16:51 17.05.2022
Քրեակատարողական ծառայողների վերապատրաստումներն այժմ իրականացվում են «Քաղաքացիական ծառայության մասին» օրենքով սահմանված կարգով: Սակայն, գործնականում դա այնքան էլ կիրառելի չէ, քանի որ 2081 հանրային ծառայության մեջ գտնվող քրեակատարողական ծառայողներից 1939-ն ընդգրկված չեն քաղաքացիական ծառայության պաշտոնների անվանացանկում: Այս մասին հայտնել է ՀՀ արդարադատության փոխնախարար Արփինե Սարգսյանը՝ հավելելով, վերջիններիս մասով կար վերապատրաստման իրականացման խնդիր: «Քրեակատարողական ծառայության մասին» օրենքում Կառավարության առաջարկած փոփոխություններն առաջին ընթերցմամբ քննարկվել են ԱԺ պետական-իրավական հարցերի մշտական հանձնաժողովի նիստում և ստացել դրական եզրակացություն:
Ինչպես տեղեկացնում է ՀՀ ԱԺ պաշտոնական կայքը՝ ՀՀ արդարադատության նախարարի տեղակալը մանրամասնել է կարգավորումներն ու փաստել, որ քրեակատարողական ծառայության գլխավոր, առաջատար, միջին և կրտսեր խմբի պաշտոններ զբաղեցնող անձանց վերապատրաստման կարգը կսահմանվի երկու եղանակով: Առաջին տարբերակով անհատական վերապատրաստման կարիքի գնահատման հենքով կլինեն վերապատրաստումներ, իսկ երկրորդ տարբերակով նախատեսվում է ոչ ուշ, քան երեք տարին մեկ անգամ իրականացնել ընթացիկ վերապատրաստումներ: Նախագծով հստակեցվել է վերապատրաստման կարգը, դրա սահմանումը վերապահվել է ոլորտը համակարգող արդարադատության նախարարին:
Գործադիրը քննարկման է ներկայացրել նաև «ՀՀ Դատական օրենսգիրք» սահմանադրական օրենքում փոփոխություններ և լրացումներ նախատեսող օրենսդրական փաթեթը: Ակնկալվում է օրենսդրությունը համապատասխանեցնել Քրեական և Քրեական դատավարության օրենսգրքերին և վերացնել դրանցում առկա բացթողումները:
ՀՀ արդարադատության նախարարի տեղակալ Արփինե Սարգսյանը տեղեկացրել է, որ «Դատական ակտերի հարկադիր կատարման մասին» օրենքում փոփոխությամբ առաջարկվում է նախատեսել քրեական վարույթի շրջանակում գրավը պետական եկամուտ դարձնելու ամբողջական կառուցակարգը: Ի տարբերություն գործող օրենսգրքի՝ նոր օրենսգիրքը նախատեսում է գրավը պետական եկամուտ դարձնելու ընթացակարգ երկու սուբյեկտի՝ դատախազի և դատարանի կողմից, եթե դատական վարույթում է գործը: Հետաքննություն իրականացնող մարմինների գործունեությանը վերաբերող օրենքներում կատարվել են փոփոխություններ. նրանց վերապահվել է միայն Քրեական դատավարության օրենսգրքով նախատեսված միջոցառումների իրականացումը:
Հաշվի առնելով այն հանգամանքը, որ այսուհետ վարույթը կարգավորվելու է միայն Քրեական դատավարության օրենսգրքով՝ այլ օրենքներից հանվել են բոլոր վարույթային կանոնակարգումները: Պետք է լինի վարույթին առնչվող բոլոր հարցերը կարգավորող մեկ միասնական օրենք:
Կատարվել են նաև տեխնիկական բնույթի մի շարք առաջարկներ:
Հարակից զեկույցում հանձնաժողովի նախագահ Վլադիմիր Վարդանյանն ընդգծել է, որ մոտ երկու տարի է իր գլխավորած հանձնաժողովը և արդարադատության նախարարությունը աշխատել են այս նախագծերի փաթեթի վրա: Փոփոխությունները մանրամասն քննարկվել են նաև աշխատանքային քննարկումների ընթացքում:
Օրենսդրական փաթեթն արժանացել է հանձնաժողովի դրական եզրակացությանը:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
