11:14 20.05.2023
Հայաստանի, Ռուսաստանի, Բելառուսի և ԱՄՆ-ի 80 ընկերություններ են ներկայացված մայիսի 19-ին Yerevan EXPO ցուցահանդեսային համալիրում բացված Food & Drinks 21-րդ միջազգային մասնագիտացված ցուցահանդեսում։
«Սննդի արդյունաբերության ոլորտը Հայաստանի տնտեսությունում կարևոր դերակատարություն ունի, մեծ է նրա տեսակարար կշիռը նաև արտահանման մեջ»,- բացման խոսքում նշեց Հայաստանի արդյունաբերողների և գործարարների միության փոխնախագահ Ներսես Կարամանուկյանը։ Նրա խոսքով՝ անցյալ տարիներին մեր երկրից մեծ տեսակարար կշռով սննդամթերք է արտահանվել Ռուսաստանի Դաշնություն, ԵԱՏՄ, ԱՄՆ և այլ երկրներ, ու պատահական չէ, որ ներկա ցուցահանդեսին իրենց մասնակցությունն են բերել ռուսական, բելառուսական և ամերիկյան ընկերություններ ևս, որոնք հետաքրքրված են թե համատեղ արտադրությունների կազմակերպմամբ, թե փոխադարձ ապրանքաշրջանառության մեծացմամբ։ ՀԱԳՄ փոխնախագահի խոսքով՝ ցուցահանդեսը լավ առիթ է նաև հայաստանյան ընկերությունների համար՝ իրենց արտադրանքը ներկայացնելու, նոր գործընկերներ գտնելու առումով։
ՀՀ-ում Բելառուսի դեսպանության գլխավոր խորհրդական Սերգեյ Տրոցյուկի գնահատմամբ՝ այս ցուցահանդեսն իրեն դրսևորել է որպես արդյունավետ հարթակ առևտրատնտեսական հարաբերությունների առաջմղման առումով, որին պարբերաբար մասնակցում են նաև բելառուսական ընկերություններ։ Նրա հավաստմանբ՝ բելառուսական կողմը շահագրգռված է Հայաստանի հետ առևտրատնտեսական հարաբերությունների խորացմամբ, ինչն իր հերթին կհանգեցնի շուկաների ընդլայնման, արտադրանքի արդյունավետության բարձրացման, մարդկանց զբաղվածության աճի։
Հայաստանի արդյունաբերողների և գործարարների միության ու LOGOS EXPO Center-ի կազմակերպած ցուցահանդեսը կազմված է տասնմեկ թեմատիկ բաժիններից, այդ թվում՝ ալկոհոլային արտադրանք, ոչ ալկոհոլային խմիչքներ, մսի և կաթնամթերքի արտադրություն, պահածոյացված մրգեր ու բանջարեղեն, հրուշակեղեն, այլ։
Ցուցահանդեսի շրջանակներում, որը կտևի մինչև մայիսի 21-ը, նախատեսված են նաև շնորհանդեսներ, երկկողմ բանակցություններ։
21:45 07.05.2025
Ալիևը չի մասնակցի մայիսի 9-ին Մոսկվայում կայանալիք շքերթին. ՈւշակովԱդրբեջանի նախագահ Իլհամ Ալիևը չի մեկնի Մոսկվա՝ մասնակցելու Հաղթանակի 80-ամյակին նվիրված միջոցառումներին: Այս մասին հայկտարարել է Ռուսաստանի նախագահի օգնական Յուրի Ուշակովը։ «Մենք հաղորդագրություն ստացանք, որ Ալիևը, ցավոք, չի ժամանելու։ Նրանք բացատրեցին, որ նա պետք է մասնակցի Հեյդար Ալիևին նվիրված ներքին միջոցառումներին», – ասել է դիվանագետը: Մայիսի 10-ը Հեյդար Ալիևի ծննդյան օրն է, որը մահացել է […] ...
21:29 07.05.2025
Խորհրդարանը երկրորդ ընթերցմամբ քննարկել է ՀՀ ջրային օրենսգրքում փոփոխություններ և լրացում նախատեսող օրենքի նախագիծըԽորհրդարանը երկրորդ ընթերցմամբ քննարկել է ՀՀ ջրային օրենսգրքում փոփոխություններ և լրացում նախատեսող օրենքի նախագիծը, որը ներկայացրել է նախարարի տեղակալ Տիգրան Գաբրիելյանը։ Նախագծի ընդունմամբ կկարգավորվի գետերի հուների մաքրման գործընթացը, կհստակեցվեն ջրօգտագործման թույլտվության տրամադրման, վերանայման, կասեցման հետ կապված կարգավորումները, ինչն էլ կնպաստի ջրային ռեսուրսների արդյունավետ կառավարմանը: Շրջակա միջավայրի նախարարությունը մշակել է «Ջրային ռեսուրսի հունը կենցաղային աղբից, ջրաբերուկներից և […] ...
21:18 07.05.2025
Օրենսդրական կարգավորմամբ էկոպարեկային ծառայողների սոցիալական երաշխիք կսահմանվի դրամական օգնությունըԽորհրդարանը երկրորդ ընթերցմամբ քննարկել է «Էկոպարեկային ծառայության մասին» օրենքում փոփոխությունների նախագիծը: Նախագիծը ներկայացրել է Շրջակա միջավայրի նախարարի տեղակալ Արա Մկրտչյանը: Նախագծով սոցիալական երաշխիքներ է սահմանվում էկոպարեկային ծառայողին՝ իր պարտականությունները կատարելու ժամանակ հաշմանդամություն ունեցող անձ ճանաչվելու դեպքում, իսկ զոհվելու դեպքում՝ միանվագ դրամական օգնություն՝ ծառայողի մերձավոր հարազատին: Կարգավորմամբ էկոպարեկային ծառայողներն իրենց վերապահված լիազորությունները կիրականացնեն օրենքով սահմանված կարգով […] ...
21:04 07.05.2025
Միմյանց տարածքային ամբողջականությունը ճանաչելու սկզբունքն արտահայտված է եղել ԼՂ հարցով բանակցային բոլոր փուլերում. ՄիրզոյանՀայաստանի և Ադրբեջանի կողմից փոխադարձ միմյանց տարածքային ամբողջականությունը ճանաչելու հիմնարար սկզբունքը հստակորեն արտահայտված է եղել Լեռնային Ղարաբաղի հակամարտության բանակցային գործընթացի բոլոր փուլերում: «Արմենպրես»-ի փոխանցմամբ՝ ԱԺ–կառավարություն հարցուպատասխանին այս մասին ասաց Հայաստանի արտաքին գործերի նախարար Արարատ Միրզոյանը՝ անդրադառնալով քննադատությանը, որ իշխանություններն օգտագործում են ԼՂ–ի լուծարման փաստաթուղթը՝ քողարկելու համար 2022–ին Պրահայում Լեռնային Ղարաբաղն Ադրբեջանի մաս ճանաչելու փաստը: «Ես ստիպված […] ...
20:48 07.05.2025
Կոտայքի մարզում 24-ամյա վարորդը «BMW»-ով բախվել է բենզալցակայանի երկաթե դարպասին ու քարե պարսպին և հայտնվել բենզալցակայանի տարածքումՄայիսի 7-ին, արտակարգ դեպք է տեղի ունեցել Կոտայքի մարզում։ Ժամը 18:50-ի սահմաններում Կոտայքի մարզի բնակիչ 24-ամյա Վիկտոր Հ.-ն իր վարած BMW մակնիշի ավտոմեքենայով Երևան-Սևան ավտոճանապարհի Նոր Հաճն-Երևան ճանապարհահատվածում դեռևս անհայտ հանգամանքներում դուրս է եկել երթևեկելի գոտուց, բախվել հարևանությամբ գործող բենզալցակայանի երկաթե դարպասին ու քարե պարսպին, կոտրել դրանք ու հայտնվել բենզալցակայանի տարածքում։ Ինչպես հայտնում է shamshyan.com-ը, […] ...
