16:10 07.09.2018
Զբաղվածության պետական գործակալությունը հերթական տոնավաճառն է այսօր անցկացրել Գյումրիում, որտեղ 33 գործատու 360 թափուր աշխատատեղ ունի, որոնք համալրելու համար որակյալ կադրեր է փնտրում:
Մասնակից գործատուների ցանկը գրեթե չի փոխվել, նույնն է նաև գործատու-գործազուրկ հարաբերակցությունը՝ գործազուրկների թիվը մի քանի անգամ գերազանցում է թափուր աշխատատեղերի քանակը։
Ինչպես նախորդ տարիներին, այս տարի ևս, ավելի շատ պահանջարկ կա սպասարկման ոլորտում, որակյալ ծրագրավորողների պահանջ էլ կա։ Այս տարի նաև շինարարական կազմակերպությունների թափուր աշխատատեղերն են շատ։ Սա պայմանավորված է Գյումրիում փողոցաշինական մեծ ծրագրի մեկնարկով։ Գյումրիի գրեթե բոլոր կենտրոնական փողոցները հիմնանորոգվում են Վերակառուցման և զարգացման բանկի ֆինանսավորմամբ:
Ճանապարհաշինական ծրագիրը ուշ մեկնարկեց, իսկ շինարարներն ու բանվորներն էլ գարնանն են արտագնա աշխատանքի մեկնել: Հիմա բանվորների պակասի պատճառով փողոցաշինական աշխատանքները չեն հասցնում ավարտել։ Շատ շինարարներ էլ, որոնք արտագնա աշխատանքի չեն մեկնել, չեն համաձայնում ժամանակավոր աշխատանքի տեղավորվել։ Ցածր վարձատրությունը և աշխատանքի սեզոնայնությունն են պատճառը, որ թափուր աշխատատեղերը չեն համալրվում, և տպավորություն է ստեղծվում, որ աշխատատեղեր կան, աշխատող չկան։
«Կան դեպքեր, որ աշխատավարձը ցածր է լինում, և մարդիկ չեն կարող աշխատել այդ ցածր աշխատավարձով, բայց հակառակ դեպքում էլ գործատուն չի կարող վճարել բարձր աշխատավարձ: Տնտեսության աճի խնդիր կա: Կան դեպքեր էլ, որ գործատուն փնտրում է լավ աշխատող, բայց կադր չկա: Երկու դեպքերն էլ արձանագրվում են»,-SHANTNEWS.AM-ի հետ զրույցում ասաց զբաղվածության պետական գործակալության պետի տեղակալ Գարիկ Սահակյանը:
Այս տոնավաճառը Գյումրիում թվով 11-րդն էր: Դրանց հանրագումարում, թե քանի մարդ է աշխատանք, իսկ քանի գործատու է որակյալ մասնագետ գտել, հստակ վիճակագրություն չկա: Սա զբաղվածության կենտրոնի պատասխանատուները պայմանավորում են նրանով, որ աշխատաշուկայում հոսունությունն է մեծ:
22:19 30.04.2025
Կարող է ձևավորվել Ադրբեջան-ԱՄՆ-Իսրայել տանդեմ. ի՞նչ հետևանքներ կարող է սա ունենալ. զրույց Վարդան Ոսկանյանի հետԱրդյո՞ք Իրանի նախագահի Ադրբեջան այցելությունից հետո կթուլանա երկու երկրների միջև լարվածությունը և որո՞նք էին Մասուդ Փեզեշքիանի գլխավոր ուղերձները Բաքվում. այս և այլ հարցերի «Հեռանկար»-ի տաղավարում անդրադարձել է իրանագետ Վարդան Ոսկանյանը: Նա խոսել է նաև հնարավոր զարգացումների մասին, որոնց արդյունքում կարող է ձևավորվել Ադրբեջան-ԱՄՆ-Իսրայել տանդեմ: Հարցազրույցն ամբողջությամբ՝ տեսանյութում: ...
22:09 30.04.2025
Զեդորֆն առաջարկում է փոխել «Ոսկե գնդակի» ձևաչափըՆիդերլանդների հավաքականի նախկին ֆուտբոլիստ Կլարենս Զեդորֆը կարծիք է հայտնել «Ոսկե գնդակի» նշանակության մասին: «Ինչո՞ւ է «Ոսկե գնդակն» այդքան կարևոր: Չեմ կարծում, որ այն ցուցիչ է ու արտացոլում է իրականությունը: Նախկինում, գուցե, այդպես եղել է, երբ քվեարկում էին մարզիչներն ու ֆուտբոլիստները: Չնայած՝ այդ դեպքում էլ յուրաքանչյուրն ընտրում էր իր թիմակցին, ոչ թե՝ լավագույնին: Կարծում եմ՝ մրցանակը […] ...
21:54 30.04.2025
Անահիտ Ավանեսյանն այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասինԱռողջապահության նախարար Անահիտ Ավանեսյանը Ֆեյսբուքի իր էջում հայտնել է, որ երեկ այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասին: «Նախ շնորհակալ եմ մեր քաղաքացիներին անկեղծ ու կառուցողական մոտեցման և պատրաստակամության համար: Այս ծրագրի նպատակը մարդկանց ընտրության հնարավորություն տալն է, որ ոչ թե մենք մի տեսակի դեղ գնենք մրցույթով և […] ...
21:37 30.04.2025
Շվանիձոր-Նռնաձոր-ՀՀ սահման ճանապարհին կատարվելու են պայթեցման աշխատանքներՃանապարհային դեպարտամենտ հիմնադրամից հայտնել են, որ Շվանիձոր-Նռնաձոր-ՀՀ սահման ավտոճանապարհի շինարարական աշխատանքներով պայմանավորված՝ մայիսի 1-ին՝ ժամը 12.00-ից 16.00-ի սահմաններում, կատարվելու են պայթեցման աշխատանքներ։ Հարակից բնակավայրերի բնակիչներին հորդորում ենք չանհանգստանալ։ ...
21:25 30.04.2025
Կայացել է Երևանում անցկացվելիք վոլեյբոլի Եվրոպայի Մ16 առաջնության վիճակահանությունըԵրևանում հուլիսի 23-ից օգոստոսի 3-ը կանցկացվի վոլեյբոլի Եվրոպայի մինչև 16 տարեկան տղաների առաջնությունը, որին Հայաստանի ու ևս 15 երկրի ներկայացուցիչներ կմասնակցեն: Արդեն տեղեկացրել ենք, որ Հայաստան կժամանեն Ֆրանսիայի, Լեհաստանի, Իտալիայի, Հունգարիայի, Լատվիայի, Չեխիայի, Թուրքիայի, Բուլղարիայի, Իսպանիայի, Ուկրաինայի, Ավստրիայի, Հունաստանի, Սերբիայի, Սլովենիայի և Ռումինիայի պատվիրակները: Կայացել է առաջնության վիճակահանությունը, որի արդյունքներով Հայաստանի հավաքականի ենթախմբում ընդգրկվել են […] ...
