19:50 19.08.2021
Այսօր հուշագիր է ստորագրվել Գյումրիի քաղաքապետարանի և «ԱՌՔ» բարեգործական հիմնադրամի միջև, համաձայն որի՝ նախատեսվում է Անի թաղամասում սկսել սոցիալական բնակարանների կառուցման հերթական ծրագիրը։ Տնակներում ապրող ընտանիքների բնակապահովման խնդրի լուծման ծրագրի մեկնարկը նախատեսվում է հոկտեմբեր-նոյեմբեր ամիսներին:
Բնակապահովման այն ծրագրերից մեկն է, որը վերջին տարիներին իրականացվում է ոչ միայն Գյումրիում։ Առաջին սոցիալական բնակարանները կառուցվեցին Անի թաղամասի անավարտ շենքերի բազայի վրա։ Կառուցվեց 41 բնակարան։ Ծրագիրը իրականացվել է «Արդա» բարեգործական հիմնադրամի միջոցներով։ Սոցիալական բնակարանաշինության ծրագիրը կշարունակվի նաև այս տարի։
«ԱՌՔ» բարեգործական հիմնադրամի և քաղաքապետարանի համագործակցությամբ, Անի թաղամասի սոցիալական բնակարանների հարևանությամբ, կկառուցվի նոր շենք՝ 15-18 բնակարանով։
«Մոտ 350 քմ տարածք է, ենթադրում ենք, որ անպայման 4 հարկ ենք կառուցելու, ամեն հարկում կլինի 3-4 բնակարան, կտեսնենք նախագիծը ինչպես կստացվի, կկառուցենք մեկ կամ երկու սենյականոց բնակարաններ»,- նշում է «ԱՌՔ» բարեգործական հիմնադրամի ներկայացուցիչ Հրահատ Ստեփանյանը։
Այս անգամ փոխվել է սոցիալական բնակարանների հատկացման չափորոշիչները։ Բնակարանների արժեքի 50 տոկոսը պետք է վճարի շահառու ընտանիքը՝ 10 տարիների ընթացքում։ Ըստ քաղաքապետարանի պատասխանատուների՝ սոցիալական բնակարանների շահառու կհամարվեն անօթևանության հերթացուցակներում հաշվառված, քաղաքի կանաչ գոտիներում տեղադրված տնակներում ապրող և սոցիալապես անապահով ընտանիքները, որոնք կունենան իրենց մասնաբաժինը վճարելու հնարավորություն։
«Մեր կարևոր ծրագրերից մեկը տնակներից քաղաքն ազատելն ու կանաչ գոտիների վերականգնումն է։ Դրա համար մենք նայում ենք, որ էն տարածքները, որտեղ տնակը խանգարում է մեր քաղաքաշինական ծրագրերի իրականացմանը կամ կանաչ գոտիների վերականգնմանը, առաջնահերթությունը կտանք նրանց»,- ասել է Գյումրիի գլխավոր ճարտարապետ Հենրիկ Գասպարյանը։
Ըստ պայմանագրի՝ շահառուները բնակարանները սեփականաշնորհելու իրավունք կստանան 10 տարի մշտական բնակություն հաստատելուց հետո միայն, երբ ամբողջությամբ վճարած կլինեն բնակարանի արժեքի 50 տոկոսը, ինչն էլ կհամարվի բնակիչների ներդրումը սոցիալական բնակարանների կառուցման ծրագրի հերթական փուլի շարունակությունն ապահովելու համար։
Սոցիալական բնակարանների կառուցապատման նախագծային աշխատանքները նոր են սկսվելու, իսկ տարածքի տրամադրման որոշման նախագիծը սեպտեմբերին կներկայացվի ավագանու քննարկմանը։ Գյումրիում տնակներում հաշվառված ընտանիքների թիվը 2800-ից ավելին է, նրանցից միայն 414-ն ունեն անօթևանի կարգավիճակ։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:59 21.06.2025
Երևանում առաջին անգամ անցկացվեց Les Mills Experience միջոցառումը՝ լեգենդար մարզիչ Մարլոն Վուդսի մասնակցությամբԵրևանում առաջին անգամ անցկացվեց Les Mills Experience միջոցառումը՝ լեգենդար մարզիչ Մարլոն Վուդսի մասնակցությամբ։ Այս մասին հայտնել են Երևանի քաղաքապետարանից: Բացօթյա մարզումներ, երաժշտություն և անսահման էներգիա՝ հենց Երևանի սրտում։ Երևանի քաղաքապետարանը մեծապես կարևորում է առողջ ապրելակերպը խթանող նման միջոցառումները, որոնք քաղաքը դարձնում են ակտիվ ու շարժուն։ ...
23:53 21.06.2025
Tasnim. Իրանի ՀՕՊ համակարգերը Բանդար Աբասի տարածքում իսրայելական ԱԹՍ-ներ են խոցելԻրանի ՀՕՊ ուժերը որսացել են իսրայելական անօդաչու թռչող սարքեր Հորմոզգան նահանգի հարավային հատվածում գտնվող Բանդար Աբբաս և Բանդար Լենգե քաղաքների երկնքում, հաղորդում է Tasnim լրատվական գործակալությունը։ Հարձակման հետևանքով զոհերի կամ նյութական վնասների մասին տեղեկություններ չկան։ Իր հերթին, իսրայելական կողմը պնդում է, որ հարվածել է Իրանի հարավ-արևմուտքում գտնվող Բանդար Աբաս շրջանի ԱԹՍ-ների և զինամթերքի պահեստներին։ ...
23:42 21.06.2025
«Nissan»-ը Հրազդանի կիրճում վրաերթի է ենթարկել 3 անչափահաս երեխաների. շնորհիվ շտապօգնության և «Սուրբ Աստվածամայր» բժշկական կենտրոնի բժիշկների՝ երեխաների կյանքը հնարավոր է եղել փրկելՀունիսի 21-ին, վրաերթ է տեղի ունեցել Երևանում: Ժամը 16:30-ի սահմաններում «Nissan» մակնիշի ավտոմեքենան Հրազդանի կիրճում վրաերթի է ենթարկել 3 անչափահաս հետիոտնի: Ինչպես դեպքի վայրից հայտնում է shamshyan.com-ը, վարորդը փախուստի չի դիմել, ահազանգել է շտապօգնություն, օպերատիվորեն ժամանած Երևանի 1-03 շտապօգնության բժիշկների հերթապահ խումբը երեխաներին նախ տեղում առաջին բուժօգնությունն են ցուցաբերել, ապա տեղափոխել «Սուրբ Աստվածամայր» բժշկական կենտրոն, […] ...
23:35 21.06.2025
Հարավային ակումբները մեծ առավելություն ունեն ԱԱԱ-ում․ ԿովաչԴորտմունդի «Բորուսիայի» գլխավոր մարզիչ Նիկո Կովաչը կարծում է, որ հարավային ակումբները մեծ առավելություն ունեն աշխարհի ակումբային առաջնությունում, հայտնում է RMC Sport-ը։ «Արդեն նկատելի է, որ հարավային ակումբները մեծ առավելություն ունեն աշխարհի ակումբային առաջնությունում։ Ստադիոնում հավաքված երկրպագուների համար սարսափելի շոգ է և կարող եք պատկերացնել, թե որքան բարդ է նաև խաղացողների համար։ Ստվերի տակ արևի ջերմաստիճանը […] ...
23:25 21.06.2025
Արարատի մարզում բախվել են «Opel Astra»-ները, որոնցից մեկը վրաերթի է ենթարկել հետիոտնին․ վերջինը տեղափոխվել է հիվանդանոցՀունիսի 21-ին, ավտովթար-վրաերթ է տեղի ունեցել Արարատի մարզում։ Ժամը 14։10-ի սահմաններում Երևան-Երասխ ավտոճանապարհի սկզբնամասում՝ «Կոնտինենտալ» ռեստորանային համալիրի դիմաց, բախվել են Արարատի մարզի բնակիչ 30-ամյա Գևորգ Ս․-ի վարած «Opel Astra» մակնիշի և Երևանի բնակիչ 32-ամյա Ռոբերտ Ա․-ի վարած «Opel Astra» մակնիշի ավտոմեքենաները, ինչի հետևանքով ավտոմեքենաներից մեկը վրաերթի է ենթարկել հետիոտն, Արագածոտնի մարզի բնակիչ 71-ամյա Ջեմմա Ա․-ին։ […] ...
23:19 21.06.2025
Ի՞նչ ճանապարհ է անցել «Շանթ» ՀԸ-ն․ պատմում է Վարդգես Ավետիսյանը«Շանթ» հեռուստաընկերությունն այսօր դարձավ 31 տարեկան: Նախորդ ողջ տարին հոբելյանական էր և այսօր մենք ամփոփում ենք այն Վարդգես Ավետիսյանի հետ: Մարդ, ով առաջինն էր, որ Գյումրիի հեռուստաաշտարակի մոտից հայտարարեց «Շանթի» աշխատանքի մեկնարկի մասին: «Հեռանկար»-ի տաղավարում նա հետաքրքիր դրվագներ է ներկայացրել «Շանթ»-ի անցած ուղուց: Հարցազրույցն ամբողջությամբ՝ տեսանյութում։ ...
