ՀԱՅԱՍՏԱՆ

Գեղարքունիքի մարզպետ Գնել Սանոսյանը ֆեյսբուքյան իր էջում գրել է. «Մայիսի 4-ից՝ երկուշաբթի օրվանից հանվելու են ազատ տեղաշարժի սահմանափակումները։ Տեղաշարժման թերթիկ լրացնելու կարիք այլևս չի լինի։ Հանվելու են գրեթե բոլոր տեսակի տնտեսական գործունեության սահմանափակումները։ Որոշ տեսակի տնտեսվարողների համար լինելու են ուղեցույցներ, թե ինչպես ապահովել աշխատակիցների անվտանգությունը։ Աշխատելու են վարսավիրանոցները և գեղեցկության սրահները։ Սրճարաններից և ռեստորաններից աշխատելու […]

Ամեն տարի մայիսի 1-ին Երևանի կենդանաբանական այգին ազդարարել է տարեշրջանի պաշտոնական բացման մասին։ Պայմանավորված արտակարգ դրությամբ` այս տարի Երևանի կենդանաբանական այգին փակ է։ Այսօր գրեթե բոլոր կենդանիների համար կազմակերպվել են խաղեր: Մանրամասները՝ տեսանյութում:

Արցախի Հանրապետությունում հայտնաբերվել է կորոնավիրուսով վարակման 8 դեպք, որոնցից 6-ն արդեն առողջացել և դուրս է գրվել, 2 քաղաքացի շարունակում է բուժումը: Ընդհանուր արվել է 287 թեստավորում: Այս մասին մայիսի 1-ին կայացած ասուլիսի ժամանակ հայտնել է ԱՀ առողջապահության նախարարության աշխատակազմի պետական հիգիենիկ և հակահամաճարակային տեսչության պետ Օֆելյա Հարությունյանը: «Մենք անում ենք հնարավոր ամեն բան, որ մեզ […]

ԱԺ փոխնախագահ Լենա Նազարյանը գրառում է կատարել իր ֆեյսբուքյան էջում, որում մասնավորապես գրել է, որ այսօր, հատկապես համաճարակի պայմաններում, Հայաստանում աշխատանքային իրավունքների խախտումներն ամենամասշտաբայինն են։ «Սոցիալական աջակցություն ստանալու կարիք ունեցողներն արդեն ստիպված անթաքույց խոսեցին, որ գործատուները չեն գրանցել իրենց աշխատանքը և չեն վճարել հարկեր, որոնք հիմա հնարավոր կլիներ վերադարձնել այդ աշխատողներին սոցիալական ծրագրերի միջոցով։ Հայտնի […]

Մայիսի 4-ից սահմանափակումների զգալի մասը կհանվի: Ո՞ր ոլորտներին և ո՞ր դեպքերին է վերաբերում նոր որոշումը: Կառավարության մամուլի կենտրոնում հրավիրված ասուլիսի ժամանակ մանրամասներ են հայտնել ՀՀ էկոնոմիկայի ու առողջապահության փոխնախարարները: Մանրամասները՝ ռեպորտաժում:

ՀՀ գլխավոր դատախազի հանձնարարությամբ ՀՀ ՊՎԾ կողմից իրականացված մշտադիտարկման արդյունքների հիման վրա հանրապետության 8 մարզերի համայնքներում պետական և համայնքային սեփականություն հանդիսացող հողամասերի վարձակալության, ապա ենթավարձակալության հանձնելու ոլորտում իրականացվող ուսումնասիրությունների շրջանակներում շարունակվում են հանցագործության առերևույթ փաստերի հիման վրա քրեական գործերի հարուցման, դրանց շրջանակներում համայքններին հասցված վնասների վերականգնման և վարձակալության պայմանագրերի լուծման լայնածավալ գործողությունները: Այս մասին հայտնում […]

Մայիսի 4-ից կհանվեն մարդկանց ազատ տեղաշարժի սահմանափակումները և կվերացվեն տնտեսական գործունեության մի շարք տեսակների սահմանափակումները։ Եվ այսպես, կբացվի մշակող արդյունաբերությունը՝ գործունեության բոլոր տեսակներով։ Կգործեն այն ռեստորանները, սրճարանները, որոնք կունենան բացօթյա տարածք: Կթույլատրվի վարսավիրանոցների և գեղեցկության սրահների գործունեությունը։ Այս և այլ հարցերի շուրջ է հարցազրույցը Էկոնոմիկայի նախարարի տեղակալ Վարոս Սիմոնյանի հետ։

ՀՀ աշխատանքի և սոցիալական հարցերի նախարարությունը փորձել է լուսանկարների միջոցով պատասխան տալ հարցերին, թե որոնք են 9-րդ միջոցառման դիմումների մերժման պատճառները:

Թե սահմանափակումների թուլացման հետևանքով, այսպես ասած, կորոնավիրուսային ի՞նչ զարգացումներ են սպասվում, ըստ առողջապահության նախարարի տեղակալ Լենա  Նանուշյանի, հաշվարկներ անել չեն կարող: ՀՀ էկոնոմիկայի նախարարի տեղակալ Վարոս Սիմոնյանն էլ սահմանափակումները հանելու քայլը բնորոշում է որպես «յուրահատուկ թեստ»: Մանրամասները՝ տեսանյութում:

Առողջապահության նախարարի տեղակալ Լենա Նանուշյանն այսօր կառավարության մամուլի կենտրոնում հրավիրված ասուլիսի ժամանակ տեղեկացրեց, որ բոլոր հնարավոր ճանապարհներով փորձ է արվում ավելացնել թեստավորման ենթակա խմբերը: Ռիսկայիններից, օրինակ՝ բուժաշխատողները, թոքաբորբով հիվանդներն արդեն ներառվել են համապատասխան խմբում: Նանուշյանն ասում է՝ բնակչության շրջանում օրական շուրջ 1000 թեստավորում անելու հնարավորություն կա: Շարունակվում են նաև այլ երկրների, միջազգային կազմակերպությունների հետ համագործակցությունները՝ […]

Մայիսի 1-ին՝ ժամը 15:38-ին, Ճգնաժամային կառավարման ազգային կենտրոն ահազանգ է ստացվել, որ Սյունիքի մարզի Գորիս քաղաքի Այգեստանի փողոցի թիվ 24 տան մոտակայքում գտնվող չշահագործվող շինության տանիքում քաղաքացի է հոսանքահարվել: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

ՀՀ ԱՆ ՀՎԿԱԿ վարակիչ հիվանդությունների համաճարակաբանության բաժնի պետ Լիանա Թորոսյանը ֆեյսբուքյան էջում հետևյալ գրառումն է արել. «Հարգելիներս, նախ՝ ուզում եմ տեղեկացնել, որ լավ եմ…. Շնորհակալ եմ այսքան ստացած զանգերի, անհանգստությունների, բարեմաղթանքների ու գնահատականների համար: Որպես մասնագետ, ուզում եմ անդրադառնալ որոշ սահմանափակումների հանմանը: Ժողովուրդ ջան, իհարկե, երկար չէին կարող մնալ սահմանափակումները, սակայն վերջինս չի նշանակում «անզուսպ» […]

ՀՀ առողջապահության նախարար Արսեն Թորոսյանը ֆեյսբուքյան էջում գրել է, որ կորոնավիրուսային վարակի տարածման կանխումը և պացիենտների բուժումը մեր բոլորի հիմնական խնդիրներից են։ Նախարարը գրառմանը կից այս տեսահոլովակն է նաև ներկայացրել: Մանրամասները՝ տեսանյութում:

ՀՀ աշխատանքի և սոցիալական հարցերի նախարար Զարուհի Բաթոյանը ֆեյսբուքյան իր էջում շնորհավորել է Աշխատավորների օրը։ «Այսօր մենք նշում ենք աշխատավորների միջազգային օրը անսովոր մի իրավիճակում, որը ստիպում է մեզանից յուրաքանչյուրին վերանայել մեր պատկերացումները աշխատանքի և աշխատանքային իրավունքների վերաբերյալ: Երկու տարի առաջ՝ հեղափոխությունից հետո, Հայաստանի նոր կառավարությունը հայտարարեց, որ աղքատության հաղթահարման ճանապարհին իր ուղենիշը լինելու է […]

ՀՀ ԿԳՄՍ նախարար Արայիկ Հարությունյանը ֆեյսբուքյան իր էջում գրում է, որ «Մնա տանը» թեմայով տեսահոլովակների մրցույթ էին հայտարարել աշակերտների շրջանում: «Քիչ առաջ հանձնաժողովի ընտրած վեց հաղթողների տեսահոլովակները դիտեցի: Մենք ֆանտաստիկ երեխաներ ունենք …»,- գրել է նախարարը՝ հավելելով, որ շուտով կհրապարակեն այդ հոլովակները:

Հայաստանում ԵՄ գրասենյակը հաղորդագրություն է տարածել, որում մասնավորապես ասված է. «Եվրոպական միությունը շարունակում է աջակցել առավել խոցելի տնային տնտեսություններին Հայաստանի մարզերում, որոնցում առկա են տարեցներ կամ հաշմանդամություն ունեցող անձինք, ինչպես նաև բազմազավակ ընտանիքներին՝ կորոնավիրուսային համավարակի դեմ պայքարի շրջանակներում: Այս անգամ ԵՄ դեսպան Անդրեա Վիկտորինը այցելել է Հայկական Կարմիր խաչի ընկերություն սննդի և հիգիենայի պարագաներ պարունակող […]

ՀՀ փոխվարչապետ Տիգրան Ավինյանը ֆեյսբուքյան էջում հետևյալ գրառումն է արել. «Սիրելի՛ հայրենակիցներ Աշխատանքը քաղաքակրթության շարժիչ ուժերից է: Աշխատանքի միջոցով է մարդն ինքնիրացվում, արժեք ստեղծում՝ միաժամանակ ապահովելով իր և իր ընտանիքի բարեկեցությունը: Աշխատանքն է նաև հանրային բարեկեցության հիմքը: Վստահ եմ, որ կազմակերպված, արդյունավետ ու խելացի աշխատանքի միջոցով Հայաստանը կարողանալու է համարձակ ցատկ կատարել ու անցնել զարգացող […]

Սահմանափակումների վերացման լուրերին զուգահեռ՝ ՀՀ առողջապահության նախարարի տեղակալ Լենա Նանուշյանն այսօր կառավարությունում հրավիրված ասուլիսի ժամանակ մեկ անգամ ևս հիշեցրեց համապատասխան սկզբունքները՝ աշխատողների միջև, նաև հաճախորդների հետ աշխատանքի ընթացում սոցիալական հեռավորության ապահովում, աշխատավայրերում հիգիենիկ միջոցառումների իրականացում: Ջերմություն ունենալու դեպում էլ դուրս գալ աշխատավայրից ու բժշկի դիմել: Փոխնախարարը հիշեցրեց նաև խոցելի խմբերի ու հեռավար աշխատանքի կազմակերպման մասին: […]

Այսօր՝ մայիսի 1-ին, կրակոց է տեղի ունեցել Երևանում։ Ժամը 13։00-ի սահմաններում աջ ոտքի մասում հրազենային վնասվածքով «Էրեբունի» հիվանդանոց է տեղափոխվել մի քաղաքացի։ Ինչպես հայտնում է Shamshyan.com-ը, հիվանդանոց են մեկնել ոստիկանության Էրեբունու բաժնի օպերատիվ խումբը՝ բաժնի պետ Խորեն Բարխոյանի գլխավորությամբ։ Ոստիկանները պարզել են, որ վիրավորը 33-ամյա Ա.Ֆ.-ն է, որը հիվանդանոց է տեղափոխվել Սարի Թաղից։ Մինչ բժիշկները […]

Հայաստանում և աշխարհի 100-ից ավելի պետություններում այսօր նշվում է Աշխատանքի միջազգային օրը: ՀՀ առողջապահական և աշխատանքի տեսչական մարմինը տեղեկացնում է, որ աշխատողների համատարած ցույցերով մեկնարկած այս շարժման մասնակիցների պահանջն աշխատանքային գրաֆիկը 8-ժամյա դարձնելն էր: Այսօր աշխատանքային խնդիրներն ավելի բազմաշերտ են ու կարգավորման առավել լուրջ աշխատանք են ենթադրում։ «Աշխատողների իրավունքների պաշտպանությունն արդեն օրենսդրական նոր կարգավորումներով է […]

Մայիսի 4-ից նոր փոփոխությունների փաթեթ է ուժի մեջ մտնելու: Այսօր կառավարությունում հրավիրված ասուլիսի ժամանակ այդ մասին նշեց ՀՀ էկոնոմիկայի նախարարի տեղակալ Վարոս Սիմոնյանը: Նրա խոսքերով՝ հանվելու է ազատ տեղաշարժի սահմանափակումը: Սա նշանակում է, որ ՀՀ քաղաքացիները ՀՀ տարածքում ազատ տեղաշարժվելու իրավունք կունենան: Բայց տրանսպորտի արգելքը կպահպանվի: Սիմոնյանի խոսքերով՝ փակ են լինելու նաև մոլերն ու հանրախանութները, […]

Գնահատման և թեստավորման կենտրոնը ներկայացրել է նախորդ տարիների շրջանավարտների դիմում-հայտերն ընդունող ուսումնական հաստատությունների ցանկը: ԳԹԿ-ն նշում է՝ նախորդ տարիների այն շրջանավարտները, որոնք բուհ ընդունվելու համար «Հայոց լեզու և հայ գրականություն», «Մաթեմատիկա», «Հայոց պատմություն», «Ռուսաց լեզու», «Համաշխարհային պատմություն», «Քիմիա», «Ֆիզիկա», «Օտար լեզու» (անգլերեն, ֆրանսերեն, գերմաներեն, իսպաներեն, պարսկերեն, իտալերեն), «Աշխարհագրություն», «Կենսաբանություն», «Ստեղծագործական աշխատանք» (շարադրություն) առարկաներից հանձնելու են […]

Մեկնարկում է 2019-2020 ուստարվա շրջանավարտների պետական ավարտական, միասնական և կենտրոնացված քննությունների կազմակերպման գործընթացը: Գնահատման և թեստավորման կենտրոնը մանրամասներ է ներկայացրել այդ գործընթացից: ԳԹԿ-ն սույն թվականի փետրվարի 1-ից սկսել է Հայաստանի Հանրապետությունում միջնակարգ հանրակրթական ծրագիր իրականացնող հաստատությունների (անկախ կազմակերպաիրավական ձևից) 2019-2020 ուստարվա շրջանավարտների «Հայոց լեզու և հայ գրականություն», «Մաթեմատիկա», «Հայոց պատմություն», «Համաշխարհային պատմություն», «Քիմիա», «Ֆիզիկա», «Օտար լեզու» […]

ՀՀ վարչապետ Նիկոլ Փաշինյանը ֆեյսբուքյան էջում հետևյալ գրառումն է արել. «Կառավարության ընդունած հակաճգնաժամային 1-ից 13-րդ միջոցառումների շրջանակում այս պահի դրությամբ բաշխվել է 57.3 միլիարդ դրամ: Գումարը բաշխվել է շուրջ 23 հազար իրավաբանական և 825 հազար ֆիզիկական անձանց միջև: Ուշադրություն – Այս թվերը չեն ներառում հակաճգնաժամային 14, 15, 16 միջոցառումները, որոնց իրագործումն ընթացքի մեջ է: Այս […]

Բարձր տեխնոլոգիական արդյունաբերության նախարար Հակոբ Արշակյանը ֆեյսբուքյան էջում հետևյալ գրառումն է արել. «Սիրելի՛ հայրենակիցներ Մենք՝ հայերս, երբևէ աշխատանքից խույս չենք տվել, և մեծապես մեր աշխատասիրության շնորհիվ է, որ հաղթահարել ենք և շարունակում ենք հաղթահարել խոչընդոտները՝ մեր երազած Հայրենիքի կերտման ճանապարհին։ Շնորհակալ եմ ռազմարդյունաբերողներին, հեռահաղորդակցության ու փոստի աշխատակիցներին, ինչպես նաև բարձրտեխնոլոգիական համայնքին, ոլորտում ընդգրկված յուրաքանչյուր աշխատակցի […]

ՀՀ վարչապետ Նիկոլ Փաշինյանը ֆեյսբուքյան էջում տեսանյութ է հրապարակել՝ կից նշելով. «Մեր հայրենակիցների ապաքինման ընթացքը. հայացք հիվանդանոցի ներսից»:

Վարչապետի աշխատակազմի ղեկավար Էդուարդ Աղաջանյանը ֆեյսբուքյան գրառում է կատարել՝ ասելով, որ  կարևոր քննարկում է հրավիրվել «Անկանխիկ գործառնությունների մասին» ՀՀ օրենքի նախագծի փաթեթի վերաբերյալ։ «Անկանխիկ գործառնությունների խթանումը կնպաստի մեր երկրում առավել թափանցիկ և հաշվետվողական համակարգ ունենալուն, ինչպես նաև կոռուպցիայի դեմ պայքարին և ստվերի կրճատմանը։ Քննարկման արդյունքում արձանագրվեց, որ վարչապետի աշխատակազմը, ՀՀ էկոնոմիկայի նախարարությունը և ՀՀ կենտրոնական […]

Շիրակի մարզպետարանը տեղեկացնում է, որ կորոնավիրուսի տարածման և կանխարգելման նպատակով Մարալիկ և Ձորակապ բնակավայրերում կիրառվող սահմանափակումները մայիսի 1-ից հանված են։ «Մարզում առողջացած հիվանդների թիվն ավելացել է 4-ով, առողջացած պացիենտներից 3-ը Մարալիկի առողջության կենտրոնի աշխատակիցներ են։ Գյումրու ինֆեկցիոն հիվանդանոցում այս պահին կորոնավիրուսով 68 հիվանդ է բուժվում, նրանցից 63-ը Շիրակի մարզի բնակիչ է։ Երևան տեղափոխված հիվանդների թիվը […]