Ռուսաստանի և Հայաստանի միջև ապրանքաշրջանառությունը պետք է «հաշվարկվի այլ արժույթներով», այլ ոչ թե դոլարով. Լավրով 

Ռուսաստանի և Հայաստանի միջև ապրանքաշրջանառությունը պետք է հաշվարկվի այլ արժույթներով, ոչ թե դոլարով։ Այդ մասին ուրբաթ հայտարարել է ՌԴ ԱԳ նախարար Սերգեյ Լավրովը՝ Հայաստանի արտգործնախարար Արարատ Միրզոյանի հետ բանակցություններից հետո կայացած մամուլի ասուլիսում։

«Անցյալ տարի [Ռուսաստանի և Հայաստանի] ապրանքաշրջանառությունը կազմել է ավելի քան 2,6 միլիարդ դոլար, հավանաբար պետք է հաշվել այլ արժույթներով, բայց հետո կհամաձայնվենք ձեզ հետ»,- ասաց նա։

Լավրովը նշել է, որ Ռուսաստանը շարունակում է մնալ Հայաստանի առաջատար առևտրային և ներդրումային գործընկերը։

«Արտաքին առևտրում մեր մասնաբաժինը գերազանցում է 30 տոկոսը։ Մենք գոհունակությամբ արձանագրեցինք, որ կորոնավիրուսի հետևանքով առաջացած ռեցեսիայից հետո անցյալ տարի մեզ հաջողվեց ապրանքաշրջանառությունը վերադարձնել կայուն աճի հետագիծ»,- հավելեց նախարարը։

Լավրովն ասել է, որ Հայաստանի արտգործնախարարի հետ հանդիպմանը ընդգծել է Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների կատարման կարևորությունը։

«Մենք մանրամասնորեն խոսել ենք Հարավային Կովկասում տիրող իրավիճակի մասին: Մենք կարևորել ենք Հայաստանի, Ադրբեջանի և Ռուսաստանի ղեկավարների՝ 2020 թվականի նոյեմբերի 9-ին և անցյալ տարվա հունվարի 11-ին և նոյեմբերի 26-ի պայմանավորվածությունների խստիվ կատարումը»,- ասել է նա։

Ռուսաստանի Դաշնությունը պատրաստ է աջակցել Հայաստանի և Ադրբեջանի միջև խաղաղ բանակցություններին.

«Ռուսաստանը պատրաստ է աջակցել Հայաստանի և Ադրբեջանի միջև խաղաղության պայմանագրի կնքման համար պայմանների ստեղծման աշխատանքներին»,- ասել է նա։։

«Մենք վերահաստատեցինք ռուսական խաղաղապահ զորախմբի կողմից իր մանդատի խստիվ կատարման կարևորությունը, անդրադարձանք մեր ղեկավարների մակարդակով քննարկված հարցերին, այդ թվում՝ հայ-ադրբեջանական սահմանի սահմանազատման հանձնաժողովի ստեղծմանը և հետագա քայլերին՝ամրապնդել վստահությունն ու կայունությունը սահմանային գոտում:Ինչպես գիտեք, սա սկզբունքային պայմանավորվածություն է, որը ձեռք է բերվել անցյալ տարվա նոյեմբերին Սոչիում, ինչի մասին երեք առաջնորդները (Ռուսաստանի, Հայաստանի և Ադրբեջանի – ՏԱՍՍ) հայտարարեցին մամուլի ասուլիսում։ Հուսով ենք, որ մոտ ապագայում նման հանձնաժողով կստեղծվի, համենայնդեպս մեր գնահատմամբ, այս ճանապարհին որևէ խոչընդոտ չենք նկատում»,- հավելել է նախարարը։

Լավրովը պարզաբանել է, որ Ադրբեջանի զինված ուժերի՝ Ղարաբաղում ռուս խաղաղապահների պատասխանատվության գոտի ներխուժելու հետ կապված միջադեպի հանգամանքները Ռուսաստանի Դաշնության համար լիովին պարզ չեն։

«Մարտի 24-ի միջադեպի հենց սկզբից մենք հայտարարել էինք, որ մեր խաղաղապահ զորախումբը հետաքննում է բոլոր հանգամանքները,- ասաց նա,- մեզ համար այս հանգամանքները լիովին պարզ չեն, մենք չէինք ցանկանա առաջ ընկնել»։