17:04 11.10.2018
Վերջ տալ բանակում զինվորների հանդեպ բռնությանը և հալածանքներին: Սա է գյումրեցի զոհված զինծառայող Գևորգ Հարոյանի հարազատների պահանջը, որն այսօր լրագրողներին է ներկայացրել Գևորգի մորեղբայրը։
Հիշեցնենք` Գևորգ Հարոյանը մահացել է հոկտեմբերի 1-ին։ Հարազատները ինքնասպանության վարկածը բացառում են և համոզված են, որ Գևորգի մահը զորամասում նրա նկատմամբ տեղի ունեցած բռնության հետևանք է:
Արմեն Բեգլարյանը քրոջ որդու՝ Գևորգ Հարոյանի մահվանը հաջորդած դեպքերի ժամանակագրությունը նախ՝ ներկայացրեց: Գևորգի մայրը Արցախ էր գնացել՝ որդուն տեսակցության, տղայի աչքի տակ կապտուկ էր նկատել ու որոշել պարզել, թե ինչ է տեղի ունեցել: Գևորգն այդ օրը թաքցրել էր կապտուկի իրական պատճառը: Հետո, ըստ Արմեն Բեգլարյանի, Գևորգն իրենց պատմել է, որ զորամասում իր նկատմամբ պարբերաբար բռնություն է կիրառվել, նվաստացումներ են եղել: Անգամ կոնկրետ սպայի անուն է տվել:
Ծնողները փորձել են միջամտել, բայց ըստ Արմենի, չեն կարողացել ստույգ տեղեկություն ստանալ, թե ինչ է կատարվում զորամասում: Հոկտեմբերի 1-ին արդեն Գևորգի մահվան լուրն են ստացել: Զինծառայողի մահվան պատճառների մասին, ըստ Գևորգի մորեղբոր, ի սկզբանե հակասական հայտարարություններ են արվել:
Կատարվածը սպանություն են համարում, իսկ թե ինչ հանգամանքներում է դա տեղի ունեցել, ըստ Արմեն Բեգլարյանի, իրենց դեռ հայտնի չէ:
«Եթե մարդը ուսադիրներ է կրել այդ զորամասում, ուրեմն այդ մարդը մեղավոր է: Ոչ մի ինֆորմացիա չենք կարող ասել՝ ոնց է եղել, ինչ է եղել, քննությունը շարունակվում է: Ինչո՞ւ, ո՞նց է եղել, չգիտենք: Միայն գիտենք, որ կռիվ է եղել»,- ասել է Արմեն Բեգլարյանը:
Զինծառայողի մահվան փաստով քրեական գործ է հարուցվել, կան ձերբակալվածներ։ Քննչական կոմիտեի հաղորդագրության համաձայն՝ ձեռք են բերվել տվյալներ, որ Գևորգի նկատմամբ բռնություն է կիրառվել: Նման կասկածանքով ձերբակալվել են նույն զորամասի կրտսեր սերժանտը և վաշտի հրամանատարը։
Գևորգ Հարոյանի հարազատները պահանջում են արդար դատաքննություն, որպեսզի մեկ զորամասի օրինակով ուսումնասիրություններ կատարվեն բոլոր զորամասերում:
19:30 02.05.2025
Տելեգրամի միջոցով թմրանյութ ձեռք բերած երիտասարդը ներկայացվել է նախաքննական մարմինՔրեական ոստիկանության Կոտայքի մարզային վարչության ծառայողները տեղեկություններ էին ստացել, որ Երևանի բնակիչ 27-ամյա երիտասարդը առցանց եղանակով թմրամիջոց է ձեռք բերել: Ձեռնարկված միջոցառումների արդյունքում մայիսի 1-ին Բջնի-Քաղսի ավտոճանապարհին 27-ամյա երիտասարդը հայտնաբերվել, ձերբակալվել և տեղափոխվել է վարչություն: Նրա անձնական խուզարկությամբ հայտնաբերվել է «Ալֆա ՊՎՊ» տեսակի թմրամիջոցի նմանվող զանգված: Երիտասարդը հայտնել է, որ այն անձնական օգտագործման համար ձեռք […] ...
19:20 02.05.2025
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասըՔննչական կոմիտեում քննվող քրեական վարույթի ուսումնասիրությամբ պարզվել է, որ բազմաբնակարան շենքերի կառուցապատմամբ և բնակարանների վաճառքով զբաղվող ընկերության սեփականատեր Ա.Մ.-ն նույն ընկերության տնօրեն Գ.Վ.-ի հետ նախնական համաձայնությամբ, առանձնապես խոշոր չափերով հարկեր վճարելուց խուսափելու, այդ միջոցով շահույթ ստանալու նպատակով՝ Երևան քաղաքի Նորք-Մարաշ վարչական շրջանում կառուցվող բազմաբնակարան շենքից 2022-2024 թվականների ընթացքում իրացրել է բնակարաններ՝ կառուցվող շենքից անշարժ գույք […] ...
19:14 02.05.2025
Կիրանցի առօրյան. սահմանազատումից մեկ տարի անցՄեկ տարի առաջ՝ 2024-ի ապրիլի 23-ին, Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը: Արդյունքում սահմանազատվեց 12 կմ-ոց հատված: Անվտանգային ինչպիսի՞ հարց է լուծվել, մեկ տարվա ընթացքում ի՞նչ է փոխվել սահմանամերձ այս գյուղերում ապրող մարդկանց կյանքում: «Շանթ» ՀԸ «Հորիզոնի» նկարահանող խումբը եղել է Կիրանցում ՝ զրուցելու տեղացիների հետ և նրանց առօրյայի ու զգացողությունների մասին […] ...
19:07 02.05.2025
Նախագահական նստավայրում հյուրընկալվել են ֆիզիկամաթեմատիկական մասնագիտացված դպրոցի աշակերտներըՆախագահական նստավայրում հյուրընկալվել են Երևանի Արտաշես Շահինյանի անվան ֆիզիկամաթեմատիկական մասնագիտացված դպրոցի աշակերտները։ Նրանք շրջայց են կատարել նստավայրում, ծանոթացել դրա պատմությանը, ճարտարապետական առանձնահատկություններին և գործունեության կարգին։ Այնուհետև Հանրապետության նախագահ Վահագն Խաչատուրյանն աշակերտների համար դասախոսություն է կարդացել՝ ներկայացնելով պետության և ազատ շուկայական տնտեսության փոխհարաբերությունները, դրանց նշանակությունն ու կիրառական դրսևորումները ժամանակակից կառավարման համակարգում։ Դասախոսությունից հետո նախագահն անմիջական մթնոլորտում […] ...
19:00 02.05.2025
Գողությունը բացահայտվել է. 25-ամյա հարևանուհին խոստովանել է արարքըՔրեական ոստիկանության Տավուշի մարզային վարչությունում հաղորդում տված քաղաքացին հայտնել էր, որ ապրիլի 28-ի ժամը 14-ից 18-ն ընկած ժամանակահատվածում Դիլիջանի Աթարբեկյան փողոցում գտնվող իր տնից գողացել են բջջային հեռախոս: Նշված հասցե օպերատիվ խումբ է մեկնել: Կազմված փաստաթղթերն ուղարկվել են Դիլիջանի քննչական բաժին, որտեղ քրեական վարույթ է նախաձեռնվել: Ձեռնարկված օպերատիվ-հետախուզական միջոցառումների արդյունքում մայիսի 1-ին հանցագործությունը բացահայտվել է: […] ...
18:54 02.05.2025
Իրանում գործող հայկական մի շարք կառույցներ դատապարտել են Թեհրանում Ցեղասպանության տարելիցի կապակցությամբ միջոցառման ժամանակ գրանցված միջադեպըԻրանում գործող հայկական մի շարք կառույցներ դատապարտել են Հայոց ցեղասպանության 110-րդ տարելիցի կապակցությամբ Թեհրանում կազմակերպված միջոցառման ժամանակ գրանցված միջադեպը՝ կոչ անելով հայկական մյուս կառույցներին և Իրանի խորհրդարանի հայ պատգամավորներին ևս դատապարտել այն։ «Հայոց ցեղասպանության 110-րդ տարելիցի ծրագրերի շարքում, Թեհրանում տեղի ունեցած ամենամյա ծաղկեմատույցի արարողության ժամանակ, ծրագրին մասնակցող ՀՀ դեսպանության դիվանագիտական կազմի նվիրաբերած ծաղկեկողովը, որը զարդարված […] ...
