14:21 25.09.2018
ՀՀ Սփյուռքի նախարար Մխիթար Հայրապետյանը Բեյրութի Հայկազյան համալսարանում կազմակերպված հանդիպման ժամանակ հայտարարել է` չորս ամիս առաջ Հայաստանում տեղի ունեցած թավշյա հեղափոխությունից հետո վստահորեն կարող է ասել, որ Հայաստանն է լինելու Սփյուռքի թիկունքը և հույսը, ոչ միայն երազը: Հայրապետյանն ընդգծել է` սա ասում է որպես ՀՀ կառավարությունում Սփյուռքի դեսպան և պատվիրակ:
«Թույլ տվեք չհամաձայնել, որ միայն Սփյուռքը պիտի լիներ Հայաստանի թիկունքին, սրանք փոխադարձ սիրո ու հոգատարության, բայց նաև փոխադարձ պատասխանատվության սկզբունքով առաջնորդվելու փոխհարաբերություններ են»,- ասել է նա:
Նախարարը, ի պատասխան Հայաստանի անկախության 27-ամյակի առթիվ հնչած շնորհավորանքի, իր հերթին շնորհավորել է հանդիպման մասնակիցներին, նշել, որ Հայաստանի անկախ պետականությունը պատկանում է ամեն մի հայի`անկախ բնակության վայրից, լեզվի իմացությունից:
«Եթե որևէ մարդ իրեն համարում է հայ, անկախ պետականությունը հպարտություն է յուրաքանչյուրի համար: Մենք ունենք երիտասարդ` 27-ամյա, գրեթե իմ տարիքի պետականություն, որը բոլորիս փայփայելու, սիրելու կարիքն ունի: Մի անգամ ասացի` Հայաստանը սիրելու և սիրահարվելու երկիր է, վարչապետն ասաց` այո, բայց նաև ապրելու երկիր է: Ուզում եմ ասել` Հայաստանը լոկ հուզական տարածք չէ, որտեղ կարելի է գալ, լուսանկարվել, սիրել: Հայաստանը նաև ժամանակակից պետություն է, որը տալիս է հնարավորություններ»,- ասել է նախարարը:
Նա հավելել է, որ իրենց խնդիրն է` միասին էլ ավելի հզորացնել այս պետությունն իր լայն հնարավորություններով, որտեղ յուրաքանչյուր հայ կարող է գալ, հաստատվել, կառուցել իր կարիերան, ստեղծել կյանքի այնպիսի պայմաններ, որոնց մասին երազել է:
«Հայաստանում իշխանությունը ժողովրդինն է: Կառավարությունը, պաշտոնյաներս, որ նայում եք` կոստյումով, փողկապով, մենք ընդամենը ծառաներ ենք, սա ասում եմ առանց ավելորդ պոպուլիզմի. սա իրականություն է»,- նշել է Հայրապետյանը:
14:54 05.07.2025
Արարատ Միրզոյանը մասնակցել է ՀՀ Սահմանադրության 30-ամյակին նվիրված հանդիսավոր միջոցառմանըԱԳ նախարար Արարատ Միրզոյանը ՀՀ բարձրագույն ղեկավարության հետ մասնակցել է ՀՀ Սահմանադրության 30-ամյակին նվիրված հանդիսավոր միջոցառմանը։ Միջոցառմանը ներկա են եղել նաև ՀՀ-ում հավատարմագրված դիվանագիտական ներկայացուցչությունների ղեկավարներ: ...
14:44 05.07.2025
Մախաչևն արժանի է լինել երկու քաշային կարգերի չեմպիոն․ ԾառուկյանUFC-ի առաջատար, հայ մարտիկ Արման Ծառուկյանն ESPN-ին տված հարցազրույցում անդրադարձել է դաղստանցի Իսլամ Մախաչևի` կիսամիջին քաշային կարգ տեղափոխվելուն: Արմանին հարցրել են, թե արդյո՞ք նա հիասթափված է, որ Մախաչևը լքել է թեթև քաշային կարգը։ «Ոչ, որովհետև Իսլամը արժանի է լինել UFC-ի երկու քաշային կարգերի չեմպիոն: Ես պարզապես ուրախ եմ նրա համար, հուսով եմ, որ նա կնվաճի […] ...
14:30 05.07.2025
Թուրքիայում ձերբակալվել է ընդդիմադիր երեք քաղաքապետԹուրքիայի հարավային երեք խոշոր քաղաքի՝ Ադիյամանի, Ադանայի և Անթալիայի քաղաքապետերը ձերբակալվել են կաշառակերության, պաշտոնեական դիրքի չարաշահման և կազմակերպված հանցավորության մեղադրանքով։ «Արմենպրես»-ի հաղորդմամբ՝ այս մասին հայտնում է Associated Press-ը։ Ըստ աղբյուրի՝ ձերբակալվել է 10 անձ, այդ թվում՝ Ադիյամանի քաղաքապետ Աբդուրրահման Թութդերեն և Ադանայի քաղաքապետ Զեյդան Կարալարը։ Երկուսն էլ Թուրքիայի ընդդիմադիր Հանրապետական ժողովրդական կուսակցության (CHP) անդամներ են։ […] ...
14:14 05.07.2025
Ժաննա Անդրեասյանն այցելել է Հայաստանի գեղարվեստի պետական ակադեմիաՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է Հայաստանի գեղարվեստի պետական ակադեմիա։ Նախարարը ռեկտոր Վարդան Ազատյանի ուղեկցությամբ շրջայց է կատարել բուհում, ծանոթացել պայմաններին, գույքային հագեցվածությանը, իրականացված աշխատանքներին ու առկա խնդիրներին։ ԿԳՄՍ նախարարին ներկայացվել են արվեստանոցների, թեմատիկ լսարանների և մյուս ենթակառուցվածքների ներկա պայմանները։ Տեղում քննարկվել են խնդիրների լուծման հնարավորությունները։ Ժաննա Անդրեասյանը հետաքրքրվել է […] ...
14:00 05.07.2025
Սահմանադրությունն իրավական ու ժողովրդավարական պետության և հասարակության հիմնաքարն է. Անահիտ ՄանասյանՄարդու իրավունքների պաշտպան Անահիտ Մանասյանը շնորհավորական ուղերձ է հղել ՀՀ Սահմանադրության օրվա առթիվ: «Հարգելի՛ հայրենակիցներ, Շնորհավորում եմ բոլորիս՝ Հայաստանի Հանրապետության Սահմանադրության օրվա կապակցությամբ։ Սահմանադրությունն իրավական ու ժողովրդավարական պետության և հասարակության հիմնաքարն է։ Այն ոչ միայն սահմանում է պետության իրավական հիմքերը, այլև ճանաչում է մարդուն որպես բարձրագույն արժեք՝ ամրագրելով նրա անօտարելի իրավունքներն ու ազատությունները։ Իրավական պետության […] ...
13:48 05.07.2025
40-ամյա կինը հետախուզվում էր խարդախության մեղադրանքով․ խափանման միջոցը՝ կալանքՀամայնքային ոստիկանության Բազումի բաժնի ծառայողների ձեռնարկած օպերատիվ-հետախուզական միջոցառումների արդյունքում հուլիսի 3-ին Վանաձորի Տիգրան Մեծի փողոցում հայտնաբերվել և բաժին է ներկայացվել 40-ամյա մի կին, որը Քրեական ոստիկանության Շիրակի մարզային վարչության կողմից հետախուզվում էր խարդախության մեղադրանքով. խափանման միջոցը՝ կալանք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական […] ...
