16:33 31.10.2023
2024 թվականին Էկոնոմիկայի նախարարության բյուջեն կկազմի 92 մլրդ 227 մլն 201 հազար դրամ, որը 2023 թվականի համեմատ աճել է շուրջ 47 տոկոսով: Այս մասին ասել է Էկոնոմիկայի նախարար Վահան Քերոբյանը` ԱԺ տնտեսական հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում ներկայացնելով «ՀՀ 2024 թվականի պետական բյուջեի մասին» ՀՀ օրենքի նախագծով նախատեսված ՀՀ էկոնոմիկայի նախարարության ֆինանսական հատկացումներն ու բյուջետային ծրագրերը, փոխանցում է ՀՀ ԱԺ պաշտոնական կայքէջը:
«Մենք շարունակում ենք մեր քաղաքականությունը` ուղղված աշխատակազմի օպտիմալացմանը եւ փորձում ենք ավելի բարձրորակ կադրեր ներգրավվել համակարգ»,- ընդգծել է նախարարը եւ հավելել, որ 2024 թվականին աշխատակիցների վերապատրաստման համար հատկացվել է 50 մլն դրամ:
Զեկուցողի խոսքով 200 մլն դրամով ավելացել է տնտեսական հետազոտությունների եւ վերլուծությունների համար հատկացվող գումարը. «Սա լրացուցիչ խորհրդատվական ծառայություններ ներգրավվելու համար բյուջե է: Մասնավորապես, նախատեսվում է բարդ օրենսդրական նախաձեռնությունների մշակման եւ հիմնավորման համար ներգրավվել խորհրդատվական ընկերությունների»:
Նշվել է, որ որակի ենթակառուցվածքի համակարգի արդիականացման համար կհատկացվի 1 մլրդ դրամի գումար. նախատեսվում է ստեղծել նոր լաբորատորիաներ:
Աջակցություն փոքր եւ միջին ձեռնարկատիրության զարգացման բյուջեն 2024 թվականին կկազմի 20 մլրդ 433 մլն դրամ, որը նախորդ տարվա համեմատ կրկնակի ավելի է:
«Շատ լավ աշխատում է մեր տնտեսության արդիականացման միջոցառումը եւ հիմա արդեն երեք հազարից ավելի ընկերություններ օգտվել են այս ծրագրից, թարմացրել իրենց սարքավորումները, հոսքագծերը»,- ընդգծել է Վահան Քերոբյանը:
Համաշխարհային բանկի աջակցությամբ տեխնոլոգիաների առեւտրայնացման, ենթակառուցվածքի զարգացման համար նախատեսվում է հատկացնել 100 մլն դրամ:
Խոսելով ներդրումների ներգրավումից` նախարարը նշել է, որ առաջին կիսամյակում համախառն ներդրումների կուտակումը շուրջ 27 տոկոսով ավելի շատ է եղել, քան նախորդ տարվա նույն ժամանակահատվածում.
«Կարծում ենք` տարվա կտրվածքով մեծ է հավանականությունը, որ կհասնենք համախառն կուտակում/ՀՆԱ 25 տոկոս համամասնությանը»:
Նշվել է, որ արտահանմանն ուղղված արդյունաբերական քաղաքականության ռազմավարությամբ նախատեսված միջոցառումների ֆինանսավորումը 300 մլն դրամից աճել է 577 մլն դրամի:
Նախարարն անդրադարձել է նաեւ տնտեսապես բարդ ապրանքների արտադրության պետական աջակցության ծրագրին, խոսել զբոսաշրջությանն ուղղված ֆինանսական հատկացումների ավելացման մասին: Նշվել է, որ 2024 թվականին մեկնարկելու է զբոսաշրջային ենթակառուցվածքների զարգացման նոր ծրագիր, որի ներքո նախատեսվում է իրականացնել Կառավարության ծրագրում նշված 20 զբոսաշրջային կլաստերների զարգացման ծրագիրը:
Վահան Քերոբյանի տեղեկացմամբ առաջին ինն ամիսների դրությամբ Հայաստան է եկել 1 մլն 850 հազար զբոսաշրջիկ.
«Հայաստանի սահմանային կետերում այժմ իրականացնում ենք ուսումնասիրություն եւ նախնական տվյալներով մեկ զբոսաշրջիկը մեր երկրում ծախսում է մոտ 1200 դոլար»:
Նախարարը պատասխանել է պատգամավորների հարցերին` մանրամասնելով գալիք տարվա բյուջեի նախագծով նախատեսված մի շարք ծրագրեր ու իրականացվելիք միջոցառումներ:
20:58 14.05.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 15-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Արաբկիր վարչական շրջան՝ 11։00-17։00 Մանուշյան փ. 36-69 առանձնատներ, Էմինի փ. 58-93 առանձնատներ, Գրիգոր Արծրունի փ. 6-22 առանձնատներ, Հր.Քոչարի փ. 9-11 շենքեր, թիվ 56 դպրոց և Գյուլբենկյան փ. 34Ա շենք, Երևանի Նոր Նորք վարչական […] ...
20:45 14.05.2025
Հայաստանի դատական համակարգի պատվիրակությունը ճանաչողական այցով Լատվիայում էրՄայիսի 6-ին ԵՄ ֆինանսավորմամբ իրականացվող «Աջակցություն Հայաստանի արդարադատության ոլորտի բարեփոխումներին – Փուլ II» ծրագրի շրջանակում Հայաստանի դատական համակարգի պատվիրակությունը երկօրյա այցով Լատվիայի Հանրապետությունում էր՝ ուսումնասիրելու դատարանների կառավարման և արդիականացման լավագույն փորձը։ Ճանաչողական այցի հիմքում լավագույն փորձի փոխանակումն էր, նպատակը՝ դատական համակարգի կարողությունների կատարելագործումը դատարանների արդյունավետ կառավարման և դատական համակարգի բարեփոխումների իրականացման համատեքստում։ Այս մասին հայտնել […] ...
20:29 14.05.2025
Երևանում ուժեղ քամու հետևանքով ծառի ճյուղը պոկվել և ընկել է կայանված «Toyota Camry»-ի վրաՄայիսի 14-ին, արտակարգ դեպք է տեղի ունեցել Երևանում։ Ժամը 16։30-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Կողբացի 2Ա շենքի դիմաց ծառի ճյուղը պոկվել և ընկել է ավտոմեքենայի վրա։ Ինչպես հայտնում է shamshyan.com-ը, տեղում պարզվել է, որ ուժեղ քամու հետևանքով ծառի ճյուղը պոկվել և ընկել է […] ...
20:12 14.05.2025
Միրզոյանն ու Կալասը քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարներըՄայիսի 14-ին ՀՀ արտաքին գործերի նախարար Արարատ Միրզոյանն աշխատանքային այց է կատարել նաև Բրյուսել: Նախարար Միրզոյանը հանդիպում է ունեցել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ։ Այս մասին հայտնել են ԱԳՆ-ից: Զրուցակիցները քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարները, ինչպես նաև համատեղ աշխատանքներն՝ ուղղված […] ...
19:54 14.05.2025
Անչելոտին ցանկանում է Ոսկե գնդակի դափնեկրին տեսնել Բրազիլիայի հավաքականի իր մարզչական շտաբումԲրազիլիայի հավաքականի նորանշանակ գլխավոր մարզիչ Կառլո Անչելոտին մի քանի բրազիլացի աստղերի առաջարկել է միանալ իր մարզչական շտաբին, հաղորդում է CNN Brazil-ը։ Նշվում է, որ այդ աստղերից մեկը Կական է, որն իտալացի մասնագետի ղեկավարությամբ 2007 թվականին նվաճել է «Ոսկե գնդակը»։ Անչելոտին արդեն կապ է հաստատել Կակայի հետ այս հարցի շուրջ։ Նրա վերջնական պատասխանը մնում է անհայտ, […] ...
