է դուրս գալիս։ Սա նշանակում է, որ Հռոմի նոր Պապ դեռ չի ընտրվել։ Լրագրողների խոսքով՝ հանդիպումը տևել է մոտ չորս ժամ։ «Քանի որ կարդինալներից ոչ մեկը չի […] ...
23:43 07.05.2025
Մայիսի 8-ին կդադարեցվի Երևանի որոշ հասցեների գազամատակարարումը«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ մայիսի 8-ին ժամը 09:00-ից մինչև ժամը 21:00-ն, կդադարեցվի Երևան քաղաքի Նոր-Նորք վարչական շրջանի Նորքի փողոցի, Նորքի 2-րդ փողոցի, 2-րդ նրբանցքի, Նորքի 4-րդ, 5-րդ, 6-րդ փողոցների, 6-րդ փողոցի 1-ին, 2-րդ նրբանցքների, 7-րդ, 8-րդ, 9-րդ, 10-րդ, 11-րդ, 13-րդ, 15-րդ, 17-րդ փողոցների, 17-րդ փողոցի նրբանցքի, Արմենակյան, Ամառանոցային փողոցների, […] ...
23:31 07.05.2025
«Սասունցի Դավիթ» և «Գործարանային» կայարաններում շարժասանդուղքների փոխարինման աշխատանքներն ավարտվել ենԵրևանի քաղաքապետ Տիգրան Ավինյանը Ֆեյսբուքի իր էջում հայտնել է, որ Երևանի մետրոպոլիտենում գործարկումից ի վեր առաջին անգամ փոխարինվում են շարժասանդուղքները: ««Սասունցի Դավիթ» և «Գործարանային» կայարաններում աշխատանքներն ավարտվել են: «Զորավար Անդրանիկ» կայարանում էլ աշխատանքներն ընթացքի մեջ են»,- գրել է նա: Մանրամասները՝ տեսանյութում։ ...
23:19 07.05.2025
Այսօր ներկա գտնվեցինք Hooverphonic խմբի երևանյան համերգին․ ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում տեսանյութ է հրապարակել, որին կից գրել է. «Այսօր ներկա գտնվեցինք Hooverphonic խմբի երևանյան համերգին»։ Մանրամասները՝ տեսանյութում։ ...
23:09 07.05.2025
Նիկոլ Փաշինյանը շնորհավորել է Գերմանիայի նորընտիր կանցլեր Ֆրիդրիխ ՄերցինՀՀ վարչապետ Նիկոլ Փաշինյանը շնորհավորել է Գերմանիայի նորընտիր կանցլեր Ֆրիդրիխ Մերցին՝ պաշտոնը ստանձնելու կապակցությամբ։ Այս մասին վարչապետը գրել է X-ի իր միկրոբլոգում: «Ջերմորեն շնորհավորում եմ Ֆրիդրիխ Մերցին և ակնկալում եմ նրա հետ համագործակցություն՝ քաղաքական և տնտեսական երկկողմ հարաբերություններն ու գործընկերությունը զարգացնելու համար»,- գրել է նա։ I warmly congratulate @_FriedrichMerz and look forward to work with […] ...
