20:18 15.11.2023
ՀՀ ԱԺ նախագահի տեղակալ Հակոբ Արշակյանի գլխավորած պատվիրակությունը նոյեմբերի 15-ին հանդիպել է Սիրիայի Արաբական Հանրապետության նախագահ Բաշար ալ-Ասադի հետ: Շնորհակալություն հայտնելով հրավերի եւ ջերմ ընդունելության համար՝ ՀՀ ԱԺ նախագահի տեղակալը նշել է, որ Հայաստանը կարեւորում եւ բարձր է գնահատում բարեկամական ջերմ հարաբերությունները Սիրիայի հետ եւ ընդգծել Սիրիայի հայկական համայնքի առանձնահատուկ նշանակությունը՝ որպես բարեկամության կայուն կամուրջ երկու երկրների եւ ժողովուրդների միջեւ:
Անդրադառնալով սիրիական ճգնաժամին՝ ԱԺ փոխխոսնակը նշել է, որ ճգնաժամի առաջին իսկ օրվանից Հայաստանը հանդես է եկել Սիրիայի ինքնիշխանության, խաղաղության եւ անվտանգության պահպանման երկխոսությամբ խնդրի կարգավորման օգտին: Հանդիպման ընթացքում հանգամանալից խոսելով Հարավկովկասյան տարածաշրջանում ստեղծված իրավիճակի մասին՝ Հակոբ Արշակյանը ներկայացրել է Հայաստանի կողմից առաջ քաշվող «Խաղաղության խաչմերուկի» գաղափարը՝ շեշտելով տարածաշրջանի խաղաղության համար ճանապարհային քարտեզի կարեւորությունը: ԱԺ փոխնախագահը համոզմունք է հայտնել, որ հայ-սիրիական համագործակցությունը զարգացման եւ ընդլայնման մեծ ներուժ ունի, եւ Հայաստանը պատրաստ է աջակցելու Հայաստան-Սիրիա փոխշահավետ համագործակցության զարգացմանը՝ ի շահ մեր բարեկամ ժողովուրդների:
Սիրիայի Արաբական Հանրապետության նախագահը բարձր է գնահատել Հայաստանի եւ Սիրիայի միջեւ բարեկամական հարաբերությունները եւ ընդգծել հայ համայնքի դերը Սիրիայի մշակութային, տնտեսական եւ այլ ոլորտների զարգացման հարցում: «Սիրիան հայերին համարում է իր պետության, հասարակության եւ արժեհամակարգի մի մասը: Հայաստանի խնդիրները մեզ համար օտար չեն, եւ մենք կանգնած ենք Հայաստանի կողքին՝ խնդիրների ու մարտահրավերների հաղթահարման գործում»,- ասել է Բաշար ալ- Ասադը:
Նա կարեւորել է միջխորհրդարանական համագործակցությունը, որը մշտապես գտնվել է բարձր մակարդակի վրա եւ առանցքային դեր է խաղում մեր պետությունների միջեւ համագործակցության զարգացման գործում:Ջերմ եւ բարեկամական մթնոլորտում անցած հանդիպման ավարտին զրուցակիցները երկուստեք խաղաղություն եւ բարգավաճում են մաղթել հայ եւ սիրիացի եղբայրական ժողովուրդներին: Հանդիպմանը մասնակցել են պատգամավորներ Ռուստամ Բաքոյանը, Շիրակ Թորոսյանը եւ Արեն Մկրտչյանը:
10:24 21.05.2025
Մեկնարկել է Միրզոյանի և Լավրովի առանձնազրույցը
10:20 21.05.2025
Օպերատիվ իրավիճակը հանրապետությունում մայիսի 20-21-ը
21:00 20.05.2025
Էլեկտրաէներգիայի անջատումներ՝ Երևանի և մարզերի մի շարք հասցեներում
10:08 21.05.2025
Համագործակցությունը կընդլայնվի՝ ընդգրկելով նոր ուղղություններ․ ՆԳ նախարարն ընդունել է Իսպանիայի Թագավորության արտակարգ և լիազոր դեսպանինՄայիսի 20-ին ՀՀ ներքին գործերի նախարար Արփինե Սարգսյանն ընդունել է Հայաստանում Իսպանիայի Թագավորության արտակարգ և լիազոր դեսպան Ռիկարդո Մարտինես Վասկեսին։ Նախարարը ողջունելով դեսպանին՝ կարևորել է երկկողմ, ինչպես և ԵՄ շրջանակներում առկա համագործակցությունը։ Արփինե Սարգսյանը ներկայացրել է ՆԳ նախարարության կայացման, ինչպես նաև ենթակա ծառայություններում ընթացող բարեփոխումների ընթացքը։ Այդ համատեքստում նախարար Սարգսյանը նշել է, որ մի շարք […] ...
09:54 21.05.2025
Հայաստանում կառուցվում է հաշմանդամություն ունեցող անձանց համար պետական առաջին անկախ կյանքի կենտրոնըՀայաստանում կառուցվում է հաշմանդամություն ունեցող անձանց համար պետական առաջին անկախ կյանքի կենտրոնը, տեղեկացնում են ՀՀ աշխատանքի եւ սոցիալական հարցերի նախարարությունից։ «Արմավիրի մարզի Մեծամոր համայնքում մեկնարկած աշխատանքներին հետևելու նպատակով շինարարական հրապարակ են այցելել Աշխատանքի և սոցիալական հարցերի նախարար Նարեկ Մկրտչյանը, Քաղաքաշինության կոմիտեի նախագահ Եղիազար Վարդանյանը, Արմավիրի մարզպետ Արգիշտի Մեխակյանը, ԱԺ աշխատանքի և սոցիալական հարցերի մշտական հանձնաժողովի […] ...
09:53 21.05.2025
Al Jazeera. Իսրայելի կողմից Գազայի հատվածում վերջին 24 ժամվա ընթացքում 98 մարդ է զոհվելԻսրայելի կողմից Գազայի հատվածին վերջին 24 ժամվա ընթացքում առնվազն 98 մարդ է զոհվել։ Այս տվյալները հայտնում է քաթարյան Al Jazeera հեռուստաալիքը՝ հղում անելով անկլավի առողջապահության նախարարությանը։ Հեռուստաալիքի տվյալներով՝ եւս 300 մարդ վիրավորվել է վերջին 24 ժամում։ Գազայի առողջապահության նախարարության վիճակագրության համաձայն՝ մարտի 18-ից ի վեր, երբ Իսրայելը վերսկսեց ռազմական գործողությունները Գոտիում, զոհվել է 3427, վիրավորվել՝ […] ...
09:47 21.05.2025
Շարունակվել է ՄԻՊ-ի և Հայաստանում ՄԱԿ-ի մշտական համակարգողի համատեղ այցը Սյունիքի մարզՄայիսի 20-ին շարունակվել է Մարդու իրավունքների պաշտպանի և Հայաստանում ՄԱԿ-ի մշտական համակարգողի համատեղ այցը Սյունիքի մարզ, հայտնում են Պաշտպանի աշխատակազմից։ «Անահիտ Մանասյանն ու Ֆրանսուազ Ժակոբն այցելել են Մեղրի համայնք: Համայնքի ղեկավար Խաչատուր Անդրեասյանի հետ հանդիպմանը քննարկվել են համայնքում մարդու իրավունքների հետ կապված խնդիրները, ինչպես նաև սոցիալ-տնտեսական հիմնահարցերը: Համայնքի ղեկավարը նշել է, որ բնակավայրերում առկա են […] ...
09:40 21.05.2025
Թրամփը մտադիր է Պուտինի հետ քննարկել ռազմական տիեզերական հարցերըԱՄՆ-ի շտաբի պետ Դոնալդ Թրամփը նախատեսում է Ռուսաստանի նախագահ Վլադիմիր Պուտինի հետ ավելի ուշ քննարկել ռազմական տիեզերական հարցերը, այդ թվում՝ այս ոլորտում Մոսկվայի առաջարկած նոր զարգացումները։ Ամերիկացի առաջնորդը դա հաստատել է երեքշաբթի օրը՝ Սպիտակ տանը լրագրողների հետ զրույցում։Թրամփը հերքել է այն հարցը, թե արդյոք Ռուսաստանի՝ տիեզերական միջուկային զենք ստեղծելու մասին ամերիկյան պնդումների թեման բարձրացվել է […] ...
09:30 21.05.2025
Սիրիայի պաշտպանության նախարարություն. ԵՄ պատժամիջոցների վերացումը կօգնի ամրապնդել կայունությունն ու զարգացումըԵՄ անդամ երկրների՝ Դամասկոսի դեմ նախկինում կիրառված տնտեսական պատժամիջոցները չեղարկելու որոշումը կնպաստի Սիրիայի կայունության և զարգացման ամրապնդմանը։ Այս մասին SANA լրատվական գործակալության փոխանցմամբ՝ հայտարարել է Սիրիայի ժամանակավոր կառավարությունում պաշտպանության նախարար Մուրհաֆ Աբու Կասրան։ «Այսօր սիրիացի ժողովուրդը ստացել է Եվրամիության որոշումը՝ չեղարկել Սիրիայի նկատմամբ կիրառված պատժամիջոցները: Մենք բարձր ենք գնահատում այս քայլը, որն արտացոլում է դրական […] ...
