Ահազանգեր՝ խոտածածկ տարածքներում բռնկված հրդեհների վերաբերյալ

Օգոստոսի 31-ից սեպտեմբերի 1-ը ՀՀ ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես՝ Երևան քաղաքի Հարավկովկասյան երկաթուղու տարածքում՝ մոտ 500 քմ, Երևան-Սևան ավտոճանապարհի 45-րդ կմ-ին՝ մոտ 5000 քմ, Եղվարդ-Երևան 3-րդ կմ-ին՝ մոտ 5 հա, Եղվարդ-Աշտարակ 7-րդ կմ-ին՝ մոտ 5000 քմ, ձախակողմյան հատվածում՝ 4000 քմ, Նոր Գեղի-Աշտարակ ավտոճանապարհի 11-րդ կմ-ի ձախակողմյան հատվածում՝ մոտ 4000 քմ, Աշտարակ-Ագարակ ավտոճանապարհի 5-րդ կմ-ի մոտակայքում՝ մոտ 700 քմ, Գյումրի-Մարմաշեն ավտոճանապարհի 1-ին կիլոմետրի մոտակայքում՝ 2 հա, Սոլակ-Ալափարս ավտոճանապարհին՝ 1 հա, Արմավիրի մարզի Պտղունք գյուղի վարչական տարածքում՝ մոտ 2 հա, Կոտայքի մարզի Հրազդան քաղաքի Կենտրոն թաղամասի Օգոստոսի 23 փողոցի աջակողմյան հատվածում՝ Ֆլեշ բենզալցակայանի մոտակայքում՝ մոտ 2000 քմ, «Ծիրանի» ռեստորանից դեպի Ջրվեժ գյուղ տանող ավտոճանապարհին՝ 6000 քմ, Եղվարդ քաղաքի Երևանյան փողոցին հարակից լճի մոտակայքում՝ մոտ 3000 քմ, Աբովյան քաղաքի Կարմիր Բանակայինների փողոցի վերջնամասում՝ մոտ 2000 քմ, աղբավայրի մոտակայքում գտնվող անտառում՝ մոտ 4000 քմ խոտածածկ տարածք, 60 հատ ծառի կոճղ՝ մասամբ և 10 դեկորատիվ ծառ՝ մասամբ, Նոր Հաճն քաղաքի 2-րդ փողոցի տներից մեկի այգում՝ մոտ 200 քմ, Ջրաբեր գյուղի սկզբնամասում՝ մոտ 100 հա, Նուռնուս գյուղի երկաթգծի կայարանի մոտակայքում՝ մոտ 1000 քմ և ջերմահարվել 4 ծառ, Մրգաշեն գյուղի 2-րդ փողոցի վերջնամասում՝ մոտ 5 հա խոտածածկույթ և 12 ծառ՝ մասամբ, Բալահովիտ գյուղի Ավետիսյան փողոցի 1-ին նրբանցքի թիվ 7 շինության մոտակայքում` մոտ 5 հա, 100 ծառ՝ մասամբ և ջերմահարվել` 400 ծառ, Գեղարքունիքի մարզի Դդմաշեն գյուղի մշակույթի տան մոտակայքում՝ մոտ 1 հա հնձած ցորենի արտ, Վանևան գյուղում՝ 1 հա, Սյունիքի մարզի Իշխանասար գյուղի մոտակայքում՝ մոտ 1.5 հա, Կապան քաղաքի Շահումյան բնակավայրի սկզբնամասում՝ 1 հա, Կարմրաքար բնակավայրի սկզբնամասում՝ 3 հա, Հարժիս գյուղի սկզբնամասում՝ 2 հա, Գորիսից-Հարժիս ավտոճանապարհին՝ խաչմերուկի մոտակայքում՝ 2 հա, Վայոց ձորի մարզի  Ազատեկ գյուղի գերեզմանատան մոտակայքում՝ 350 քմ, Արագածոտնի մարզի Եղնիկ գյուղում՝ 1.5 հա, Արագած գյուղի արոտավայրում՝ 4000 քմ, Արագած լեռան ստորոտին՝ 4000 քմ, Նազրվան գյուղի Գեղարդ թաղամասում՝ մոտ 3000 քմ, «Տառերի պուրակ» կոչվող տարածքի մոտակայքում` մոտ 2 հա, Ուջան գյուղի դաշտերում՝ 30 հա, Տավուշի մարզի Իջևան քաղաքի Սևքար համայնքի սկզբնամասում՝ 1000 քմ  խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: