16:06 03.03.2025
ԱԺ տնտեսական հարցերի մշտական հանձնաժողովը մարտի 3-ին նախաձեռնել էր աշխատանքային քննարկում խաղային ոլորտի կարգավորումների վերաբերյալ:
Քննարկմանը մասնակցել են պատգամավորներ, Կառավարության անդամներ, ոլորտի ներկայացուցիչներ:
Հանձնաժողովի նախագահի տեղակալ Բաբկեն Թունյանը հիշեցրել է, որ «Քաղաքացիական պայմանագիր» խմբակցության պատգամավոր Հայկ Սարգսյանի հեղինակած նախագծով առաջարկվում է ապրիլի 1-ից առկա հարկերից եւ տուրքերից բացի ոլորտի համար նախատեսել եւս 10 տոկոս շրջանառության հարկ: Պատգամավորի տեղեկացմամբ նախաձեռնության վերաբերյալ կայացած աշխատանքային քննարկումներից հետո որոշվել է որոշ փոփոխություններ կատարել առաջինից երկրորդ ընթերցում ընկած ժամանակահատվածում:
«Ոլորտը զգայուն է, եւ հաճախ զուտ մասնագիտական փաստարկները կարող են շահարկումների առիթ հանդիսանալ»,- ընդգծել է Բաբկեն Թունյանը` հավելելով, որ քննարկման նպատակն է լսել փոփոխությունների վերաբերյալ ոլորտի պատասխանատուների նկատառումներն ու դիրքորոշումները: Հանձնաժողովի նախագահի տեղակալի դիտարկմամբ ավելացող հարկային բեռը պետք է համադրելի լինի ընկերությունների ստացած շահույթին:
Ներկաներն անդրադարձել են ոլորտում առկա իրավիճակին, շահումների ծավալներին, խոսել փոփոխությունների հնարավոր ռիսկերի վերաբերյալ: Խաղային ոլորտն առավել վերահսկելի եւ թափանցիկ դարձնելու համար կարեւորվել է օպերատորի ինստիտուտի առկայությունը: Նշվել է, որ բնագավառում գովազդային սահմանափակումների հետեւանքով նվազել են խաղադրույքների ծավալները:
«Շրջանառության հարկը եւ հարկման ընդհանուր համակարգը` շահութահարկը, անհամատեղելի են»,- ներկայացնելով Կառավարության դիրքորոշումը պատգամավորական նախաձեռնության վերաբերյալ` նշել է ՀՀ ֆինանսների փոխնախարար Արման Պողոսյանը: Խոսելով խաղային ոլորտի համար հարկային բեռի բարձրացումից` փոխնախարարն ընդգծել է` նպատակահարմար է այդ տեսլականը քննարկել առկա համակարգերի եւ քաղաքականության, մասնավորապես, պետական տուրքի շրջանակում:
Անդրադառնալով պետական տուրքի դրույքաչափի բարձրացմանը` նախարարության ներկայացուցիչն ընդգծել է, որ նախատեսվում է այն շարունակական դարձնել մինչեւ այն հաշվետու տարվա սկիզբը, երբ ներդրված կլինի օպերատորի ինստիտուտը:
«Հայաստանում գրանցված, օրինական դաշտում աշխատող եւ հարկ վճարող ընկերությունների համար խաղի կանոնների սահմանմանն ու դրանց աստիճանաբար խստացմանը զուգահեռ պետք է քայլեր ձեռնարկել, որ Հայաստանում չգրանցված բուքմեյքերական ընկերությունները մեր երկրում չունենան հասանելիություն»,- նման համոզմունք է հայտնել Բաբկեն Թունյանը: Նա, կարեւորելով քննարկման ընթացքում հնչած դիտարկումները, նշել է, որ դրանք հաշվի կառնվեն ոլորտի վերաբերյալ վերջնական փոփոխություններ կատարելիս:
17:40 01.07.2025
Սեուլում կկայանա միջազգային երաժշտական 20-րդ մրցույթը. ԿԳՄՍՆ2025 թվականի նոյեմբերի 30-ից դեկտեմբերի 10-ը Հարավային Կորեայի մայրաքաղաք Սեուլում կայանալու է Սեուլի միջազգային երաժշտական 20-րդ մրցույթը: Մրցույթն անցկացվելու է «Ջութակ անվանակարգում»: Մանրամասներին կարելի է ծանոթանալ հետևյալ հղումով՝ http://seoulcompetition.com/en/: ...
17:32 01.07.2025
Մեկ միասնական տեղեկատվական համակարգում կմեկտեղվեն բնակչության ռեգիստրում ներառման ենթակա տվյալները. օրենսդրական փաթեթը քննարկվել է առաջին ընթերցմամբՕրենսդրական փաթեթի ընդունմամբ մեկ միասնական տեղեկատվական համակարգում կմեկտեղվեն բնակչության ռեգիստրում ներառման ենթակա տվյալները, եւ պետական մյուս մարմիններն իրենց գործառույթների իրականացման համար կօգտվեն բնակչության ռեգիստրից: Այս մասին ասել է ՆԳ նախարարի տեղակալ Արմեն Ղազարյանը՝ հուլիսի 1-ին գումարված ԱԺ արտահերթ նիստում ներկայացնելով «Բնակչության պետական ռեգիստրի մասին» օրենքի նախագիծը՝ կից փաթեթով: Հիմնական զեկուցողի խոսքով ներկայումս բնակչության վերաբերյալ տեղեկատվությունը […] ...
17:26 01.07.2025
Վահագն Խաչատուրյանը շնորհավորական ուղերձ է հղել Կանադայի գեներալ-նահանգապետ Մերի ՍայմոնինՀանրապետության նախագահ Վահագն Խաչատուրյանը շնորհավորական ուղերձ է հղել Կանադայի գեներալ-նահանգապետ Մերի Սայմոնին Կանադայի օրվա կապակցությամբ: «Հայաստանը կարևորում է Կանադայի հետ ընդհանուր արժեքների և փոխադարձ հարգանքի վրա խարսխված բարեկամական հարաբերությունների հետևողական զարգացումն ու խորացումը։ Բարձր ենք գնահատում Կանադայի կողմից ցուցաբերվող աջակցությունը՝ ուղղված ժողովրդավարական բարեփոխումների օրակարգին»,- մասնավորապես ասվում է ուղերձում: ...
17:20 01.07.2025
Ձերբակալվածի մոտ մեթամֆետամին ու դանակ կար․ Երևանի պարեկների բացահայտումըՀունիսի 27-ին՝ ժամը 1:30-ին, Երևանի պարեկները Աբելյան փողոցում ձերբակալել և Համայնքային ոստիկանության Մաշտոցի բաժին են տեղափոխել 26-ամյա մի երիտասարդի։ Նրա անձնական խուզարկությամբ հայտնաբերվել են «կրիստալ» տեսակի թմրամիջոց, մոխրացված հետքերով կաթուցիչ, բարդ փականով դանակ։ Նախաձեռնվել է քրեական վարույթ: Երևանի բնակիչ 26-ամյա երիտասարդը ձերբակալվել է: ...
17:14 01.07.2025
Առաջարկվում է ձևավորվել ՀՀ Արմավիրի մարզի Վաղարշապատ համայնքային փունջըՕրենսդրական առաջարկով նախատեսվում է ձեւավորվել Արմավիրի մարզի Վաղարշապատ համայնքային փունջը, որը ներառում է ներկայիս Վաղարշապատ եւ Խոյ համայնքները՝ վերջիններիս կազմում ընդգրկված 19 բնակավայրով: Առաջարկվող ծրագրում ներգրավված են լինելու 2 համայնք, 19 բնակավայր, որոնց միավորման արդյունքում ձեւավորվելու է մեկ խոշորացված համայնք: Այս քայլով Կառավարությունն ապահովում է վարչատարածքային բարեփոխումների հետագա ընթացքը, ինչին կհաջորդի լիազորությունների ապակենտրոնացման գործընթացը: ՀՀ […] ...
17:09 01.07.2025
Խոշտանգումների կանխարգելման գործիքակազմերը՝ միջազգային չափանիշներին համապատասխան․ ՆԳՆ փոխնախարարը մասնակցել է Խոշտանգումների զոհերի աջակցության օրվան նվիրված քննարկմանըՆերքին գործերի նախարարի տեղակալ Արմեն Մկրտչյանը հունիսի 26-ին մասնակցել է Մարդու իրավունքների պաշտպանի նախաձեռնած՝ Խոշտանգումների զոհերի աջակցության օրվան նվիրված քննարկմանը։ ՄԻՊ Անահիտ Մանասյանը կարևորել է նման ձևաչափով քննարկումները և ընդգծել, որ բոլոր դերակատարների ակտիվ և հետևողական ներգրավվածությունը կարևոր նախապայման է ոլորտում առկա խնդիրները լուծելու և համակարգային բարեփոխումներ իրականացնելու նպատակով։ ՆԳ նախարարի տեղակալ Արմեն Մկրտչյանը նշել […] ...
