16:41 05.05.2025
ՀՀ ԱՆ Հարկադիր կատարումն ապահովող ծառայությունը մայիսի 5-ին նշում է կառույցի կազմավորման 27-ամյակը և հարկադիր կատարողի մասնագիտական օրը։ Այդ առիթով Ծառայության վարչական շենքում այսօր տեղի է ունեցել հանդիսավոր նիստ, որին մասնակցել են Արդարադատության նախարար Սրբուհի Գալյանը, պաշտոնատար այլ հյուրեր, Ծառայության ղեկավար կազմն ու սպայական անձնակազմը։ Շուրջ 27 տարի գործող ծառայության և հարկադիր կատարողի օրվան նվիրված հանդիսավոր միջոցառումը մեկնարկել է հարկադիր կատարողի կերպարի, մասնագիտական ծառայության կարևոր առաքելությանը նվիրված տեսանյութի ցուցադրությամբ։
Հարկադիր կատարողի մասնագիտական տոնի կապակցությամբ Արդարադատության նախարար Սրբուհի Գալյանն իր շնորհավորանքում նշել է.
«Հարկադիր կատարողը բոլորիս իրավունքների պաշտպանն է, արդարադատության նպաստողն ու մարդու իրավունքները պաշտպանողը: Հարկադիր կատարողի ծառայությունը պետք է միտված լինի քաղաքացուն սպասարկելուն: Ես հույս ունեմ, որ ձեր աշխատանքն իրականացնելիս առաջնորդվում եք ամենակարևոր սկզբունքով, այն է՝ քաղաքացու իրավունքների պատշաճ պաշտպանությունը։ Այսօր հարկադիր կատարումն ապահովող ծառայությունը կարելի է ասել թևակոխել է զարգացման նոր փուլ, սա նշանակում է, որ մենք պետք է դուրս գանք այն կաղապարից, որը ժամանակին փաթաթվել է Ծառայությանը, խոսքն այն կաղապարի մասին է, որ մարդիկ Ծառայությանը վերաբերել են որպես պատժող ինստիտուտի և ժամանակն է, որպեսզի այդ կաղապարը քանդվի և մեզ իրապես վերաբերեն որպես իրավունքների պաշտպանություն իրականացնող ինստիտուտի: Շատ կարևոր է, որ ձեզնից յուրաքանչյուրը քաղաքացու հետ շփվելիս ցուցաբերի մարդկային կարևոր հատկանիշներ, որպեսզի ձևավորի այն պատկերացումը, որը մենք ենք ցանկանում միասին ստեղծել։ Նոր փուլ թևակոխել նշանակում է նորարարության նոր մակարդակ։ Նշանակում է, որ թվային գործիքների այս դարում պետք է զարգանանք և ինքնակրթվենք: Ես ողջունում եմ բոլոր այն մարդկանց, ովքեր հաշտ են նոր իրականության և թվային նոր գործիքների հետ։ Ես հույս ունեմ, որ այն թվային համակարգը, որը մենք կունենանք, կհեշտացնի բոլորիս աշխատանքը: Ավելորդ չի լինի նշել, որ դուք արդարադատության իրականացման շղթայում վերջնական դերակատարն եք»:
Անձնակազմին ուղղված շնորհավորական իր խոսքում Գլխավոր հարկադիր կատարող Սիրո Ամիրխանյանն ընդգծել է Հարկադիր կատարումն ապահովող ծառայության կարգախոսի կարևորությունը՝ բարձր գնահատելով Ծառայության աշխատակիցների նվիրվածությունն ու պատասխանատվությունը․
«Օրենքը չի կարող լինել օրենք, եթե նրա թիկունքում չկա հարկադրելու ընդունակ մի ուժ։ Սրանք զուտ խոսքեր չեն, այն ամբողջական փիլիսոփայություն է օրենքի պաշտպանության՝ լուռ, բայց վճռական իրականացման մասին։ Այլապես, անձանց իրավունքները կլինեն տեսական, երևակայական և անիրական։ Ինձ համար ձեր աշխատանքի լավագույն գնահատականը ձեր անմնացորդ նվիրումն ու պրոֆեսիոնալ մոտեցումն է, որակյալ, առողջ թիմային աշխատանքը և, ամենակարևորը, կոռուպցիոն դրսևորումների նկատմամբ բոլորիս անհանդուրժողականությունը։ Վստահ եմ՝ առաջնորդվելով սկզբունքայնությամբ, մասնագիտական պատասխանատվությամբ, ուժեղ ու կայացած պետական ինստիտուտներ ունենալու ձգտմամբ՝ համատեղ ջանքերով կկարողանանք հասնել նոր ու կարևոր ձեռքբերումների՝ ի շահ մեր պետության ու քաղաքացու առջև ունեցած մասնագիտական պատասխանատվության»:
Տոնական օրը նշանավորվել է երդման և ծառայողական վկայականների հանձնման արարողությամբ։ Նորանշանակ հարկադիր կատարողները հանդիսավոր երդվել են հավատարիմ մնալ Հայաստանի Հանրապետության օրենքներին, պաշտպանել մարդու և քաղաքացու իրավունքները, բարեխղճորեն ծառայել ժողովրդին։ Հարկադիր կատարողի մասնագիտական օրվա առթիվ խրախուսական տարբեր պարգևներ են հանձնվել նաև ծառայողական պարտականություններն օրինակելի և բարեխիղճ կատարած մի շարք աշխատակիցների։
19:54 05.05.2025
«Պիզան» 34 տարի անց վերադարձել է Ա Սերիա19:54 05.05.2025
«Պիզան» 34 տարի անց վերադարձել է Ա Սերիա«Պիզան» հաջորդ մրցաշրջանում հանդես կգա Իտալիայի Ա Սերիայում։ Տոսկանական ակումբը Բ Սերիայի 37-րդ տուրում մրցակցի դաշտում 0-1 հաշվով պարտվել է «Բարիին», սակայն նվաճել է ուժեղագույնների խմբի ուղեգիր։ Ֆիլիպո Ինձագիի գլխավորած թիմն առաջնության ավարտից երկու տուր առաջ 9 միավորով առաջ է երրորդ տեղը զբաղեցնող «Սպեցիայից»։ «Պիզան» ունի 72, «Սպեցիան»` 63 միավոր։ «Պիզան» Ա Սերիայի ուղեգիր է […] ...
19:50 05.05.2025
50-ամյա տղամարդը այգի էր նետել հրազենը. նա ձերբակալվել էՀամայնքային ոստիկանության Տավուշի բաժնի ծառայողները օպերատիվ տեղեկություն էին ստացել, որ Բերդ քաղաքի 50-ամյա բնակիչն առանձնատանը ապօրինի զենք-զինամթերք է պահում: Տեղեկությունը ստուգելու նպատակով համայնքային ոստիկանները մեկնել են նշված հասցե: 50-ամյա տանտերը պատուհանից այգի է նետել հրազեն, ինչը նկատվել է ոստիկանների կողմից: Նա ձերբակալվել և կազմված փաստաթղթերի հետ ներկայացվել է Բերդի քննչական բաժին: Նախաձեռնվել է քրեական վարույթ, […] ...
19:44 05.05.2025
Շվանիձոր-Նռնաձոր-ՀՀ սահման ավտոճանապարհին կատարվելու են պայթեցման աշխատանքներ«Ճանապարհային դեպարտամենտ» հիմնադրամից տեղեկացնում են, որ Շվանիձոր-Նռնաձոր-ՀՀ սահման ավտոճանապարհին շինարարական աշխատանքներով պայմանավորված՝ մայիսի 6-ին՝ ժամը 11.00-ից 15.00-ի սահմաններում, կատարվելու են պայթեցման աշխատանքներ։ Հարակից բնակավայրերի բնակիչներին հորդորում են չանհանգստանալ։ ...
19:40 05.05.2025
ԱԺ-ում տեղի է ունեցել «Քաղաքացիական պայմանագիր» խմբակցության նիստԱյսօր Ազգային ժողովում տեղի է ունեցել «Քաղաքացիական պայմանագիր» խմբակցության նիստ: Քննարկվել են մայիսի 6-ին մեկնարկող Ազգային ժողովի քառօրյա նիստերի օրակարգային հարցերը: ...
19:30 05.05.2025
Արարատի մարզում բախվել են «ՎԱԶ 2106»-ն ու «ՎԱԶ 2101»-ը․ կան տուժածներԱյսօր՝ մայիսի 5-ին, ավտովթար է տեղի ունեցել Արարատի մարզում։ Ժամը 17։30-ի սահմաններում Երևան-Երասխ ավտոճանապարհի 41 կմ հատվածում՝ ժողովրդին հայտնի Վեդիի կամրջի հարևանությամբ, բախվել են Արարատի մարզի բնակիչ 40-ամյա Արտակ Թ․-ի վարած «ՎԱԶ 2106» մակնիշի և 63-ամյա Մելքում Ս․-ի վարած «ՎԱԶ 2101» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 2 հոգի մարմնական վնասվածքներով տեղափոխվել է […] ...