19:03 19.12.2024
Դեկտեմբերի 17-18-ը Ներքին գործերի նախարարությունը, Արտաքին գործերի նախարարության և Եվրոպայի խորհրդի հետ համատեղ, ՆԳՆ կրթահամալիրում կազմակերպել էր վերապատրաստման երկօրյա դասընթաց, որին մասնակցում էին ոստիկանության աշխատակիցներ, լրագրողներ և հասարակական կազմակերպությունների ներկայացուցիչներ: Նպատակը հավաքների կամ արտակարգ իրավիճակների ժամանակ ոստիկանություն-լրագրող կապի ամրապնդումը, մասնագիտական գործունեության արդյունավետության բարձրացումը, ինչպես նաև լրագրողների անվտանգության ապահովումն էր: Դասընթացն իրականացվել է Եվրոպայի խորհրդի կողմից մեկնարկած լրագրողների անվտանգության արշավի շրջանակում։
Վերապատրաստման դասընթացի բանախոսներն էին Եվրոպայի Խորհրդի Մարդու իրավունքների և լրատվամիջոցների իրավունքի գծով խորհրդատու Փիթեր Նուրլենդերը, միջազգային փորձագետ, փաստաբան Արա Ղազարյանը։
ՆԳ նախարարի մամուլի քարտուղար-հանրային հաղորդակցության և իրազեկման վարչության պետ Նարեկ Սարգսյանն իր խոսքում ընդգծել է նմանատիպ վերապատրաստումների անհրաժեշտությունը, քանի որ թե՛ ոստիկանները, թե՛ լրագրողները հաճախ առնչվում են այնպիսի դեպքերի, որոնք խնդրահարույց իրավիճակներ են ստեղծում նրանց համար։
Բանախոսներն անդրադարձել են մի շարք թեմաների, մասնավորապես՝ ժողովրդավարական հասարակությունում եվրոպական չափորոշիչներին համապատասխան՝ ԶԼՄ-ների և խոսքի ազատության դերը, լրագրողների պաշտպանության շրջանակում ՀՀ օրենսդրությունը և այլն։
Տեղի է ունեցել ակտիվ քննարկում, որի ընթացքում բանախոսները և դասընթացի մասնակիցները ներկայացրել են տեղական ու միջազգային փորձը։
Միջազգային փորձագետ, փաստաբան Արա Ղազարյանի խոսքով՝ «Դասընթացն արդյունավետ է անցնում, որովհետև բախվում են տարբեր մտքեր։ Լրագրողների և ոստիկանների շփումները, անհամաձայնությունները, տեսակետների տարբերությունը ողջունելի է, քանի որ այն կարող է ուղղումներ մտցնել և՛ լրագրողների, և՛ ոստիկանության ծառայողների աշխատանքում»։
Եվրոպայի խորհրդի Մարդու իրավունքների և լրատվամիջոցների իրավունքի գծով խորհրդատու Փիթեր Նուրլենդերի խոսքով՝ վերապատրաստման երկօրյա դասընթացը երկխոսության կարևոր քայլերից է․ «Այս դասընթացը կարևոր է, քանի որ լրագրողներին և ոստիկանության ծառայողներին երկխոսելու հնարավորություն է տալիս։ Հնարավորություն է տալիս նաև զարգացնելու ոստիկանության ըմբռնումը այն դժվարությունների մասին, որոնց բախվում են լրագրողները, ինչպես նաև լրագրողին՝ հասկանալու, թե ինչպես է աշխատում ոստիկանությունը»։
Այսպիսով, նմանատիպ դասընթացները կարևոր քայլ են լրագրողների ու ոստիկանների միջև ավելի սերտ համագործակցության հաստատման ուղղությամբ, ինչը նպաստում է երկուստեք համախմբված և անվտանգ աշխատանքային միջավայրի ստեղծմանը։
23:59 21.07.2025
Ա.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր, որն ընդգրկում է 2 նորարարական ուղղությունԱ.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր՝ ՀՀ ԿԳՄՍ նախարարության Բարձրագույն կրթության և գիտության կոմիտեի լաբորատորիաների ամրապնդման դրամաշնորհի շրջանակում։ Այս մասին հայտնել են ԿԳՄՍ նախարարությունից: Ծրագրի բյուջեն կազմում է 176 միլիոն ՀՀ դրամ։ Հետազոտությունն ընդգրկում է երկու նորարարական ուղղություն: Առաջինի շրջանակում գիտնականներն ուսումնասիրում են մարգարտախեցու կառուցվածքը և այն կենսանմանակում՝ նոր սերնդի […] ...
23:55 21.07.2025
2025-ին 1700 շահառու ստացել է աջակցություն բնակապահովման ծրագրի շրջանակում․ վճարվել է շուրջ 1.4 մլրդ դրամ2025 թվականի ընթացքում արդեն իսկ 1700 շահառու ստացել է աջակցություն՝ Երեխա ունեցող ընտանիքների բնակարանային ապահովման պետական աջակցության ծրագրի շրջանակում․ ընդհանուր առմամբ վճարվել է շուրջ 1.4 մլրդ դրամ։ Այս մասին հայտնել են ՀՀ աշխատանքի և սոցիալական հարցերի նախարարությունից: Միջոցառման մեկնարկից մինչ օրս միջոցառման շահառուների թիվը՝ 13815 է, հատկացված բյուջեն՝ շուրջ 10 մլրդ դրամ։ Հիշեցնենք, որ Երեխա […] ...
23:52 21.07.2025
Դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանըՀուլիսի 21-ին Հայաստանի Հանրապետության արտակարգ և լիազոր դեսպան դոկտոր Արսեն Առաքելյանը Քուվեյում ՀՀ դեսպանությունում հյուրընկալել է Քուվեյթի Պետության զբոսաշրջիկների ասոցասիայի նախագահ Մոհամմադ ալ-Բրայիքին։ Այս մասին հայտնել են Քուվեյում ՀՀ դեսպանությունից: Հանդիպման ընթացքում դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանը՝ առանձնացնելով զբոսաշրջության ոլորտում ստեղծված համագործակցության լայն հնարավորությունները։ Ներկայացվել է ՀՀ կառավարության կողմից Ծոցի համագործակցության […] ...
23:49 21.07.2025
Նորք-Մարաշ վարչական շրջանը կունենա շների համար նախատեսված զբոսայգիՆորք-Մարաշ վարչական շրջանը ևս կունենա շների համար նախատեսված զբոսայգի, իսկ հարակից տարածքում ստեղծվում է նոր պուրակ: Աշխատանքներն ավարտական փուլում են: Այս մասին հայտնել են Երևանի քաղաքապետարանից: Մանրամասները՝ տեսանյութում: ...
23:44 21.07.2025
«Բարսելոնան» մեկ օրում մարզաշապիկների վաճառքի ռեկորդ է գրանցել«Բարսելոնան» 24 ժամում ակումբի հարձակվող Լամին Յամալի` «10» համարով 70 հազար մարզաշապիկ է վաճառել, հայտնում է COPE-ն։ Այդ ցուցանիշը ռեկորդային է «Բարսելոնայի» համար։ Կատալոնական ակումբը վաճառած մարզաշապիկներից վաստակել է գրեթե 10 միլիոն եվրո` գերազանցելով կոմերցիոն սպասելիքները։ Յամալի՝ «10» համարով մարզաշապիկները վաճառվում են աշխարհի 170 երկրներում։ 18-ամյա հարձակվողը հուլիսի 16-ին է ստացել «10» համարի խաղաշապիկը։ ...
23:39 21.07.2025
Մերց. ԱՄՆ-ն Գերմանիային և ԵՄ-ին խոստացել է Patriot համակարգեր՝ Ուկրաինային փոխանցված համակարգերի դիմացԳերմանիայի կանցլեր Ֆրիդրիխ Մերցը հայտարարել է, որ Միացյալ Նահանգները Գերմանիային և ԵՄ մյուս երկրներին խոստացել է Patriot հակաօդային պաշտպանության համակարգեր, եթե Եվրոպան իր համակարգերը փոխանցի Ուկրաինային։ Մանրամասները քննարկվում են։ «ԱՄՆ կառավարության կողմից կա ընդհանուր համաձայնություն Patriot համակարգերը մեզ՝ Գերմանիային և Եվրամիությանը փոխանցելու վերաբերյալ, և մենք, մեր հերթին, Ուկրաինային կմատակարարենք մեր ունեցած Patriot համակարգերը։ Այսինքն՝ մենք […] ...
