13 05 2024

$

388.01
4.20
€

418.24

+12.09 ^oC

Գյումրեցի մարզիկները оլիմպիական խաղերում, Աշխարհի ու Եվրոպայի առաջնություններում 2021-ին նվաճել են 80 մեդալ

ՀԱՅԱՍՏԱՆ

20:29 28.12.2021

Շիրակի մարզաշխարհի ներկայացուցիչներն ամփոփել են 2021 թվականի մարզական տարին։ Մարզադպրոցների տնօրեններն ու մարզիչները ընտրել են մեծահասակների, երիտասարդների ու պատանիների տարիքային խմբերում հաջողություններ գրանցած ու մեդալակիր լավագույն մարզիկների 10-նյակները։

2021 թվականը մարզական հարուստ ավանդույթներով քաղաքի համար գնահատվում է բեկումնային։ 2020-ին համավարակի պատճառով միջազգային մրցաշարեր, Եվրոպայի ու Աշխարհի առաջնություններ չանցկացվեցին։ Այս տարվա ընթացքում տարբեր սպորտաձևերում հանդես եկած գյումրեցի մարզիկները Հայաստան են բերել 80 մեդալ՝ գերակշռողը չեմպիոնական ոսկին է։

«Ընդհանուր առմամբ՝ գյումրեցի մարզիկները նվաճել են 80-ից ավելի մեդալներ, մրցումները եղել են բազմաշերտ՝ օլիմպիական խաղեր, Աշխարհի և Եվրոպայի առաջնություններ, անակային մարզիկների աշխարհի առաջնություններ, այս տարի անցկացվեցին նաև առաջին անգամ ԱՊՀ երկրների մարզական խաղեր, և թվարկած բոլոր մարզական միջոցառումներին լավագույնս են հանդես եկել մեր մարզիկները ՝ նվաճելով տարբեր հարգի մեդալներ»,- SHANTNEWS-ի հետ զրույցում նշել է Շիրակի մարզպետարանի մշակույթի և սպորտի բաժնի պետ Վաչագան Վարդանյանը։

Գյումրիի աթլետիկայի մարզադպրոցի մարզիկներն այս տարի միջազգային ու հանրապետական առաջնություններում նվաճել են 30 մեդալ, սա մարզադպրոցի տնօրինությունը համարում է բարձր ցուցանիշ։ Աթլետիկայի մարզադպրոցից բացի, լավագույնը ճանաչվեցին ևս չորս մարզադպրոցներ, որոնց մարզիկները միջազգային հարթակներում ցուցաբերել են լավագույն արդյունքներ, նվաճել են ավելի շատ չեմպիոնական տիտղոսներ։ Տարեվերջին բոլոր 28 մարզադպրոցների տնօրեններն ու մարզիչները միասին ընտրեցին լավագույն մարզիկներին․ առաջինը հայտարարվեց մեծահասակների տասնյակը։

«Մեծահասակների տասնյակը քվեարկության արդյունքում ունեցավ այսպիսի տեսք՝ Արթուր Ալեքսանյան, Հովհաննես Բաչկով, Դավիթ Չալոյան, Վարազդատ Լալայան, Գոռ Մինասյան, Սամվել Գասպարյան, Գրիգոր Մխիթարյան, Երվանդ Մկրտչյան, Մակար Թամրազյան»,- քվեարկության ամփոփ տվյալները ներկայացրել է Գյումրիի քաղաքապետարանի սպորտի բաժնի աշխատակից Նորիկ Սարգսյանը։

Այնուհետ քվեարկությամբ հայտնի դարձան նաև երիտասարդ ու պատանի մարզիկների լավագույն տասնյակները։ Նշենք նաև, որ այս տարվա Հայաստանի լավագույն 10-յակում 5-ը գյումրեցիներն են։

Հաջորդ տարին բոլորի համար լինելու է ավելի պատասխանատու։ 2024 թվականին Փարիզում կայանալիք օլիմպիական խաղերին ընդառաջ՝ 2022-ը բոլոր մարզաձևերի համար օլիմպիական վարկանիշներ նվաճելու տարի է։ Ի դեպ ծանրամարտի միջազգային ֆեդերացիայի որոշմամբ, 2024 թվականի Օլիմպիադայում նախկին 7 քաշային կարգերի փոխարեն կանանց ու տղամարդկանց հավաքականները կմրցեն 5 քաշային կարգերում։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

23:59 12.05.2024
Հայտնի է դարձել վերջին 20 տարվա ամենաուժեղ մագնիսական փոթորկի վնասը

Կապակցված լուրեր

23:46 12.05.2024

Ֆրանսիան կոչ է անում Հայաստանին և Ադրբեջանին շարունակել սահմանազատումն ու քննարկումները խաղաղության պայմանագրի ստորագրման նպատակով

Ֆրանսիան ողջունում է մայիսի 10-ին և 11-ին Ալմաթիում Հայաստանի և Ադրբեջանի Արտաքին գործերի նախարարների միջև բանակցությունների նոր շրջանի անցկացումը։ Այս մասին հայատարարություն է տարածել Ֆրանսիայի Արտաքին գործերի նախարարությունը: «Ֆրանսիան ընդգծում է կողմերի՝ 1991 թվականի Ալմաթիի հռչակագրին, իրենց տարածքային ամբողջականության փոխադարձ ճանաչմանը հավատարմությունը վերահաստատելու կարևորությունը՝ որպես այս գործընթացի հիմք՝ 2022 թվականի հոկտեմբերի 7-ին Պրահայում կայացած քառակողմ […] ...

19:54 12.05.2024

Երևանում՝ թիվ 39 երթուղին սպասարկող ավտոբուսում, տղամարդը հանկարծամահ է եղել

Այսօր՝ ժամը 16:00-ի սահմաններում ՀՀ Ներքին գործերի նախարարության ոստիկանության Մալաթիայի բաժին օպերատիվ տեղեկություններ են ստացվել, որ Սեբաստիա փողոցում թիվ 39 երթուղին սպասարկող ավտոբուսում դի կա: Այս մասին հայտնում է shamshyan.com-ը: Դեպքի վայր են ժամանել ոստիկանության Մալաթիայի բաժնի օպերատիվ խումբը, ՀՀ ՆԳՆ ոստիկանության Պարեկային ծառայության Երևան քաղաքի գնդի 4-րդ գումարտակի 1-ին վաշտի պարեկները: Նրանք ավտոբուսի սրահում […] ...

19:19 12.05.2024

Ամենայն Հայոց Կաթողիկոսն ընդունել է Կաթոլիկ Եկեղեցու Ինսբրուքի թեմի առաջնորդին

Մայիսի 12-ին, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Կաթոլիկ Եկեղեցու Ինսբրուքի թեմի (Ավստրիա) առաջնորդ Հերման եպիսկոպոս Գլեթթերի գլխավորած պատվիրակությանը, որի կազմում էին «Կարիտաս Ավստրիա» և «Հայկական Կարիտաս» կազմակերպությունների ներկայացուցիչները։ Հանդիպմանը, Հայոց Հայրապետն անդրադառնալով բռնի տեղահանված արցախահայության առջև ծառացած մարտահրավերներին, Հայաստանի անվտանգային սպառնալիքներին և Արցախի հոգևոր-մշակութային ժառանգության […] ...

17:33 12.05.2024

Ատեստավորման քննությունների գերազանցիկը. Թամարա Խաչիկյան

ՀՀ պաշտպանության նախարարությունը պատմում է լեյտենանտ Թամարա Խաչիկյանի մասին: Ատեստավորման քննությունների գերազանցիկը. այսպես է բնութագրվում երիտասարդ զինծառայող աղջիկը: Մանրամասները՝ տեսանյութում: ...

17:01 12.05.2024

Հայաստան կժամանի ԵԱՀԿ գործող նախագահ Յան Բորգը

Մայիսի 13-ին աշխատանքային այցով Հայաստան է ժամանելու ԵԱՀԿ գործող նախագահ, Մալթայի Հանրապետության արտաքին ու եվրոպական հարցերի և առևտրի նախարար Իեն Բորջը: Մայիսի 13-ին ԱԳՆ-ում կկայանա ՀՀ ԱԳ նախարար Արարատ Միրզոյանի հետ հանդիպումը, որից հետո նախարարները հանդես կգան համատեղ մամուլի ասուլիսով: Հայաստանի և Մալթայի ԱԳ նախարարների առանձնազրույցը տեղի կունենա ժ. 10:00-ին, որին կհաջորդի ընդլայնված կազմով հանդիպումը […] ...

15:39 12.05.2024

ՌԴ սահմանապահները սկսել են դուրս գալ Սյունիքից

ՌԴ սահմանապահները սկսել են Սյունիքի մարզից դուրս գալ։ Sputnik Արմենիայի տեղեկություններով՝ նրանք սկսել են փակել իրենց շարժական տեղակայման կետերը Գորիսի և Ճակատենի միջև ընկած հատվածում։ Այս տարածքում նրանք տեղակայվել են 44-օրյա պատերազմից հետո՝ 2020 թվականի դեկտեմբերին։ Ավելի վաղ Ազգային Ժողովի «Քաղաքացիական պայմանագիր» խմբակցության ղեկավար Հայկ Կոնջորյանը հայտնել էր, որ Տավուշի, Սյունիքի, Վայոց ձորի, Գեղարքունիքի, Արարատի […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.