ԱՐՑԱԽ

ԱՀ ՆԳՆ-ն հայտնում է, որ հաշվի առնելով ստեղծված իրավիճակը՝ Ներքին գործերի նախարարության ոստիկանության ծառայողները Ստեփանակերտ քաղաքի կենտրոնական ու ծայրամասային փողոցներում իրականացնում են ուժեղացված ծառայություն՝ բնակչության անվտանգությունն ապահովելու նպատակով։ «Հորդորում ենք տուրք չտալ խուճապային տրամադրություններ ստեղծող գրառումներին և ցուցաբերել զգոնություն»,- հայտնում են ՆԳՆ-ից:

Իրականացվող փաստահավաք աշխատանքների շրջանակում հավաքագրվում են տվյալներ՝ զոհված և ճակատագիրն անհայտ քաղաքացիական անձանց և զինվորականների վերաբերյալ։ «Խնդրում ենք հարազատներին տեղեկություններ ներկայացնել՝ այցելելով ԱՀ մարդու իրավունքների պաշտպանի գրասենյակ Կնունյանցների 1 հասցեով կամ զանգահարելով (047) 97 90 47 հեռախոսահամարին»,-նշված է Արցախի ՄԻՊ հաղորդագրության մեջ։

Ադրբեջանի պաշտպանության նախարարությունը ցավակցություն է հայտնել Ռուսաստանին՝ Ղարաբաղում ռուս խաղաղապահների զոհվելու կապակցությամբ։ Չորեքշաբթի օրը Ռուսաստանի պաշտպանության նախարարությունը հայտնել է, որ Լեռնային Ղարաբաղում ռուս խաղաղապահներով ավտոմեքենան գնդակոծվել է, ինչի հետևանքով զինվորականներ են զոհվել։ Գերատեսչությունում հավելել են, որ տեղում աշխատում են ՌԴ և Ադրբեջանի քննչական մարմինների ներկայացուցիչները։ «Մենք մեր խորին ցավակցությունն ենք հայտնում Ռուսաստանի Դաշնության պաշտպանության նախարարության […]

Մարդու իրավունքների պաշտպանի հանձնարարությամբ արագ արձագանքման խմբեր են մեկնել Ոստիկանության բաժիններ Հանրապետության հրապարակում հավաք իրականացնող անձանց բերման ենթարկելու դեպքի շրջանակներում: Բերման ենթարկված անձանց հետ տեղի կունենան առանձնազրույցներ, կուսումնասիրվեն բերման ենթարկելու հիմքերը: Մարդու իրավունքների պաշտպանը ևս մեկ անգամ կոչ է անում հավաքի մասնակիցներին ցուցաբերել զսպվածություն և պահպանել օրենսդրությամբ սահմանված պահանջները։ Պաշտպանն ընդգծում է նաև, որ պետական […]

Սեպտեմբերի 20-ի ժամը 21:30-ի դրությամբ կա առնվազն 200 զոհ և ավելի քան 400 վիրավոր։ Այս մասին հայտնում է Արցախի ՄԻՊ-ը։ Քաղաքացիական բնակչության շրջանում վիրավորների թիվը գերազանցում է 40-ը, որոնցից 13-ը երեխաներ են։

Հայկական կողմի նախաձեռնությամբ կայացել է ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի հեռախոսազրույցը, որի ընթացքում քննարկվել է Ղարաբաղի հարցը, հայտնում է Կրեմլի մամուլի ծառայությունը։ «Հայկական կողմի նախաձեռնությամբ ՌԴ նախագահ Վլադիմիր Պուտինը հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ, քննարկվել են Լեռնային Ղարաբաղի շուրջ ստեղծված իրավիճակի վերջին զարգացումները»,- ասված է հաղորդագրությունում։ Նշվում […]

Forza Italia-ի պատգամավոր, արտաքին հարաբերությունների հանձնաժողովի անդամ Անդրեա Օրսինին անդրադարձել է ԼՂ-ի իրավիճակին: Այս մասին հայտնում է Իտալիայում ՀՀ դեսպանության ֆեյսբուքյան էջը: «Պետք է դադարեցնել ռազմական բոլոր գործողությունները: Պետք է անցանելի պահել Լաչինի միջանցքը, Անկարան պետք է միջամտի»- հայտարարել էր նա: Իտալացի պատգամավորն ասել է, որ չի կարող չկիսել ԵՄ արտաքին քաղաքականության հարցերով բարձր ներկայացուցիչ […]

Ադրբեջանը ճանաչում է Հայաստանի տարածքային ամբողջականությունը, ինչպես փոխանցում է «Լուրերը», ուղերձում հայտարարել է Իլհամ Ալիևը: Անդրադառնալով ԼՂ դեմ ագրեսիային՝ Ալիևը հայտարարել է, որ եթե Լեռնային Ղարաբաղում վայր չդնեին զենքերը, Ադրբեջանը «կգնար մինչև վերջ»: Ադրբեջանի նախագահը նշել է՝ ադրբեջանական կողմը ևս ունի զոհեր և վիրավորներ։ Նրա խոսքով՝ Լեռնային Ղարաբաղում զինտեխնիկայի և զենքերի հանձնման գործընթացն արդեն սկսվել […]

ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել է, որ տարածաշրջան է ուղարկում Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին: «Հաշվի առնելով Ադրբեջանի կողմից ղարաբաղցի հայերի դեմ ռազմական գործողությունը, ես որոշել եմ ուղարկել Տոյվո Կլաարին տարածաշրջան։ Նա կտեղեկացնի իրավիճակի մասին»,-գրել է նա X սոցիալական ցանցում: In view of […]

Մարդու իրավունքների պաշտպանը՝ ամփոփելով մարդու իրավունքների վիճակի առնչությամբ աշխատակազմի իրականացրած մշտադիտարկման արդյունքները, արձանագրում է. Ադրբեջանի կողմից քաղաքացիական բնակավայրերի ու ենթակառուցվածների թիրախավորման պատճառով Լեռնային Ղարաբաղում ստեղծվել է հումանիտար աղետ: Մասնավորապես՝  կան բազմաթիվ զոհեր ու վիրավորներ, այդ թվում` քաղաքացիական բնակչության շրջանում (ներառյալ երեխաներ)  բազմաթիվ մարդկանց ճակատագրերի վերաբերյալ տեղեկություններ չկան, նրանց թվում են՝ կանայք, երեխաներն ու տարեցները ընտանիքները […]

ՀՀ ԱԳ նախարար Արարատ Միրզոյանը X-ի իր հարթակում ներկայացրել էՆյու Յորքում ԱՄՆ պետքարտուղար Էնթոնի Բլինքենի հետ ունեցած զրույցի մասին: Մասնավորապես գրել է. «Պետքարտուղար Բլինքենն ընդգծել է, որ անհրաժեշտ է միջազգային հրատապ միջամտություն՝ դադարեցնելու ադրբեջանական լայնածավալ ագրեսիան Լեռնային Ղարաբաղի ոճրագործությունների դեմ։ Հարավային Կովկասը ապակայունացնելու բոլոր ջանքերը պետք է կանխվեն»: In conversation w/🇺🇸@SecBlinken emphasized that urgent international […]

Ներքին գործերի նախարարության միգրացիայի և քաղաքացիության ծառայությունը տեղեկացնում է, որ միջգերատեսչական քննարկումներ են տեղի ունենում Լեռնային Ղարաբաղի մեր հայրենակիցների՝ Հայաստան հնարավոր մուտքը կազմակերպելու շուրջ:

Տեղի է ունեցել վարչապետ Նիկոլ Փաշինյանի հեռախոսազրույցը ՌԴ նախագահ Վլադիմիր Պուտինի հետ: Այս մասին հայտնում է վարչապետի մամուլի խոսնակը: Քննարկվել է Լեռնային Ղարաբաղում ստեղծված իրավիճակը: Զրուցակիցներն անդրադարձել են նաեւ Հայաստան-Ռուսաստան երկկողմ օրակարգի հարցերի:

Արցախի Մարդու իրավունքների պաշտպանի աշխատակազմի կողմից իրականացվող փաստահավաք աշխատանքների շրջանակներում հավաքագրվում են տվյալներ զոհված և ճակատագիրը անհայտ քաղաքացիական անձանց և զինվորականների վերաբերյալ։ Այս մասին հայտնում է Գեղամ Ստեփանյանը: «Խնդրում ենք հարազատներին տեղեկություններ ներկայացնել՝ այցելելով ԱՀ մարդու իրավունքների պաշտպանի գրասենյակ Կնունյանցների 1 հասցեով կամ զանգահարելով 047 97 90 46 հեռախոսահամարին»,-նշվում է հայտարարությունում:

«Heritage Foundation» ամերիկյան հետազոտական կազմակերպության արտաքին քաղաքականության կենտրոնի նախկին տնօրեն, Հադսոնի ինստիտուտի ավագ գիտաշխատող Լյուք Քոֆին Ադրբեջանի և Հայաստանի միջև կայուն խաղաղության և նորմալացման հույս է հայտնել: Այս մասին նա գրառում է կատարել X սոցիալական ցանցում «Սա օգուտ կբերի ողջ տարածաշրջանին։ Այժմ, երբ Բաքուն իրավամբ ունի լիակատար ինքնիշխանություն իր տարածքի վրա, նա պետք է լրացուցիչ […]

Լեռնային Ղարաբաղում տիրող իրավիճակը Ադրբեջանի ներքին խնդիրն է, Առաջին ալիքի եթերում հայտարարել է ՌԴ նախագահի մամուլի քարտուղար Դմիտրի Պեսկովը։ «Իհարկե, Ղարաբաղը Ադրբեջանի ներքին խնդիրն է, և Ադրբեջանը գործում է նրա տարածքում, որը ճանաչված է Հայաստանի ղեկավարության կողմից»,- ասաց նա։

Արցախի տեղեկատվական շտաբից հայտնում են, որ Արցախի Հանրապետության քաղպաշտպանության շտաբը քայլեր է ձեռնարկում ռազմական ագրեսիայի հետևանքով ադրբեջանական զինուժի վերահսկողության տակ անցած համայնքներից մի քանի հազարի հասնող տարհանված բնակիչներին կացության պայմաններով և սննդով ապահովելու ուղղությամբ: Առաջնային օգնություն է ցուցաբերվում առավել խոցելի խմբերին և Ստեփանակերտում հանգրվանելու հնարավորություն չունեցող քաղաքացիներին: Հարցերի և խնդիրների դեպքում խնդրում են դիմել կառավարության […]

Արցախում հրադադար հաստատելու պայմանների շուրջ «Հորիզոն»-ի հարցերին պատասխանել է ռազմաքաղաքական հարցերով փորձագետ Արմինե Մարգարյանը. «Ըստ էության, մի քանի փորձեր են եղել Արցախի և Բաքվի միջև բանակցությունների, բայց այդ բանակցությունները հաջողություն չեն գրանցել, որովհետև Ադրբեջանը խոսել է մաքսիմալիստական լեզվով և պարտադրել է ընդունել իր բոլոր պայմանները և, ըստ էության, այն համաձայնությունը, որ ձեռք է բերվել հրադադարի […]

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի տնօրինությամբ սեպտեմբերի 21-ին՝ Սուրբ Գայանե վանքում և թեմերի առաջնորդանիստ եկեղեցիներում կկատարվի Հանրապետական մաղթանքի արարողություն՝ առ Աստված հայց վերառաքելով Արցախի ժողովրդի խաղաղ ու անվտանգ կյանքի համար։ Արարողության սկիզբը՝ ժամը 11։00-ին։

Լեռնային Ղարաբաղում գնդակոծվել է ռուս խաղաղապահների ավտոմեքենան, զինվորականներ են զոհվել, հայտնում է ՊՆ-ն։ «Սեպտեմբերի 20-ին Ջանյաթաղ գյուղի տարածքում ռուսական խաղաղապահ կոնտինգենտի դիտակետից վերադառնալիս գնդակոծության է ենթարկվել ռուս զինվորականներով մեքենան։ Հրթիռակոծության հետևանքով մեքենայում գտնվող զինվորականները զոհվել են»,- հայտնել են վարչությունից։ Աղբյուրի հաղորդմամբ՝ տեղում աշխատում են ՌԴ և Ադրբեջանի քննչական մարմինների ներկայացուցիչները՝ պարզելու բոլոր հանգամանքները։

Արցախի նախկին պետնախարար Արտակ Բեգլարյանը X սոցիալական ցանցում նոր տվյալներ է հաղորդել զոհված ու վիրավոր երեխաների թվի մասին: Նա մասնավորապես գրել է. «Սառնաղբյուրում ադրբեջանական գնդակոծությունից վիրավորված 7-ամյա Ռուզան Հայրապետյանի տեսանյութը. որոշ վիրավոր երեխաների և նրանց հարազատների հետ իմ հարցազրույցները նոր դեպքեր են հայտնաբերել։ Առնվազն 5 երեխա է զոհվել, 13-ը՝ վիրավորվել»: The video story of 7-year-old […]

Սեպտեմբերի 19-ին Հայաստանի արտգործնախարար Արարատ Միրզոյանի հետ անդիպումից հետո ԵՄ բարձր ներկայացուցիչ Ժոզեպ Բորելը X-ում (նախկինում՝ Twitter-ում) գրել է, որ քննարկել են «խորապես մտահոգիչ իրավիճակը Լեռնային Ղարաբաղում»։ «ԵՄ-ն կոչ է անում Ադրբեջանին անհապաղ դադարեցնել ռազմական գործողությունները»,- գրել է Բորելը։ Նախօրեին Ադրբեջանի պաշտպանության նախարարությունը հայտարարել էր, որ «հակաահաբեկչական» գործողություններ է սկսել Լեռնային Ղարաբաղում, որը գտնվում է […]

Արցախի Հանրապետության նախագահ Սամվել Շահրամանյանը սեպտեմբերի 20-ին՝ ռազմական գործողությունների ավարտից անմիջապես հետո, այցելել է վիրավորում ստացած և Առողջապահության նախարարության «Հանրապետական բժշկական կենտրոնում» բուժում ստացող քաղաքացիներին, հետաքրքրվել նրանց վիճակով ու անհանգստացնող խնդիրներով: Երկրի ղեկավարը նշել է, որ վիրավորների բուժումը հնարավորինս արդյունավետ կազմակերպելու համար պետք է գործադրել բոլոր ջանքերը, իսկ ծայրահեղ ծանր դեպքերում հնարավոր է հիվանդների հետագա […]

Վրացի գրող Շալվա Բակուրաձեն Ադրբեջանի կողմից Լեռնային Ղարաբաղի ռմբակոծության մասին ֆեյսբուքյան իր էջում գրառում է կատարել և աջակցություն հայտնել հայ ժողովրդին: «Ալիք մեդիայի» փոխանցմամբ՝ Բակուրաձեն գրում է՝ իննամսյա շրջափակումից ու սովից, դեղորայքի բացակայությունից, մարդասիրական բոլոր օգնության արգելքից հետո ռմբակոծվում են քաղաքացիական օբյեկտները, դիահերձարանները, դպրոցները, ծննդատները, որտեղ երեկ ռմբակոծության պայմաններում երեխա է ծնվել։ «Խոսքը մարդկանց մասին […]

Եվրոպայի խորհրդի մարդու իրավունքների հանձնակատար Դունյա Միյատովիչը դատապարտում է Լեռնային Ղարաբաղում ռազմական էսկալացիան և դրա ազդեցությունը խաղաղ բնակչության, հատկապես ամենախոցելի խավերի վրա։ Միյատովիչն այդ մասին հայտարարություն է տարածել՝ նշելով, որ վերջին տարիների ընթացքում տեղի բնակչությունը տուժել է տարածաշրջանում ռազմական գործողությունների հետևանքներից: «Մասնավորապես, անցած դեկտեմբերից նրանք ապրում են մեկուսացման մեջ՝ զգալով առաջին անհրաժեշտության պարագաների և ծառայությունների […]

Արցախի հայերը ադրբեջանական հարձակումից հետո կցանկանան հեռանալ տարածաշրջանից, և դա բնական է, քանի որ վերջին ամիսների ընթացքում նրանք ադրբեջանցիների կողմից ենթարկվել են սովի, նրանց եկեղեցիները և մշակութային ժառանգության այլ օբյեկտներն ավերվել են, քաղաքացիական անձինք գնդակոծության են ենթարկվել։ «Արմենպրես»-ի փոխանցմամբ՝ այս մասին նշել է շվեդ պատգամավոր Շարլի Վեյմերշը Եվրոպական խորհրդարանի արտաքին հարաբերությունների հանձնաժողովի նիստում ԼՂ-ի դեմ […]

Ֆրանկոֆոնիայի միջազգային կազմակերպությունը հայտարարություն է տարածել Լեռնային Ղարաբաղի դեմ Ադրբեջանի իրականացրած ռազմական գործողությունների առնչությամբ՝ կոչ անելով դադարեցնել հարձակումը։ Ինչպես հաղորդում է «Արմենպրես»-ը, հայտարարության մեջ մասնավորապես ասվում է․ «Ֆրանկոֆոնիայի գլխավոր քարտուղար Լուիզ Մուշիկիվաբոն խստորեն դատապարտում է Լեռնային Ղարաբաղում Ադրբեջանի սկսած ռազմական գործողություններն ու կոչ է անում անհապաղ դադարեցնել հարձակումը։ Նա իր անկեղծ ցավակցություններն ու Ֆրանկոֆոնիայի կազմակերպության […]

Եվրախորհրդարանի ֆրանսիացի պատգամավոր Ֆրանսուա Ալֆոնսին այն համոզմանն է, որ Ադրբեջանը Լեռնային Ղարաբաղում էթնիկ զտում է իրականացնում արդեն 3 տարի: «Արմենպրես»-ի փոխանցմամբ՝ Ալֆոնսին այս մասին շեշտել է Եվրոպական խորհրդարանի արտաքին հարաբերությունների հանձնաժողովի նիստում՝ ԼՂ-ի վրա Ադրբեջանի հարձակման թեմայով քննարկման ընթացքում: «Նախ և առաջ, մենք պետք է տեղյակ լինենք, թե ինչ է տեղի ունենում երկարաժամկետ կտրվածքով, ոչ […]

Արցախի Հանրապետության իշխանություններն ընդունել են ռուսական խաղաղապահ առաքելություն իրականացնող զորակազմի հրամանատարության առաջարկությունը՝ կրակի դադարեցման վերաբերյալ: Արցախյան կողմն ունի կորուստներ և վիրավորներ, իսկ որոշ հատվածներում թշնամուն հաջողվել է մխրճվել ՊԲ մարտական դիրքեր, տիրանալ մի շարք բարձունքների և ռազմավարական ճանապարհային հանգույցների: Սեպտեմբերի 19-ից Ադրբեջանը լայնածավալ հաձակում է իրականացնում, որը թեև երեկ՝ օրվա ընթացքում մի փոքր նվազեց, սակայն […]

Գերմանիայի խորհրդարանի արտաքին հարաբերությունների հանձնաժողովի նախագահ Միխայել Ռոթը հայտարարել է, որ հարկավոր է վճռորոշ և արագ գործել՝ Լեռնային Ղարաբաղում էթնիկ զտումները և Հայաստանի տարածքի վրա հարձակումը կանխելու նպատակով։ «Արմենպրես»-ի փոխանցմամբ՝ Ռոթն այս մասին գրել է X-ի իր միկրոբլոգում։ «Դա միակ լեզուն է, որ հասկանում են Ալիևի նման ավտոկրատները։ ԵՄ-ն պետք է քաղաքական և տնտեսական պատժամիջոցների […]