17:39 20.11.2023
Հանրապետության նախագահ Վահագն Խաչատուրյանն ընդունել է Կանադայի Սենատի անդամ Լեո Հուսակոսի գլխավորած պատվիրակությանը, որը Հայաստան է ժամանել Երևանում նոյեմբերի 18-20 տեղի ունեցող ԵԱՀԿ Խորհրդարանական վեհաժողովի աշնանային նստաշրջանի աշխատանքներին մասնակցելու նպատակով:
Նախագահ Խաչատուրյանը ողջունել է հյուրերին և նշել, որ Հայաստանը բարձր է գնահատում Կանադայի հետ գործընկերային հարաբերությունները:
«Այս տարի հայ-կանադական հարաբերություններն առանձնացան յուրահատուկ կերպով և նոր հաջողություններ արձանագրեցին, որոնցից ամենակարևորը Հայաստանում Կանադայի դեսպանատան բացումն էր, ես վստահ եմ, որ այն մեծ խթան կհանդիսանա մեր համագործակցության համար»,- ասել է նախագահ Խաչատուրյանը:
Նախագահը նշել է, որ դժվարին պահերին Հայաստանը մշտապես զգացել է բարեկամ Կանադայի աջակցությունը:
«Մեզ համար շատ դժվարին ժամանակներ են, և մենք այս ընթացքում ձեր աջակցության կարիքն ունեցել ենք, և այդ աջակցությունը ստացել ենք: Շնորհակալություն եմ հայտնում Ձեզ և հանձինս Ձեզ՝ Կանադայի իշխանություններին ակտիվ համագործակցության համար»,- ասել է նախագահը:
Լեո Հուսակոսն իր հերթին շնորհակալություն է հայտնել ընդունելության համար:
«Կանադայի և Հայաստանի միջև գոյություն ունի մեծ կապ, ակնհայտորեն առաջին հերթին ամենահզորը մարդկանց միջև կապն է: Երկրորդը՝ մեր հարգանքն ու գնահատանքն է ժողովրդավարության հանդեպ, մեր հանձնառությունը մարդու իրավունքներին, ազատությանը, օրենքի գերակայությանը»,- ասել է նա:
Հանդիպման ընթացքում քննարկվել են հայ-կանադական համագործակցության հետագա զարգացման վերաբերյալ հարցեր: Երկուստեք բարձր են գնահատվել երկու երկրների միջև ներկայումս առկա բարձր մակարդակի քաղաքական երկխոսությունն ու խորհրդարանական դիվանագիտության խթանմանն ուղղված ջանքերը:
Զրույցի ընթացքում անդրադարձ է կատարվել ընդհանուր տարածաշրջանային իրողություններին և զարգացումներին, այս համատեքստում՝ նախագահ Վահագն Խաչատուրյանն ընդգծել է կայուն և տևական խաղաղության հաստատման և հարևանների հետ հարաբերությունների վերջնական կարգավորման հասնելու գործում Հայաստանի հստակ դիրքորոշումը:
Մտքեր են փոխանակվել Հայաստանում ժողովրդավարական բարեփոխումների իրականացման, ժողովրդավարական ինստիտուտների շարունակական կայացման ու ամրապնդման գործընթացի վերաբերյալ:
Հանդիպման ավարտին Հանրապետության նախագահը Հայաստանի և Կանադայի միջև բարեկամական հարաբերությունների ամրապնդման և զարգացման, համամարդկային արժեքների պաշտպանության գործում ներդրած ավանդի համար Կանադայի Սենատի անդամ Լեո Հուսակոսին պարգևատրել է Բարեկամության շքանշանով:
23:28 20.05.2025
Հայաստանի և ԱՄԷ ԱԳ նախարարներն անդրադարձ են կատարել Հայաստանի և Ադրբեջանի միջև հարաբերությունների կարգավորման գործընթացինՄայիսի 20-ին ՀՀ ԱԳ նախարար Արարատ Միրզոյանը հեռախոսազրույց է ունեցել ԱՄԷ փոխվարչապետ, արտաքին գործերի նախարար շեյխ Աբդալլահ բին Զայեդ Ալ Նահյանի հետ։ Այս մասին հայտնել են հհ ԱԳՆ-ից: Զրուցակիցները քննարկել են բարձր մակարդակում քաղաքական երկխոսության և երկկողմ գործընկերության ընդլայնման ուղղությամբ իրականացվող քայլերը: Նախարար Միրզոյանն ընդգծել է ՀՀ և ԱՄԷ միջև համագործակցության զարգացման նշանակալի ներուժը և […] ...
23:16 20.05.2025
Ռուբեն Ամորիմն աշխատում է օրական 14 ժամ․ ESPN-ի անդրադարձը«Մանչեսթեր Յունայթեդի» գլխավոր մարզիչ Ռուբեն Ամորիմն աշխատում է օրական 14 ժամ, որպեսզի թիմին դուրս բերի ծանր իրավիճակից, գրում է ESPN-ը: Պորտուգալացին ակումբի մարզաբազա է ժամանում առավոտյան 7-ին: Ամորիմը ակումբը մարզում է 2024 թվականի նոյեմբերից: Պրեմիեր լիգայի ավարտից մեկ տուր առաջ թիմը 39 միավորով 16-րդ տեղում է: Այդուհանդերձ, «Մանչեսթեր Յունայթեդը» դուրս է եկել Եվրոպա լիգայի եզրափակիչ, […] ...
23:08 20.05.2025
Ի՞նչ կապ ունի Բաքվում 18 տարվա ազատազրկման դատապարտված թալիշ գիտնականը Հայաստանի հետախուզության հետԱդրբեջանում այսօր դատարանը 18 տարվա ազատազրման է դատապարտել թալիշ գիտնական Իգբալ Աբիլովին: Դատախազությունը նրան մեղադրել էր Հայաստանի հատուկ ծառայություններին ծառայություններ մատուցելու մեջ: Ադրբեջանի դատախազությունը փորձել է հիմնավորումներ բերել՝ հղում անելով նրա և հայ գիտնականների միջև քննարկումներին: Թալիշների նկատմամբ բռնաճնշումները, ըստ էության, կապված են նրա հետ, որ ադրբեջանական իշխանությունները վախենում են, որ թալիշների մոտ կարող է […] ...
22:56 20.05.2025
Արարատի մարզի Հայանիստ գյուղում բախվել են «BMW»-ն ու «Toyota»-ն․ կա վիրավորՄայիսի 20-ին, ավտովթար է տեղի ունեցել Արարատի մարզում։ Ժամը 15։15-ի սահմաններում Հայանիստ գյուղում բախվել են Արարատի մարզի բնակիչ 30-ամյա Արման Ա․-ի վարած «BMW» մակնիշի և 46-ամյա Կարեն Մ․-ի վարած «Toyota» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով «Toyota»-ի վարորդ Կարեն Մ․-ն տեղափոխվել է «Մասիս» բժշկական կենտրոն։ Վթարի մասին ՊԾ Արարատի մարզի գումարտակից տեղեկությունը փոխանցել […] ...
22:40 20.05.2025
Ընթացքի մեջ են Հ-22, /Մ-6/-Դսեղ-Հ-70 հանրապետական նշանակության ավտոճանապարհի հիմնանորոգման աշխատանքներըԸնթացքի մեջ են Հ-22, /Մ-6/-Դսեղ-Հ-70 հանրապետական նշանակության ավտոճանապարհի հիմնանորոգման աշխատանքները։ Ներկայում հիմնանորոգվող 6.2կմ տեղամասի տարբեր հատվածներում իրականացվում են հողային հանույթի և բուսածածկույթի հեռացման աշխատանքներ։ Կմ0+900-կմ1+800 հատվածում վերականգնվել է ճանապարհի հողայի պաստառը, և սկսվել է ճանապարհի ենթահիմքի՝ ավազակոպճային խառնուրդի տեղադրումը։ Այս մասին հայտնել են «Ճանապարհային դեպարտամենտ» հիմնադրամից: Հիմնանորոգումը կատարվում է ՀՀ պետական բյուջեի միջոցներով։ ...
22:26 20.05.2025
Ոչինչ որոշված չէ․ Արգենտինացիները՝ ռուսների դեմ ընկերական խաղ անցկացնելու հնարավորության մասինԱրգենտինայի ֆուտբոլի ասոցիացիան խոսել է Ռուսաստանի թիմի դեմ ընկերական խաղ անցկացնելու հնարավորության մասին, հաղորդում է Sport24-ը: «Այս պահին Ռուսաստանի, Հարավային Կորեայի և Ճապոնիայի թիմերի դեմ խաղերի վերաբերյալ ոչինչ որոշված չէ։ Մեր ֆեդերացիան որևէ պաշտոնական տեղեկատվություն չի ստացել»,- ասել է Արգենտինայի ֆուտբոլի ասոցիացիայի հաղորդակցության բաժնի տնօրեն Նիկոլաս Նովելոն: ...
