13:53 19.09.2018
Նիկոլ Փաշինյանի կառավարության աշխատանքի 4 ու կես ամիսների ընթացքում ՀՀ երկրորդ նախագահ Ռոբերտ Քոչարյանը հասկացել է, որ այն քաոսային բնույթ ունի, չի հասկանում տնտեսությունը, չունի գործողությունների հստակ ծրագիր, չկան հստակ աշխարհաքաղաքական առաջնահերթություններ։ Այս մասին Քոչարյանը հայտնել է ռուսական «Կոմերսանտին» տված հարցազրույցի ժամանակ։
«Իշխանությունը սկզբից կարող է խնդիրներ ստեղծել, իսկ հետո փորձում է հերոսաբար լուծել դրանք։ Սա այսօրվա իշխանության ակնհայտ պատկերն է։ Հասկանալի չէ, թե ինչ թիմ է սա։ Կա բավական վառ արտահայտված առաջնորդ, բայց նրա՝ պոպուլիզմի անզուսպ ձգտումը լուրջ անհանգստություն է հարուցում»,- նշել է Քոչարյանը։
Երկրորդ նախագահը Փաշինյանին համեմատել է Վենեսուելայի նախկին նախագահ Ուգո Չավեսի հետ։ Նրա խոսքերով՝ պոպուլիստ առաջնորդի ստեղծած խնդիրները Վենեսուելայում լուծում են մինչև հիմա։
«Պոպուլիստական գործողությունների անկանխատեսելիություն՝ ուղղված այսրոպեական արդյունք ստանալուն, ամբոխին անմիջապես դուր գալու ձգտում, օխլոկրատիկ մոդելի (ժողովրդավարության այլասերված տեսակը, որը հիմնված է դեմագոգների անընդհատ ազդեցության տակ ընկնող ամբոխի փոփոխվող քմահաճույքների վրա – խմբ) վրա հիմնված կառավարում՝ հիմնված այն բանի վրա, որ երկնակամարում կարող է լինել միայն մեկ արև՝ առաջին դեմքը։ Չկա երկրորդ համար, հինգերորդ, տասներորդ, քսաներորդ։ Կա ինչ-որ հարյուրերորդ՝ ինչ-որ հեռու-հեռավոր տեղում։ Այդպիսի մոդելը չի կարող կենսունակ լինել ու զարգացման նորմալ արդյունք տալ»,- Փաշինյանի կառավարության մասին այսպիսի կարծիք է հայտնել երկրորդ նախագահը։
Լրագրողի այն դիտարկմանը, որ հետխորհրդային տարածքում կան այդպիսի «միակ արևներ», Քոչարյանը պատասխանել է, որ եթե այդ միակն ունի կառավարչական ու այլ հմտություններ, ապա նույնիսկ այդ թերություններով մոդելը կարող է հանգեցնել զարգացման։
«Եվ կարող է լինել աղետ, եթե այդ արևն անկանխատեսելի է, անհասկանալի, հիստերիկ, ու չի տեսնում հեռանկար»,- նշել է Քոչարյանը։
Հարցին, թե այդպիսի՞ն է Նիկոլ Փաշինյանը, Քոչարյանը պատասխանել է․
«Ես նրան չէի համեմատի արևի հետ … Փաշինյանը, երևի, երկնաքար կամ գիսաստղ է, որ հանգչում է շատ արագ»։
19:54 04.07.2025
Ֆուտզալի Հայաստանի ազգային հավաքականն ընկերական հանդիպումներ կանցկացնի Իսպանիայի ընտրանու հետՀայաստանի ֆուտզալի ազգային հավաքականը սեպտեմբերին երկու ընկերական հանդիպում կանցկացնի Իսպանիայի հավաքականի հետ: Այս մասին տեղեկացնում է ՀՖՖ-ի պաշտոնական կայքը։ Հանդիպումները կկայանան Պամպլոնայում և Տուդելայում՝ սեպտեմբերի 19-ին և 21-ին: Այս հանդիպումներով Հայաստանի հավաքականը կսկսի նախապատրաստությունը ֆուտզալի Եվրոպայի առաջնությանը, որը կկայանա 2026 թ. հունվարի 20-ից փետրվարի 7-ը: Հիշեցնենք, որ Իսպանիան ֆուտզալի աշխարհի և Եվրոպայի բազմակի չեմպիոն է: ...
19:47 04.07.2025
Էլեկտրական կշեռք, մի քանի հարյուր զիպ փականով փաթեթ, մի քանի տասնյակ փաթեթ մարիխուանա․ ձերբակալվածը թմրամիջոց տեղադրող էրՀամայնքային ոստիկանության Ախուրյանի բաժնի ծառայողները մայիսի 18-ին Ազատան գյուղի վարչական տարածքի ռեստորանային համալիրներից մեկի մոտ հայտնաբերել, թմրանյութ պահելու, օգտագործելու և իրացնելու հիմնավոր կասկածանքով ձերբակալել և բաժին էին տեղափոխել Երևան քաղաքի բնակիչ 35-ամյա մի տղամարդու: Նրա անձնական խուզարկությամբ հայտնաբերվել էր ընդհանուր 42 գրամից ավելի թմրանյութի նմանվող զանգվածով փաթեթներ: Պարզվել էր, որ տղամարդը վաճառելու նպատակով տելեգրամյան ալիքից […] ...
19:36 04.07.2025
ԲՏԱ նախարարի տեղակալը բելգիական պատվիրակությանն է ներկայացրել Հայաստանում տեխնոլոգիաների ոլորտի առաջընթացին ուղղված գործունեությունը«Թումո» ստեղծարար տեխնոլոգիաների կենտրոնում տեղի է ունեցել հանդիպում՝ Բելգիայի արտաքին գործերի նախարարության երկկողմ հարաբերությունների գլխավոր տնօրեն Բիրգիտ Սթիվենսի գլխավորած պատվիրակության հետ, որին մասնակցել է ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը։ Հանդիպմանը ներկա է գտնվել նաև Հայաստանի Հանրապետությունում Բելգիայի թագավորության արտակարգ և լիազոր դեսպան Էրիկ Դե Մույնքը։ Հյուրերը շրջայց են կատարել կետրոնում, զրուցել աշակերտների […] ...
19:21 04.07.2025
Ռոդրիգոյի՝ «Ռեալում» մնալ-չմնալու հարցը կախված է Ալոնսոյի որոշումիցՄադրիդի «Ռեալի» հարձակվող Ռոդրիգոն ապագայի վերաբերյալ որոշում կընդունի աշխարհի ակումբային առաջնությունից հետո, հայտնում է As-ը: Բրազիլացի ֆուտբոլիստը խնդրել է դադարեցնել շփումներն անգլիական «Արսենալի» հետ, որպեսզի կարողանա կենտրոնանալ մրցաշարի վրա: Աշխարհի ակումբային առաջնությունից հետո Ռոդրիգոն զրույց կունենա «Ռեալի» գլխավոր մարզիչ Խաբի Ալոնսոյի հետ: Եթե մասնագետը հայտնի, որ վստահելու է Ռոդրիգոյին, ապա նա կմնա, եթե ոչ, ապա […] ...
19:14 04.07.2025
Հրդեհ Արմավիր քաղաքի Հերացու փողոցումՀուլիսի 4-ին՝ ժամը 16:12-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արմավիր քաղաքի Հերացու փողոցի թիվ 8/1 շենքի 3-րդ հարկի բնակարաններից մեկից ծուխ է նկատվում: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Անվտանգության նկատառումներից ելնելով՝ հրշեջ-փրկարարները շենքից տարհանել են 4 բնակչի։ Հրդեհը մեկուսացվել է […] ...
