19:53 10.11.2021
Գյումրիի միասնական սոցիալական կենտրոնը շահագործման կհանձնվի հաջորդ տարի և կդառնա մեկ պատուհան տարբերակով մարզում աշխատող վեցերորդ կենտրոնը։ Շինարարությունն ընթանում է 2020-ից։ Սոցիալական ոլորտի չորս կառույցներ՝ սոցիալական աջակցության տարածքային երկու բաժինները, զբաղվածության կենտրոնը, սոցիալական ապահովության բաժինը և բժշկասոցիալական փորձագիտական հանձնաժողովները կտեղակայվեն մեկ հասցեում:
Ներկայիս տարածքը, որը կենտրոնին հատկացվել է ժամանակավոր և վարձակալական հիմունքներով, սպասարկման բավարար պայմաններ չունի։ Մեկ սենյակում շատ քաղաքացիների ընդունելը բարդանում է։ Դրա համար միասնական կենտրոնն անցել է հերթերի կարգավորման էլեկտրոնային համակարգի:
Ընդունարանն առաջին հարկում է, բայց հաշմանդամություն և տեղաշարժման խնդիրներ ունեցող քաղաքացիները չեն կարող օգտվել կենտրոնի սպասարկումից, նրանց համար հարմարություններ չկան: Նրանց փաստաթղթավորման ու այլ հարցերը կարգավորվում են մասնագետների տունայցերով կամ հենց դրսում։
«Եթե քաղաքացին հնարավորություն չունի կենտրոնին մոտենալու, ապա մեր մասնագետներն են դիմումը ձևակերպելուց հետո մոտենում նրանց։ Ենթադրենք, քաղաքացին եկել է և կենտրոն մտնելու համար թեքահարթակ չկա, որ բարձրանա, ապա մեր աշխատակիցը անձամբ է շահառուին մոտենում, փաստաթղթերը վերցնում»,- ասում է Միասնական սոցիալական ծառայության Գյումրիի տարածքային կենտրոնի պետ Կարեն Մալխասյանը։
Տարածքային անհարմարությունների ու զննման սենյակների բացակայության պատճառով բժշկասոցիալական փորձագիտական հանձնաժողովներն այստեղ չեն տեղափոխվել։ Գյումրիի երկու ԲՍՓ հանձնաժողովները քաղաքացիներին դեռ կշարունակեն սպասարկել հիվանդանոցների շենքերում հատկացված տարածքներում:
Նոր հասցեում կենտրոնի նոր շենքը հարմարեցված կլինի տեղաշարժման խնդիրներ ունեցող քաղաքացիներին։ Հաշմանդամություն ունեցող անձանց ու տարեց քաղաքացիների տեղաշարժի համար կառուցվում է վերելակ։ Միասնական կենտրոնի նոր եռահարկ շենքը շարունակությունն է համարվում նախկին զբաղվածության կենտրոնի։
Նոր մասնաշենքի կառուցման արդյունքում տարածքը ընդլայնվել է 350 քմ-ով: Շենքի տանիքային որոշ հատվածներ օգտագործվելու են որպես բացօթյա տարածքներ, որտեղ վարպետները կատարում են հիդրոմեկուսացման աշխատանքներ: Շինարարությունը հասել է ներքին հարդարմանը և արտաքին երեսապատմանը։
Ջեռուցման համակարգի անցկացումն էլ կավարտեն մեկ շաբաթում, ինչն էլ թույլ կտա աշխատանքները չդադարեցնել նաև ձմռանը։ Գյումրիի միասնական սոցիալական կենտրոնն իր բոլոր կառույցներով նոր շենք կտեղափոխվի հաջորդ տարվա կեսին։
17:40 02.05.2025
Ռոբերտ Աբիսողոմոնյանը հանդիպել է ՄԱԿ բարձր հանձնակատարի՝ գործողությունների հարցերով փոխտեղակալի հետՄայիսի 2-ին Ժնևում՝ ՄԱԿ Համընդհանուր պարբերական դիտարկման 4-րդ շրջանի ՀՀ ազգային զեկույցի քննարկման շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել Փախստականների հարցերով ՄԱԿ բարձր հանձնակատարի գրասենյակի` գործողությունների հարցերով փոխտեղակալ Ռաուֆ Մազուի հետ: ՀՀ ԱԳ նախարարի տեղակալը բարձր է գնահատել Հայաստանի և Փախստականների հարցերով ՄԱԿ բարձր հանձնակատարի գրասենյակի միջև ձևավորված արդյունավետ համագործացկությունը, մասնավորապես՝ […] ...
17:24 02.05.2025
Ավտոմեքենան ընկել է Դեբեդ գետը. փրկարարները որոնում են ավտոմեքենայում գտնված քաղաքացունՄայիսի 2-ին՝ ժամը 15:50-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ ավտոմեքենան դուրս է եկել ճանապարհի երթևեկելի հատվածից և ընկել Դեբեդ գետը․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ և չորս օպերատիվ խումբ: Ըստ նախնական տվյալների՝ ավտոմեքենայում գտնվել է երկու […] ...
17:18 02.05.2025
Մ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է. վարչապետՄ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է: Ծրագրի իրականացման նպատակով Կառավարությունը հատկացրել է 3 մլրդ 86 մլն դրամ։ Այս մասին ֆեյսբուքյան իր էջում գրել է վարչապետ Նիկոլ Փաշինյանը և կից տեսանյութ հրապարակել: ...
17:10 02.05.2025
Կիպրոսում Հայաստանի դեսպանն իր հավատարմագրերն է հանձնել երկրի նախագահինՄայիսի 2-ին Կիպրոսի Հանրապետությունում Հայաստանի Հանրապետության արտակարգ և լիազոր դեսպան Իննա Թորգոմյանն իր հավատարմագրերն է հանձնել Կիպրոսի նախագահ Նիկոս Խրիստոդուլիդեսին։ Ողջունելով և շնորհավորելով նորանշանակ դեսպանին պաշտոնը ստանձնելու կապակցությամբ` նախագահը հաջողություն և արդյունավետ առաքելություն է մաղթել` ընդգծելով Հայաստանում և Կիպրոսում նստավայր դեսպանների նշանակման կարևորությունը` ի նպաստ երկու երկրների միջև սերտ հարաբերությունների առավել զարգացման: Նախագահ Խրիստոդուլիդեսը գոհունակությամբ […] ...
17:00 02.05.2025
38-ամյա տղամարդու մոտ թմրանյութ և դանակ է հայտնաբերվելՀամայնքային ոստիկանության Կենտրոնական բաժնի ծառայողները մայիսի 1-ին, ապօրինի թմրանյութ պահելու և օգտագործելու կասկածանքով, ձերբակալել և բաժին են տեղափոխել Երևանի բնակիչ 38-ամյա տղամարդու: Նրա անձնական խուզարկությամբ հայտնաբերվել են մենտամֆետամին տեսակի թմրամիջոցի նմանվող բյուրեղանման զանգված և դանակ: 38-ամյա տղամարդը և կազմված փաստաթղթերը ներկայացվել են նախաքննական մարմին: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի […] ...
16:53 02.05.2025
Արդարադատության նախարարության գլխավոր քարտուղարն ու Քրեակատարողական ծառայության պետն այցելել են «Սևան» և «Աբովյան» ՔԿՀ-ներԱրդարադատության նախարարության գլխավոր քարտուղար Էդգար Հովսեփյանը և Քրեակատարողական ծառայության պետ Ծովինար Թադևոսյանն այցելել են «Սևան» և «Աբովյան» քրեակատարողական հիմնարկներ՝ տեղում ուսումնասիրելու ազատազրկված անձանց պահման ընթացիկ պայմանները, գնահատելու նախատեսվող շինվերանորոգման աշխատանքների ծավալն ու հնարավորությունները։ «Սևան» քրեակատարողական հիմնարկում Ծովինար Թադևոսյանը և Էդգար Հովսեփյանը մասնակցել են նաև ծառատունկին, հետևել են նոր վերանորոգված դասասենյակներում իրականացվող դասապրոցեսին, ճաշարանում ազատազրկված անձանցից […] ...
