15:44 25.07.2018
Այսօր կայացավ «Ինչպե՞ս են վերականգնում շների ազգային ցեղատեսակներին հետխորհրդային երկրներում» թեմայով Երևան-Թբիլիսի–Բիշքեկ-Աստանա տեսակամուրջը:
Հետխորհրդային երկրների կինոլոգները միմյանց ներկայացրին ազգային շնատեսակների առանձնահատկությունները: Հայաստանի կինոլոգիական միության ղեկավար Վիոլետա Գաբրիելյանը ներկայացրեց հայկական գամփռը:
Նկարում պատկերված շունը Ուրարտուն է: Կինոլոգը պատմեց, որ նրանք 3 քույրեր են՝ Ուրարտուն, Ուրմիան և Ուրմինեն: Նրանցից մեկը սարերում է ապրում, իսկ երկուսն այստեղ են:
Վիոլետա Գաբրիելյանի խոսքերով՝ հայկական գամփռ ցեղատեսակի շունը եղել է դեռ Տիգրան Մեծի ժամանակներից, և տեսակը ժամանակի ընթացքում պահպանվել է և «չի փչացել»: Կինոլոգը նշեց, որ պատահական չեն ընտրված շների անունները. դրանք ներկայացնում են հայկական լեռնաշխարհի սարերի, գետերի, լճերի անունները:
«Մենք այսօր խնդիր ունենք աշխարհին ներկայացնելու հայկական գամփռը: Երբ ինձ հարցնում են, թե ինչ է նշանակում շան անունը, ես ասում եմ ինքներդ համացանցում փնտրեք և ծանոթացեք մեր պատմությանը: Գամփռը մեր ազգային արժեքն է: Մենք շներին տանում ենք տարբեր երկրներ, սակայն թույլ չենք տալիս, որպեսզի փչացնեն նրանց տեսակը: Ես 3 լեզվով պատենտավորել եմ հայկական գամփռի ծագումը: Մենք 9 կլիմայական գոտի ունենք, և մեր հայկական գամփռը դիմացկուն է, ունի առողջ ատամներ, անգամ տեղն եկած դեպքում կարող է գայլերի վրա հարձակվել»,- ասաց Վիոլետա Գաբրիելյանը:
Հայաստանի կինոլոգիական միության ղեկավարը հայկական գամփռի պատկերով բաժակներ նվիրեց իր գործընկերներին, որոնց տեսնելուն պես, պետք է փոխանցի:
Վիոլետա Գաբրիելյանն ասաց, որ կինոլոգիան չպիտի քաղաքականացվի և հորդորեց իր գործընկերներին ոչ թե տեսակամրջի, այլ բնական շփման ձևաչափով ծանոթանալ միմյանց մշակույթին:
SHANTNEWS.AM-ի այն հարցին, թե արդյոք վտանգավոր չէ՞ր գամփռին բերել մամուլի ասուլիսների դահլիճ, նա պատասխանեց, որ գամփռը շատ խելացի շուն է:
«Նրանք իրենց տեսակով շատ խելացի են, անծանոթների վրա կարող են միայն հաչալ: Գամփռը, եթե վտանգ չզգա, հանգիստ կպահի իրեն: Հետաքրքիրն էլ այն է, որ անկախ սեռից, այս շունը ենթարկվում է տղամարդուն»,- եզրափակեց կինոլոգը:
20:37 15.05.2025
Ինչպես ստանալ սոցիալական ծախսի փոխհատուցում2025-ից մեկնարկել է եկամուտների տարեկան հայտարարագիր լրացնելու երկրորդ փուլը: Հիմա արդեն ծրագրին միացել են նաև վարձու աշխատող քաղաքացիները, որոնք կարող են սոցիալական ծախսերի փոխհատուցում ստանալ: Այս մասին հայտնել է ՀՀ կառավարությունից: Մանրամասները՝ տեսանյութում: ...
20:25 15.05.2025
Ֆորմուլա 1-ը նշել է 75 ամյակըՖորմուլա 1-ը նշել է 75 ամյակը և այդ կապակցությամբ հրապարակել է լուսանկար, որտեղ պատկերված են բոլոր տարիների չեմպիոնները: «Հերոսներ, լեգենդներ, կուռքեր: Հաշվարկը սկսված է 1950 թվականից»,- գրված է հայտարարությունում: Լեգենդար ավտոարշավորդների լուսանկարում են Ֆրանսիան ներկայացնող հայ ավտոարշավորդ Ալեն Պրոստը, Միխայել Շումախերը, Խուան Մանուել Ֆանյոն, Լյուիս Հեմիլթոնը, Մաքս Ֆերստապենը, Նիկի Լաուդան, Աիրտոն Սենան: 1950 թվականի մայիսին […] ...
20:13 15.05.2025
Քննարկվել են ենթակառուցվածքների զարգացման ոլորտում ՀՀ և Վրաստանի միջև համագործակցության խորացմանն առնչվող հարցերՄայիսի 15-ին Վրաստանում ՀՀ դեսպան Աշոտ Սմբատյանին ընդունեց Վրաստանի ենթակառուցվածքների նորանշանակ նախարար Ռեվազ Սոխաձեն։ Այս մասին հայտնել են Վրաստանում ՀՀ դեսպանությունից։ Հանդիպմանը քննարկվեցին ենթակառուցվածքների զարգացման ոլորտում ՀՀ և Վրաստանի միջև համագործակցության խորացմանն առնչվող մի շարք հարցեր։ ...
19:54 15.05.2025
Ո՞ւմ կհանձներ ոսկե գնդակը լեգենդար Ֆաբիո ԿապելոնԼեգենդար մարզիչ Ֆաբիո Կապելոն հայտարարել է, որ «Ոսկե գնդակն» այս տարի կհանձներ «Բարսելոնայի» եզրային հարձակվող Լամին Յամալին: «Յամալը ֆանտաստիկ որակներ ունի և դեռ կարող է կատարելագործել իր խաղը, բայց չեմ շտապի նրան ֆենոմենալ կամ հանճարեղ անվանել: Այդ որակումները կարելի է տալ միայն Մեսսիին ու Մարադոնային: Ռոնալդուն էլ հրաշալի ֆուտբոլիստ է, նա բոլորից շատ է գոլ […] ...
19:47 15.05.2025
46 մենթոր դպրոցներում մեկնարկել է «Նորարար ուսուցիչ՝ հզոր պետություն» խորագրով ուսուցչական համաժողովի մարզային փուլըՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանն այսօր Երևանի թիվ 16 ավագ դպրոցում մասնակցել է «Նորարար ուսուցիչ՝ հզոր պետություն» խորագրով ուսուցչական համաժողովի մարզային փուլի մեկնարկին։ Համաժողովն անցկացվել է միաժամանակ ՀՀ 46 մենթոր դպրոցներում։ Համաժողովի նպատակը մասնակիցների փորձի փոխանակումն է կրթության ապագայի ամենակարևոր մարտահրավերների ուղղությամբ՝ նորարարության, համագործակցության և բարելավմանը միտված փոփոխությունների շեշտադրմամբ։ «Ուսուցչական […] ...
