18:26 10.02.2022
Եվրամիությունը (ԵՄ) պաշտոնապես Ռուսաստանին է հանձնել Եվրոպայի պետություններին ՌԴ-ի ԱԳՆ-ի ղեկավար Սերգեյ Լավրովի հղած՝ եվրաանվտանգության շուրջ նամակի՝ իր կոլեկտիվ պատասխանը: Ինչպես տեղեկացնում է «Արմենպրես»-ը, փետրվարի 10-ին այդ մասին ՏԱՍՍ-ին հաղորդել են Եվրամիությունում Ռուսաստանի մշտական ներկայացուցչությունում:
«Եվրամիությունում Ռուսաստանի մշտական ներկայացուցիչ Վլադիմիր Չիժովն ընդունել է Եվրոպայի արտաքին քաղաքական ծառայության անվտանգության և պաշտպանական քաղաքականության հարցերով տնօրեն Յոննիկե Բալֆոորտին, որը ԵՄ-ի արտաքին գործերի և անվտանգության քաղաքականության բարձրաստիճան ներկայացուցիչ Ժոզեպ Բորելի հանձնարարությամբ հանձնել է նրա ուղերձը Ռուսաստանի արտաքին գործերի նախարար Սերգեյ Լավրովի հասցեին՝ Եվրամիության անդամ 27 երկրների արտաքին գործերի նախարարների անունից»,- հայտնել են մշտական ներկայացուցչությունում:
Մշտական ներկայացուցչության՝ ՏԱՍՍ-ում ստացված հաղորդագրության մեջ նշված է, որ այդ փաստաթուղթը անվտանգության անբաժանելիության թեմատիկայի շուրջ ՌԴ-ի ԱԳՆ-ի ղեկավարի ուղերձի պատասխանն է, ուղերձ, որն ուղարկվել է 2022 թվականի հունվարի 28-ին Եվրոպայի մի շարք երկրների, ԱՄՆ-ի և Կանադայի արտաքին քաղաքական գերատեսչությունների ղեկավարներին և հրապարակվել է փետրվարի 1-ին: Ո՛չ Ռուսաստանի մշտական ներկայացուցչությունը, ո՛չ էլ ԵՄ-ի արտաքին քաղաքական ծառայությունը չեն մեկնաբանել, թե որքան են համապատասխանում Եվրամիության պատասխանի տեքստին Politico թերթի և Bloomberg գործակալության հրապարակումները, որոնք փետրվարի 9-ին տարածել են այդ փաստաթղթի հիմնական թեզիսները՝ վկայակոչելով դրա նախագիծը:
Նրանց տեղեկատվությամբ՝ Եվրամիությունն ի պատասխան Մոսկվայի առաջարկության Ռուսաստանին ապաէսկալացման և Ուկրաինայի իրադրության կարգավորման շուրջ բանակցությունների շարունակման կոչ է անում: Ինչպես հայտնում է թերթը, իրենց նամակում Եվրամիության ներկայացուցիչներն անվտանգության ամրապնդման միջոցների շուրջ Ռուսաստանի հետ երկխոսության շարունակման պատրաստակամություն են հայտնել: Մասնավորապես, առաջարկվում է բանակցություններ վարել Եվրոպայի անվտանգության և համագործակցության կազմակերպության (ԵԱՀԿ) հարթակներում, քանի որ, ի տարբերություն ՆԱՏՕ-ի, ԵԱՀԿ-ի կազմի մեջ են մտնում Եվրամիության բոլոր երկրները:
17:50 20.06.2025
ՊՍԺ-ն պարտվել է բրազիլական ակումբին․ ԱԱԱ
17:50 20.06.2025
ՊՍԺ-ն պարտվել է բրազիլական ակումբին․ ԱԱԱԱշխարհի ակումբային առաջնության B խմբի երկրորդ տուրում ՈՒԵՖԱ-ի Չեմպիոնների լիգայի 2024/25 մրցաշրջանի հաղթող ՊՍԺ-ն 0-1 հաշվով պարտվել է բրազիլական «Բոտաֆոգոյին»: Գոլը 36-րդ րոպեին խփել է Իգոր Ժեզուսը: Փարիզյան ակումբը կատարել է 16 հարված, որոնցից դիպուկ էին 2-ը, իսկ բրազիլական թիմի 4 հարվածներն էլ դարպասին էին: Առաջին տուրում Լուիս Էնրիկեի թիմը 4 անպատասխան գնդակ էր ուղարկել […] ...
17:45 20.06.2025
ԱԽ քարտուղարն ընդունել է Լեհաստանի Սեյմի Լեհաստան-Հայաստան բարեկամական խմբի ղեկավարինՀունիսի 20-ին ՀՀ ԱԽ քարտուղար Արմեն Գրիգորյանն ընդունել է Լեհաստանի Հանրապետության Սեյմի Լեհաստան-Հայաստան բարեկամական խմբի ղեկավար Լուցիան Պիետժչիկի գլխավորած պատվիրակությանը: Ա. Գրիգորյանը ողջունել է բարեկամական խմբի անդամների այցը Հայաստան և ընդգծել, որ երկկողմ փոխգործակցությունը վերջին շրջանում ակտիվորեն զարգանում է, ինչին նպաստում են նաև բարձր մակարդակի փոխայցելությունները: Քարտուղարը կարևորել է ինչպես Հայաստան-Լեհաստան հարաբերությունների բազմաոլորտ զարգացումը երկկողմ […] ...
17:41 20.06.2025
Նախագահ Վահագն Խաչատուրյանն ընդունել է Չեխիայի փոխվարչապետ Մարիան ՅուրեչկայինՀանրապետության նախագահ Վահագն Խաչատուրյանն ընդունել է Չեխիայի փոխվարչապետ, աշխատանքի և սոցիալական հարցերի նախարար Մարիան Յուրեչկային, ով ժամանել է Հայաստան՝ մասնակցելու «Միավորվելով հանուն սոցիալական արդարության» միջազգային համաժողովին։ «Շնորհակալություն միջոցառման մասնակցության համար, որի խորագիրը՝ սոցիալական արդարությունն, շատ կարևոր է։ Շատ կարևոր եմ համարում, որ Հայաստանը ցուցաբերում է ակտիվ ներգրավվածություն այս թեմայի շուրջ քննարկումներում։ Նաև ցանկանում եմ ընդգծել, […] ...
17:36 20.06.2025
Փոխվարչապետ Մհեր Գրիգորյանը մասնակցել է Պետերբուրգյան միջազգային տնտեսական համաժողովինԱշխատանքային այցով Ռուսաստանի Դաշնությունում գտնվող փոխվարչապետ Մհեր Գրիգորյանը մասնակցել է Պետերբուրգյան միջազգային տնտեսական համաժողովին: ՀՀ փոխվարչապետը հանդես է եկել որպես խոսնակ «Հայաստան-Ռուսաստան» նիստին, որի ընթացքում քննարկվել են երկու երկրների միջև առևտրատնտեսական հարաբերություններին վերաբերող հարցեր։ Մհեր Գրիգորյանը մասնակցել է որպես խոսնակ նաև միջազգային տնտեսական համաժողովի «ԵԱՏՄ իրական հատվածի սիներգիան՝ որպես ժամանակակից մարտահրավերների պատասխան» խորագրով նիստին, որը […] ...
17:30 20.06.2025
Էռնան Կրեսպոն՝ «Սան Պաուլուի» գլխավոր մարզիչԱրգենտինացի լեգենդար ֆուտբոլիստ Էռնան Կրեսպոն նշանակվել է բրազիլական «Սան Պաուլուի» գլխավոր մարզիչ։ Այս մասին հայտնում է ակումբի մամուլի ծառայությունը: 49-ամյա մասնագետը կնքել է պայմանագիր, որի ժամկետը կգործի մինչև 2026 թվականի դեկտեմբերի 31-ը: Կրեսպոն երկրորդ անգամ է գլխավորում բրազիլական ակումբը. 2021-ին նա 8 ամիս է աշխատել «Սան Պաուլուում»: Այդ ընթացքում թիմը նվաճել է Սան Պաուլու նահանգի […] ...
17:28 20.06.2025
ՆԳՆ ոստիկանությունում օպերատիվ տվյալներ են ստացվել հասարակական կարգի խաթարմանն ուղղված գործողությունների նախապատրաստման վերաբերյալՆԳՆ ոստիկանությունում օպերատիվ տվյալներ են ստացվել հասարակական կարգի խաթարմանն ուղղված գործողությունների նախապատրաստման վերաբերյալ։ «ՆԳՆ ոստիկանությունը իրականացնում է ուժեղացված ծառայություն, ինչի շրջանակում ձեռնարկվում են կանխարգելիչ-բացատրական աշխատանքներ։ Կոչ ենք անում պահպանել հասարակական կարգը։ Ցանկացած հակաօրինական դրսևորում արժանանալու է կոշտ հակազդման»,-այս մասին Ֆեյսբուքի իր էջում գրել է ՆԳ նախարարի մամուլի քարտուղար Նարեկ Սարգսյանը։ ...
