10:42 05.12.2023
ՆԳՆ ոստիկանության ՔՈԳՎ թմրամիջոցների ապօրինի շրջանառության դեմ պայքարի վարչության ծառայողները օպերատիվ տվյալներ էին ստացել, որ Երևանի բնակիչներ 20-ամյա մի աղջիկ և 24-ամյա մի երիտասարդ Տելեգրամ հավելվածի միջոցով զբաղվում են թմրամիջոցների ապօրինի իրացմամբ: ՔՈԳՎ ծառայողները, օպերատիվ տվյալներն իրացնելով և համագործակցելով ոստիկանության Արաբկիրի բաժնի ծառայողների հետ, նոյեմբերի 27-ին Նաիրի Զարյան փողոցում հայտնաբերել, ապօրինի թմրանյութ պահելու, օգտագործելու և իրացնելու կասկածանքով ձերբակալել և ոստիկանության Արաբկիրի բաժին են ներկայացրել նրանց: Անձնական խուզարկությամբ 24-ամյա երիտասարդի մոտ հայտնաբերվել է էլեկտրական ծխամորճ՝ 1 միլիլիտր հաշիշի յուղի նմանվող հեղուկ զանգվածով:
Ձերբակալվածները հայտնել են, որ Տելեգրամ հավելվածում գրանցված մի քանի էջերի միջոցով զբաղվում են թմրամիջոցների ապօրինի իրացմամբ: Հայտնել են նաև, որ իրենց փաստացի բնակության հասցեում ունեն մարիխուանա, ինչպես նաև Երևան քաղաքի տարբեր վարչական շրջաններում կան վաճառքի համար նախատեսված մարիխուանայի կահավորված թաքստոցներ, որոնք պատրաստ են ներկայացնել:
20-ամյա աղջիկն ու 24-ամյա երիտասարդը կազմված փաստաթղթերի հետ ներկայացվել են վարույթն իրականացնող մարմին:
Նախաձեռնվել է քրեական վարույթ, որի շրջանակում նրանց բնակության հասցեում կատարված խուզարկությամբ հայտնաբերվել են կպչուն ժապավենով փաթեթավորված ընդհանուր 54,23 գրամ մարիխուանա, ծխախոտի 37 գլանակ, որոնցում ընդհանուր 32,33 գրամ մարիխուանա էր, 23,71 գրամ հաշիշ, 54,38 գրամ մարիխուանա, 330 զիպ փականով պոլիէթիլենային տոպրակներ, կպչուն ժապավեն և էլեկտրական կշեռք: Հայտնաբերված զանգվածների ընդհանուր քաշը 164,65 գրամ էր:
Դեկտեմբերի 1-ին, նախաձեռնված վարույթի շրջանակներում, Երևան քաղաքի տարբեր վարչական շրջաններում կատարված դեպքերի վայրերի զննությամբ հայտնաբերվել է 28 կպչուն ժապավեններով փաթեթավորված՝ ընդհանուր 88,63 գրամ մարիխուանա:
20-ամյա աղջիկն ու 24-ամյա երիտասարդը կալանավորվել են։
Ապօրինի թմրաշրջանառությունն ու թմրամոլությունը չարիք են, և դրանց դեմ մշտապես հետևողական ու անզիջում պայքար է տարվում ամբողջ աշխարհում: Չարիքի դեմ անզիջում ու հետևողական է նաև մեր երկրի իրավապահների պայքարը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
18:31 01.07.2025
Միջազգային բարձրաստիճան համաժողով՝ նվիրված Դատախազության հիմնադրման 107-ամյակինՀայաստանի Հանրապետության գլխավոր դատախազությունը, ՀՀ դատախազության հիմնադրման 107-ամյակի և Դատախազության աշխատողի օրվա կապակցությամբ, Դիլիջանում 2025 թվականին հուլիսի 1-ին մեկնարկել է «Դատախազների անկախությունն ու անաչառությունը՝ հանցագործություն կատարած պաշտոնատար անձանց նկատմամբ հանրային քրեական հետապնդում հարուցելու համատեքստում. կոռուպցիա և փողերի լվացում» թեմայով միջազգային երկօրյա բարձրաստիճան համաժողովը, հայտնում են ՀՀ գլխավոր դատախազությունից։ «Համաժողովը կազմակերպվել է Եվրոպական միության և Եվրոպայի […] ...
17:58 01.07.2025
Հրդեհ՝ Նոր Հաճն քաղաքումՀուլիսի 1-ին՝ ժամը 12:28-ին, Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Կոտայքի մարզի Նոր Հաճն քաղաքի Չարենցի փողոցի շենքերից մեկի տանիքում։ Այդ մասին հայտնում են ՆԳՆ ՓԾ-ից: Դեպքի վայր են մեկնել ՆԳՆ ՓԾ մարզային և Երևան քաղաքի փրկարարական վարչություններից հրշեջ-փրկարարական ջոկատներից երկու մարտական հաշվարկ, մեկ ավտոսանդուղք և օպերատիվ խումբ: Պարզվել է, […] ...
17:55 01.07.2025
58-ամյա բաղրամյանցու տանը թմրանյութ է հայտնաբերվելՀամայնքային ոստիկանության Բաղրամյանի բաժնի ծառայողները օպերատիվ տեղեկություն էին ստացել, որ Բաղրամյան գյուղի 58-ամյա բնակիչը տանը պահում է կանեփից պատրաստած զանգվածներ։ Նախաձեռնված քրեական վարույթի շրջանակում հունիսի 27-ին կատարված զննությամբ 58-ամյա բաղրամյանցին ներկայացրել է մարիխուանա տեսակի թմրամիջոցի նմանվող ընդհանուր շուրջ 13 գրամ զանգվածով 5 փաթեթ։ Տղամարդը ներկայացվել է նախաքննական մարմին։ Հանգամանքները պարզվում են: Ծանուցում. Ենթադրյալ հանցանքի մեջ […] ...
17:50 01.07.2025
Վազանցի հետ կապված վեճ ու դանակահարություն Մուշավանում. մեղադրանքը՝ սպանության փորձՀունիսի 22-ի գիշերը Ոստիկանության օպերատիվ կառավարման կենտրոնում հաղորդում էր ստացվել «Էրեբունի» բժշկական կենտրոնից: Հայտնել էին, որ շտապօգնության խումբը բուժօգնության է տեղափոխել Մուշավան թաղամասում դանակահարված 37-ամյա տղամարդու: Մեկնել էր Քրեական ոստիկանության Երևան քաղաքի վարչության օպերատիվ խումբը: Էրեբունի և Նուբարաշեն վարչական շրջանների քննչական բաժնում նախաձեռնվել էր քրեական վարույթ: Քրեական ոստիկանության Երևան քաղաքի վարչության Մարդու դեմ ուղղված հանցագործությունների […] ...
17:44 01.07.2025
Քննարկվել է հսկիչ նշաններով դրոշմավորման համակարգի զարգացմանն առնչվող նախաձեռնությունըՆախաձեռնությունը հիմնականում վերաբերում է հսկիչ նշաններով դրոշմավորման կամ QR կոդերով դրոշմավորման համակարգի զարգացմանը. ասել է ՀՀ պետական եկամուտների կոմիտեի նախագահ Էդուարդ Հակոբյանը՝ հուլիսի 1-ին գումարված արտահերթ նստաշրջանում առաջին ընթերցմամբ քննարկման ներկայացնելով ՀՀ հարկային օրենսգրքում փոփոխություններ եւ լրացումներ նախատեսող օրենքի նախագիծը: Զեկուցողի տեղեկացմամբ առաջարկվող փոփոխությունների առաջին խումբը վերաբերում է տեղեկատվության՝ հարկային մարմնին փոխանցմանը: Ներկայում հսկիչ նշանների […] ...
