ՏԵՍԱՆՅՈՒԹԵՐ

Կադաստրի կոմիտեի ղեկավար Սուրեն Թովմասյանն այսօր կայացած հեռավար ասուլիսի ընթացքում հայտնել է, որ կորոնավիրուսային համավարակն անշարժ գույքի շուկայում բացասական ազդեցություն է թողել, սակայն արդեն օգոստոսի դրությամբ՝ գործարքների աճի միտում է նկատվում: Ընդ որում՝ մարզային բնակավայրերում կատարված գործարքների թիվն ավելի մեծ է: Մանրամասները՝ տեսանյութում:

Այսօր օրվա երկրորդ կեսին Լիբանանի մայրաքաղաք Բեյրութի հարավային շրջանում պայթյուն է որոտացել, ավելի ուշ պարզվել է, որ պայթյունը լիբանանյան «Հըզբոլլահ» կուսակցությանը պատկանող զինվորական պահեստում է եղել: Թեմայի շուրջ զրույց հեռուստամեկնաբան Սագօ Արեանի հետ։

Կալիֆոռնիայի Սան Ֆրանցիսկո քաղաքում անհայտ անձինք կրկին հարձակում են գործել տեղի հայկական դպրոցի վրա: Մի շարք հանգամանքներ թույլ են տալիս ենթադրել, որ կատարվածը ադրբեջանցիների գործն է: Թեմայի շուրջ զրույց հեռուստամեկնաբան Արտյոմ Երկանյանի հետ։

  Վարչապետ Նիկոլ Փաշինյանը երեկ երեկոյան տիկնոջ՝ Աննա Հակոբյանի հետ մասնակցել է «Մեր ժամանակների հերոսը» խորագրով մրցանակաբաշխությանը, որն անցկացվել է Հայաստանի Հանրապետության անկախության 29-ամյակին նվիրված տոնական միջոցառումների շրջանակում: Անցյալ տարի առաջին անգամ կազմակերպված միջոցառումն այս անգամ անցել է Զվարթնոցի տաճարում: Միջոցառմանը ներկա են եղել նաև Արցախի Հանրապետության նախագահ Արայիկ Հարությունյանը, բարձրաստիճան պաշտոնյաներ, հյուրեր: «Մեր ժամանակների […]

Սեպտեմբերի 22-ին՝ ժամը 03:42-ին, Տավուշի մարզային ճգնաժամային կառավարման կենտրոն ահազանգ է ստացվել, որ Նավուր գյուղում այրվում է պահեստավորած անասնակեր: Այդ մասին տեղեկացնում են ԱԻՆ-ից: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ։ Պարզվել է, որ գյուղի 2-րդ փողոցի 2-րդ նրբանցքի տներից մեկի տանիքում այրվում է պահեստավորած անասնակեր (3000 հակ): […]

Ոստիկանության Գավառի բաժնում տեղեկություններ էին ստացվել, որ սեպտեմբերի 19-ին մի քանի հոգի պատրաստվում են գողանալ 40 գլուխ ոչխար։ Նշված օրը ոստիկանության Գեղարքունիքի մարզային վարչության ու Գավառի բաժնի ծառայողները Կարմիրգյուղ համայնքի հարակից հանդամասից գողությունը կատարելու պահին բռնեցին և կասկածանքով ոստիկանություն բերման ենթարկեցին Կարմիրգյուղի 20, 26 և 63 տարեկան երեք բնակչի։ Ոստիկանությունում նրանք խոստովանել են կատարածը։ Նախապատրաստվում […]

Վարչապետ Նիկոլ Փաշինյանը Միավորված ազգերի կազմակերպության 75-րդ տարեդարձին հանդես է եկել ելույթով, որի տեսանյութը ինչպես մյուս երկրների առաջնորդներինը, հրապարակվել է ՄԱԿ-ի պաշտոնական կայքում և յութուբյան ալիքում: Իր ելույթում վարչապետը մասնավորապես նշել է. «Պարոն գլխավոր քարտուղար Ձերդ Գերազանցություններ Տիկնայք և պարոնայք Միավորված ազգերի կազմակերպության 75-րդ տարեդարձը մենք նշում ենք մարդկության համար շատ առումներով դժվար ժամանակներում, ինչն […]

Երեկոյան ԱՄՆ Տեխաս նահանգի ափերին է հարվածել «Բետա» արևադարձային փոթորիկը: Այն ձևավորվել է անցած ուրբաթ՝ Ատլանտյան օվկիանոսում: Այս մասին հայտնել է korrespondent.net-ը: Համաձայն ԱՄՆ փոթորիկների դիտարկման ազգային կենտրոնի՝ քամու արագությունը հասնում է 20մ/վ-ի: «Բետա» փոթորիկը շարժվում է հյուսիս-արևմուտք 6կմ/ժ արագությամբ: Քամու մաքսիմալ արագությունը հասնում է 75կմ/ժ-ի: Ներկայումս փոթորիկը գտնվում է Մատագորդա շրջանից մոտ 35 կիլոմետր […]

ՀՀ ԱԺ «Իմ քայլը» խմբակցության անդամներն այսօր տեղի ունեցած ճեպազրույցի ընթացքում անդրադարձել են մամուլում տարածված այն տեղեկություններին, թե մի շարք պատգամավորներ պատրաստվում են վայր դնել մանդատը: Պատգամավոր Սուրեն Գրիգորյանը նախ հերքել է այն լուրը, թե ինքը պատրաստվում է տեղափոխվել գործադիր: Նա նշել է նաև, որ «Իմ քայլի» նախընտրական ցուցակը սպառված կլիներ, եթե մամուլի բոլոր հրապարակումները […]

Զվարթնոցի տաճարում այսօր տեղի է ունեցել «Մեր ժամանակների հերոսը» մրցանակաբաշխությունը:  Գնահատվել են այն քաղաքացիները, ովքեր իրենց ուժերով հիմնել են սեփական գործը և ապագան կապել Հայաստանի հետ: Նախորդ տարի «Մեր ժամանակների հերոսը» մրցանակաբաշխությունն անցկացվել էր Գյումրու Սև Բերդ ամրոցում: Մրցանակաբաշխության ավարտին տեղի է ունեցել հրավառություն։

«Մեր ժամանակների հերոսը» մրցանակաբաշխությունը՝ «Զվարթնոց» տաճարում https://www.facebook.com/nikol.pashinyan/videos/345825030109215

Հավանաբար, ամենևին էլ պատահականություն չէ այն, որ հենց Հայաստանի անկախության օրը մեկնարկեցին «Կովկաս-2020» ռուս-հայկական համատեղ զորավարժությունները, որոնք անցկացվում են Ալագյազ զորավարժարանում: Այսօր սկսված վարժանքներին մասնակցում է Ռուսաստանի հարավում տեղակայված զորամիավորումների մոտ 80 հազար զինվորական: Մանրամասները՝ տեսանյութում։

Ի՞նչ դժվարություններ ենք հաղթահարել անկախության վերանվաճման ճանապարհին, ինչպե՞ս ենք անցած 29 տարիները օգտագործել պետականության կերտման գործում. այս թեմաների շուրջ Արամ Աբրահամյանը զրուցել է ՀՀ Գերագույն խորհրդի և ԱԺ նախկին պատգամավոր Ազատ Արշակյանի հետ: Մանրամասները՝ տեսանյութում։

Մատենադարանում կառավարության անդամների, ուսանողների և աշակերտների ներկայությամբ ուղիղ եթերում վարչապետ Նիկոլ Փաշինյանը ներկայացրել է Հայաստանի՝ մինչև 2050 թ. վերափոխման ռազմավարությունը: Մինչ բովանդակային մասին անդրադառնալը․ վարչապետն ասել է, որ կառավարության որոշումը և միջոցառման բացառիկ բնույթը թույլ է տալիս իրեն առանց դիմակ ելույթ ունենալ՝ միևնույն ժամանակ բոլորին հիշեցնելով հակահամաճարակային կանոնները պահպանելու անհրաժեշտությունը: Մանրամասները՝ տեսանյութում։

Ղազախստանում ՀՀ դեսպանության ողջ անձնակազմը շնորհավորել է Հայաստանի Հանրապետության անկախության 29-րդ տարեդարձի առթիվ և մաղթում բարեկեցություն, բարօրություն մեր հայրենիքին։  

ԱՄՆ-ում մասնավոր ամերիկա-ուկրաինական Firefly Aerospace ընկերությունն անցկացրել է թեթև կարգի Alpha հրթիռի առաջին ստատիկ  փորձարկումը: Այն տեղի է ունեցել Տեխաս նահանգի Բրիգգսե պոլիգոնում և տևել է 35 վայրկյան: Այդ ընթացքում ստուգվել է վեկտորային ձգողականության համակարգի ղեկավարումը: Հրթիռի փորձարկման սկզբում շարժիչից արձակված կանաչ բոցը բացատրվում է այրման TEA/TEB համակարգի օգտագործմամբ։   Հիշեցնենք՝  Alpha տիեզերական հրթիռի մեկնարկը […]

Հաղթահարենք աղքատությունն աշխատանքով: Հայաստանի՝ մինչև 2050 թ. վերափոխման ռազմավարությունը ներկայացնելիս այս շեշտադրումն արեց ՀՀ վարչապետ Նիկոլ Փաշինյանը: «Ես դժվար եմ պատկերացնում՝ ինչպես կարող է մարդը հաղթահարել աղքատությունն առանց աշխատանքի: Մյուս կողմից` հասկանում ենք, որ աշխատանքով կարելի է հաղթահարել աղքատությունը, եթե կրթության արդյունքում ձևավորվել է այնպիսի ներուժ, որն աշխատանքով մարդուն հնարավորություն կտա դուրս գալ աղքատությունից»,- ասաց […]

Մատենադարանում կառավարության անդամների, ուսանողների և աշակերտների ներկայությամբ վարչապետ Նիկոլ Փաշինյանը ներկայացրել է Հայաստանի՝ մինչև 2050 թ. վերափոխման ռազմավարությունը: Մինչ բովանդակային մասին անդրադառնալը վարչապետն ասել է, որ կառավարության որոշումը և միջոցառման բացառիկ բնույթը թույլ են տալիս իրեն առանց դիմակ ելույթ ունենալ՝ միևնույն ժամանակ բոլորին հիշեցնելով հակահամաճարակային կանոնները պահպանելու անհրաժեշտությունը: Ինչո՞ւ է անհրաժեշտ ունենալ այս ռազմավարությունը՝ Նիկոլ […]

ՀՀ Անկախության տոնի 29 -րդ տարեդարձի առթիվ առավոտյան Եռաբլուր են այցելել ՀՀ վարչապետն ու կառավարության անդամները:  Արտաքին գործերի նախարար Զոհրաբ Մնացականյանը խոսել է անկախության ձեռբերումների և արցախյան հարցի շուրջ բանակցային գործընթացի հետագա զարգացումների մասին: Նախարարն ասել է, որ Հայաստանը հետևողական է եղել խնդրի կարգավորման խաղաղ գործընթացի վերաբերյալ իր մոտեցումներում։ «Մենք հստակ ընդգծել ենք, որ խաղաղ […]

Այսօր Հայաստանի Հանրապետությունը նշում է Անկախության 29-ամյակը։ Քաղաքական էլիտան Եռաբլուրում հարգանքի տուրք է մատուցել զոհված հայորդիների հիշատակին։ «Ես մաղթում եմ մեր ժողովրդին ուժ և տոկունություն, հաղթահարելու ենք բոլոր փորձությունները, որոնք կարող են, հնարավոր են և կանխատեսլի են։ Վստահ եմ, որ մեր ժողովուրդը միայն և միայն հաղթանակներ է բերելու, որովհետև մեր ցանկացածը, մեր կամեցածը միայն ու […]

Ամերիկյան Մասաչուսեթս նահանգի թոշակառու Մեթյու Բեթը հայտնաբերել է անսովոր այցելուի իր տան բակում: Նա քնել է լողավազանի առջև գտնվող շեզլոնգի վրա և արթնացել այն բանից, որ ինչ-որ մեկը քաշքշել է ոտքը: Բացելով աչքերը տղամարդը նույնիսկ միանգամից չի հասկացել, որ իր առջև երիտասարդ արջ է: Հիշարժան հանդիպումը տեղի է ունեցել սեպտեմբերի 12-ին Գրինֆիլդում, որտեղ ապրում է […]

73 տարեկան հասակում մահացել է բրիտանացի հայտնի թմբկահար Լի Կերսլեյքը, ով նվագում էր Uriah Heep ռոք խմբում։ Այս մասին հայտնում է Rolling Stones ամսագիրը։ Պարբերականի տվյալներով ՝ երաժշտի մահվան պատճառը օնկոլոգիական հիվանդությունն է եղել։ Նա տառապում էր շագանակագեղձի քաղցկեղից։ Կերսլեյքի մահվան մասին տեղեկությունը հաստատել է Uriah Heep-ի երգերի հեղինակ Քեն Հենսլին։ Նա մասնակցել է Օզի […]

Սեպտեմբերի 16-ին Արարատ քաղաքում մեքենա էին փախցրել: Սպանդարյան փողոցում կայանված «ՎԱԶ-2106» մակնիշի մեքենայի դուռը բաց էր, բանալին` փականի մեջ: Այդ հանգամանքից օգտվելով էլ ժամը 19.30-ին մեքենան փախցրել էին: Կատարվածի վերաբերյալ նույն օրը, ժամը 23.15-ին, ոստիկանության Արարատի բաժանմունքում ահազանգ ստացվեց: Բացահայտման ուղղությամբ որոնողական աշխատանքներ սկսվեցին: Քրեական հետախույզների արագ և օպերատիվ աշխատանքի շնորհիվ հաղորդումից մեկ օր անց […]

Օգոստոսի 31-ին ոստիկանության Տարոնի բաժնում հաղորդում էր ստացվել, որ հուլիսի 20-ից օգոստոսի 27-ն ընկած ժամանակահատվածում Վանաձորի Տիգրան Մեծի փողոցի մի ընկերության տարածքից գողացել են մալուխ: Օպերատիվ խումբը մեկնել էր դեպքի վայր։ Ոստիկաններն ուսումնասիրել էին՝ որտեղից և ինչպես էր կատարվել գողությունը, կազմել էին արձանագրություն։ Փաստի առթիվ հարուցվեց քրեական գործ։ Քրեական հետախույզները գողությունը կատարած անձին հայտնաբերելու ուղղությամբ […]

«Հեռանկար»-ի տաղավարում «Իմ քայլը» խմբակցության անդամ Լիլիթ Ստեփանյանն ու «Լուսավոր Հայաստան» խմբակցության անդամ Աննա Կոստանյանն անդրադարձել են  ԿԳՄՍ նախարարության ու նախարարի աշխատանքին: Ինչպես հայտնի է, երեկ Ազգային ժողովը  մերժել է նախարար Արայիկ Հարությունյանի պաշտոնանկության հարց բարձրացնելու առաջարկը: Հարությունյանի պաշտոնավարումը դադարեցնելու նախաձեռնությամբ  հանդես էր եկել «Լուսավոր Հայաստան» խմբակցությունը։ Մանրամասները՝ տեսանյութում։

Աշխարհի մի շարք երկրներում, հատկապես եվրոպական մայրցամաքում, վերջին շրջանում նորից կորոնավիրուսով վարակվածների թվի աճ է  նկատվում: Այդ շարքում բացառություն չէ արդեն նաև Հայաստանը: Վերջին օրերի դինամիկայի և միտումների փոփոխության մասին` տեսանյութում:  

Թուրքիայի ու թուրքամետ խմբավորումների կողմից վերահսկվող Սիրիական Իդլիբ նահանգում տեղի բնակչությունն առաջին անգամ համարձակվել է հակաթուրքական բողոքի ցույց նախաձեռնել: Մասնակիցները Անկարայի գործողությունները ագրեսիա էին որակում ու պահանջում էին վերջ տալ ինտերվենցիային: Թուրք զինյալները խաղաղ ցուցարարների դեմ ուժ են կիրառել: Թեմայի շուրջ զրույց հեռուստամեկնաբան Արտյոմ Երկանյանի հետ։

Տավուշի սամանամերձ գյուղերում՝  Այգեպարում, Չինարիում և Ներքին Կարմիրաղբյուրում շարունակվում են հիմնանորոգման ու շինարակական աշխատանքները: Նորոգվում են հուլիսյան դեպքերի հետևանքով վնասված տներն ու փողոցները: Կառավարությունը  լրագրողների համար ճանաչողական այց է կազմակերպել այդ համայնքներ՝  տեսնելու և գնահատելու կատարված և ընթացիկ աշխատանքները: Մանրամասները՝ տեսանյութում։

Սեպտեմբերի 16-ին՝ ժամը 22։55-ին, բժշկական կենտրոնից ոստիկանության Արարատի բաժին հաղորդում էր ստացվել, որ կրծքավանդակի կտրած-ծակած վերքով բուժօգնության է տեղափոխվել 30-ամյա մի տղամարդ։ Ոստիկանության Արարատի բաժնի օպերատիվ խմբի անհետաձգելի միջոցառումներով պարզվեց, որ ժամը 22-ի սահմաններում տղամարդը Նոյակերտ գյուղից Արարատ գյուղ տանող ճանապարհին վիճաբանել էր Նոյակերտի 36-ամյա մի բնակչի հետ և ստացել վնասվածք։ Ոստիկանները ձեռնարկեցին որոնողական և […]