12:48 18.07.2025
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է ՖԻԲԱ Եվրոպայի նախագահ Խորխե Գարբախոսային և գործադիր տնօրեն Կամիլ Նովակին, որոնք Հայաստան են ժամանել բասկետբոլի Եվրոպայի Մ20 տարեկանների Բ դիվիզիոնի առաջնությանը հետևելու նպատակով:
Հանդիպմանը մասնակցել են նաև ԿԳՄՍ նախարարի տեղակալ Հասմիկ Ավագյանը և Հայաստանի բասկետբոլի ֆեդերացիայի նախագահ Արթուր Նազարյանը:
Ողջունելով հյուրերին՝ Ժաննա Անդրեասյանը շնորհակալություն է հայտնել բասկետբոլի Եվրոպայի Մ20 տարեկանների Բ դիվիզիոնի առաջնության անցկացումը Հայաստանին վստահելու համար:
«Հայաստանի համար մեծ պատիվ և պատասխանատվություն է հյուրընկալել 21 երկրի հավաքականների և պատվիրակությունների: Սա մեր երկրում խաղային մարզաձևերից կազմակերպվող կարևոր խոշոր միջազգային միջոցառում է: ՀՀ կառավարությունը և Հայաստանի բասկետբոլի ֆեդերացիան ներդրել են բոլոր ջանքերը՝ մրցաշարն ամենաբարձր մակարդակով կազմակերպելու համար»,- ասել է Ժաննա Անդրեասյանը՝ կարևորելով ՖԻԲԱ Եվրոպայի հետ Հայաստանի բասկետբոլի ֆեդերացիայի համագործակցության զարգացումը:
Ժաննա Անդրեասյանը շեշտել է, որ միջազգային մրցաշարերի հյուրընկալումը ՀՀ կառավարության սպորտային քաղաքականության կարևոր ուղղություններից է, որը ներառված է ՀՀ ֆիզիկական կուլտուրայի և սպորտի ոլորտների 2024–2030 թվականների ռազմավարության մեջ։
Ներկայացնելով բասկետբոլի զարգացման և մասսայականացման ուղղությամբ իրականացված ծրագրերը՝ նախարարը նշել է՝ այս տարի ՀՀ վարչապետի հովանու ներքո առաջին անգամ անցկացվել է «Դպրոցականների բասկետբոլի լիգա» մրցաշարը, որի համայնքային փուլերին մասնակցել է շուրջ 8 հազար դպրոցական՝ ՀՀ բոլոր մարզերից։ Հաշվի առնելով հանրային հետաքրքրությունը՝ նախատեսվում է ապագայում նմանօրինակ մրցաշարեր անցկացնել նաև համալսարանական մակարդակում։
ՖԻԲԱ Եվրոպայի նախագահ Խորխե Գարբախոսան շնորհակալություն է հայտնել ընդունելության և Եվրոպայի Մ20 տարեկանների B դիվիզիոնի առաջնության պատշաճ կազմակերպման համար:
«Եվրոպայի 21 հավաքականներ այս օրերին վայելում են Հայաստանի հյուրընկալությունը և լավագույնս կազմակերպված մրցաշարը: ՖԻԲԱ-ն իր լիակատար աջակցությունն է հայտնում Հայաստանի բասկետբոլի ֆեդերացիային և հաճելիորեն տպավորված է մրցաշարի անցկացման որակից»,- ասել է Գարբախոսան՝ ընդգծելով, որ առանց պետական աջակցության՝ նմանօրինակ խոշոր մրցաշարի անցկացումը հնարավոր չէր լինի:
ԿԳՄՍ նախարար Ժաննա Անդրեասյանը ներկայացրել է սպորտային ենթակառուցվածքների բարելավման, նոր մարզահամալիրների կառուցման և վերանորոգման ծրագրերը:
«Մեր երկրում անցկացվող միջազգային մրցաշարերը դիտարկում ենք որպես ներդրում սպորտային ենթակառուցվածքների հարստացման և գույքով համալրման ուղղությամբ, որոնք անպայմանորեն նպաստելու են կոնկրետ մարզաձևերի զարգացմանն ու մասսայականացմանը», – ընդգծել է նախարարը՝ հույս հայտնելով, որ ՖԻԲԱ Եվրոպայի հետ համատեղ առաջին նախաձեռնությունը կդառնա լավ նախադեպ՝ ապագայում ավելի շատ միջազգային միջոցառումներ Հայաստանում կազմակերպելու համար։
Երևանում ընթացող Եվրոպայի Մ20 տարեկանների առաջնության Բ դիվիզիոնի շրջանակում Հայաստանի հավաքականը հուլիսի 18-ին կմրցի Պորտուգալիայի հավաքականի հետ՝ 9-16-րդ տեղերի համար պայքարում։ Հանդիպումը կկայանա Սպորտի կառավարման ենթակայությամբ գործող «Միկա» մարզահամալիրում և կմեկնարկի ժամը 18:30-ին:
16:20 18.07.2025
Ոստիկանություն զանգած քաղաքացին Մյասնիկյան պողոտայում ատրճանակ, նռնակներ և փամփուշտներ էր թողելՀուլիսի 16-ին ՆԳՆ ոստիկանության օպերատիվ կառավարման կենտրոն զանգահարած քաղաքացին հայտնել է, որ Մյասնիկյան պողոտայի ռեստորաններից մեկի մոտ զենք-զինամթերք է թողել։ Համայնքային ոստիկանության Մարաշի բաժնի ծառայողները նշված վայրում հայտնաբերել են պոլիէթիլենային տոպրակով փաթեթավորված ինքնաշեն թմբուկավոր ատրճանակ, ինքնաձիգի փամփշտատուփ, 7,62 մմ տրամաչափի 146 փամփուշտ, 2 նռնակ՝ պայթուցիչով։ ...
16:09 18.07.2025
Պարեկները 47-ամյա տղամարդուն ձերբակալեցին տերմինալից գողություն կատարելու պահինՀուլիսի 16-ին՝ ժամը 4․55-ին, ՆԳՆ ոստիկանության օպերատիվ կառավարման կենտրոն ահազանգ է ստացվել, որ Երևանի Առնո Բաբաջանյան փողոցում տեղադրված վճարային տերմինալից գողություն են անում։ Ահազանգով մեկնած ՊԾ Երևան քաղաքի գնդի 4-րդ գումարտակի 2-րդ վաշտի պարեկները դեպքի վայրում հայտնաբերել, գողություն կատարելու հիմնավոր կասկածանքով ձերբակալել և Համայնքային ոստիկանության Մալաթիայի բաժին են տեղափոխել 47-ամյա մի տղամարդու: Ձերբակալման պահին նա […] ...
15:57 18.07.2025
Ռոմանոս Պետրոսյանը նշանակվել է ՀԷՑ-ի ժամանակավոր կառավարիչՀանրային ծառայությունները կարգավորող հանձնաժողովի որոշմամբ՝ Ռոմանոս Պետրոսյանը նշանակվել է ՀԷՑ-ի ժամանակավոր կառավարիչ․ «ՀԾԿՀ նախագահն ընդունեց որոշում՝ վարչական վարույթ հարուցելու և կանխարգելիչ միջոցառում կիրառելու մասին: ՀՀ կառավարության լիազոր մարմնի կողմից ներկայացված հաղորդման հիմքով՝ ՀԾԿՀ նախագահը «Հայաստանի էլեկտրական ցանցեր» ՓԲԸ-ի նկատմամբ հարուցեց վարչական վարույթ և Ռոմանոս Պետրոսյանին նշանակեց ընկերության ժամանակավոր կառավարիչ։ Որոշումն ուժի մեջ կմտնի ընկերությանն օրենքով […] ...
15:51 18.07.2025
«Երևանի ավտոբուս» ընկերությունն անդրադարձել է հանրային տրանսպորտում տեղի ունեցած միջադեպինԵրեկ համացանցում տարածվել է հանրային տրանսպորտում նկարահանված մի տեսանյութ, որտեղ տղամարդ ուղևորը ենթադրյալ անպարկեշտ գործողություններ է կատարել կին ուղևորների նկատմամբ։ Թեմայի վերաբերյալ «Երևանի ավտոբուս» ՓԲԸ խոսնակ Գեղամ Ասատրյանը պարզաբանում է ներկայացրել․ «Նշված դեպքի վերաբերյալ ցանկանում եմ հայտնել հետևյալը՝ դեպքը տեղի է ունեցել հուլիսի 15-ին՝ ժամը 19։30-ի սահմաններում, թիվ 5 երթուղին սպասարկող տրանսպորտային միջոցում Մաշտոցի պողոտա-Պուշկինի […] ...
15:35 18.07.2025
Օպերատիվ իրավիճակը հանրապետությունում հուլիսի 17-18-ըԲացահայտվել է 175 հանցագործություն, որոնցից 21-ը՝ նախկինում կատարված: Մասնավորապես՝ 57 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 15 դեպք՝ մարմնական վնասվածք պատճառելու, 11-ական դեպք՝ թմրանյութի հայտնաբերման, շրջանառությունն արգելված թմրամիջոցներ, հոգեմետ, խիստ ներգործող կամ թունավոր նյութեր պարունակող բույսեր ցանելու կամ աճեցնելու, 10-ական դեպք՝ հոգեկան […] ...
15:32 18.07.2025
Իսրայելը կարծում է, որ Իրանի միջուկային ծրագիրը 2-3 տարով հետ է մղվելԻսրայելը գնահատում է, որ վերջին հարվածների արդյունքում Իրանի միջուկային ծրագիրը հետ է մղվել առնվազն երկու-երեք տարով, հայտարարել է Մոսկվայում Իսրայելի դեսպան Սիմոնա Գալպերինը։ «Մեր փորձագետների գնահատականը, ոչ միայն ռազմական, ցույց է տվել, որ միջուկային ծրագրին հասցված հարվածը շատ լուրջ է։ Մենք կարծում ենք, որ նրանց ծրագիրը հետ է շպրտվել առնվազն երկու կամ երեք տարով», – […] ...
