17:22 25.07.2018
Հայաստանի արտակարգ իրավիճակների նախարարությունից տեղեկացնում են, որ հուլիսի 24-ին ՀՀ ԱԻ նախարար Հրաչյա Ռոստոմյանն ընդունել է ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան, Ն. Գ. տիկին Ջուդիթ Մարգարեթ Ֆարնուորթին:
Հանդիպման նպատակն էր քննարկել ընթացիկ համագործակցության խորացման հնարավորությունները և նախանշել փոխգործակցության նոր ուղղություններ:
Ողջունելով հյուրերին՝ նախարար Ռոստոմյանը շնորհակալություն է հայտնել ՀՀ ԱԻՆ մարդկային ռեսուրսների մասնագիտական կարողությունների զարգացման գործում Մեծ Բրիտանիայի դեսպանության աջակցության համար, որի շնորհիվ ապահովվում է ՀՀ ԱԻՆ փրկարար ուժերի անգլերեն լեզվի հմտությունները կատարելագործելու շարունականանությունը: Նախարարը նաև կարևորել է Միացյալ Թագավորության փորձագիտական աջակցությունը ռեսուրսների ռազմավարական պլանավորման և կառավարման ոլորտում համապատասխան կարողությունների զարգացման հարցում:
Բրիտանական կողմն իր հերթին մեծ գոհունակությամբ ընդգծել է ՀՀ ԱԻՆ փրկարար ուժերի համար 2017 թ. ԱՄՆ Կանզաս նահանգի ազգային գվարդիայի հետ համատեղ Միացյալ Թագավորության 6-րդ գումարտակի փորձագետների մասնակցությամբ առաջին օգնության, կենսաապահովման հիմունքների և վտանգավոր նյութերի հետ աշխատանքի թեմաներով իրականացված դասընթացների և վարժանքների դրական արդյունքները՝ նշելով, որ նմանատիպ միջոցառում ակնկալվում է իրականացվել նաև այս տարի՝ սեպտեմբերին:
Միաժամանակ, տիկին Ֆարնուորթը տեղեկացրել է, որ Հայաստանի Հանրապետությունն այս տարի առաջին անգամ դարձել է նաև Մեծ Բրիտանիայի «Լավ կառավարման ֆոնդի» շահառու, որի շրջանակներում բրիտական կողմը պատրաստ է հանրային կառավարման ոլորտի կատարելագործման հարցում ՀՀ պետական կառավարման մարմիններին ցուցաբերել համապատասխան աջակցություն:
Հանդիպման ավարտին ԱԻ նախարար Հրաչյա Ռոստոմյանը կարևորել է նաև աղետներին դիմակայելու պատրաստվածության համատեքստում Սպիտակի երկրաշարժի 30-րդ տարելիցի հիշատակմանը նվիրված միջազգային գիտաժողովին Միացյալ Թագավորության համապատասխան փորձագետների մասնակցությունն ու ներդրումը:
22:17 15.05.2025
ՌԴ-ի գործիքակազմը Հարավային Կովկասում կայուն խաղաղության հաստատման առումով կառուցողական չէ․ Գագիկ Սաֆարյան«Հեռանկարն» այսօր հյուրընկալել է «Պաշտպան հայրենյաց» ազգային մշակութային հիմնադրամի ղեկավար, պատմաբան Գագիկ Սաֆարյանին։ Անդրադարձ է եղել Դոնալդ Թրամփի հատուկ ներկայացուցիչ Սթիվեն Ուիթքոֆի հայտարարությանը, թե Հայաստանն ու Ադրբեջանը շուտով կարող են միանալ այսպես կոչված «Աբրահամի համաձայնագրերին»։ Ի՞նչ կապ ունի արաբա-իսրայելական կոնֆլիկտին առընչվող այս համաձայնագրի հետ Հայաստանը, ի՞նչ կարող է շահել մեր երկիրը։ Պատմաբանը խոսել է նաև […] ...
22:08 15.05.2025
«Աթլետիկոն» կազմը կուժեղացնի երկու ֆուտբոլիստովՄադրիդի «Աթլետիկոն» նպատակ ունի 100 միլիոն եվրո ծախսել՝ ամառային տրանսֆերային պատուհանի ժամանակ կազմն ուժեղացնելու համար, հաղորդում է Marca-ն։ Ակումբը ցանկանում է ձեռք բերել «Տոտենհեմի» արգենտինացի պաշտպան Քրիստիան Ռոմերոյին ու «Վիլյառեալի» իսպանացի կիսապաշտպան Ալեքս Բաենային։ «Աթլետիկոն» Ռոմերոյի համար պատրաստ է վճարել 70, իսկ Բաենայի համար՝ 30 միլիոն եվրո։ ...
22:03 15.05.2025
Տիրանայում պատասխանեցի ադրբեջանցի լրագրողի հարցերին. ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է. «Տիրանայում պատասխանեցի ադրբեջանցի լրագրողի հարցերին, ով ներկայացավ որպես Ադրբեջանի հանրային հեռուստատեսության թղթակից»: Մանրամասները՝ տեսանյութում: ...
21:49 15.05.2025
Մայիսի 15-ը՝ կլիմայի միջազգային օրՄայիսի 15-ին աշխարհը նշում է Կլիմայի միջազգային օրը՝ վերստին ընդգծելով կլիմայական ճգնաժամի համաշխարհային նշանակությունն ու դրա հաղթահարման հրատապությունը։ Այս մասին հայտնել են ՀՀ շրջակա միջավայրի նախարարությունից: 1980-ականների վերջերից ի վեր կլիմայի փոփոխության վերաբերյալ քննարկումները դուրս են եկել գիտական շրջանակներից՝ դառնալով միջպետական բանակցությունների, քաղաքացիական շարժումների ու տնտեսական ռազմավարությունների առանցքում։ Այս օրը կոչ է՝ գիտակցելու մարդկային գործունեության […] ...
21:33 15.05.2025
Արգելափակված քաղաքացիներ, փլատակների տակ մնացած մեքենա. երկրաշարժի իմիտացիա ԵղեգնաձորումՄայիսի 13-ին «Վարվելակերպի կանոնները ուժգին երկրաշաժի դեպքում» թեմայով վարժանքը իրարանցում էր առաջացրել Եղեգնաձորում։ Փրկարար ծառայության հրամանատարաշտաբային ուսումնական վարժանքին հետևում էին Վայոց ձորի մարզային և քաղաքային իշխանության ներկայացուցիչներ, ՆԳՆ ոստիկանության ծառայողներ, դիտորդներ, քաղաքացիներ։ Այրվող հյուրանոց, արգելափակված քաղաքացիներ, փլատակների տակ մնացած մեքենա… Ըստ սցենարի՝ փրկարարները պետք է հյուրանոցից հնարավորինս արագ դուրս բերեին արգելափակված քաղաքացիներին, մարեին հրդեհը, փլատակում […] ...
