18:53 15.10.2018
Վրաստանում նախընտրական քարոզարշավի ընթացքում ԵԱՀԿ դիտորդներն արձանագրել են նախագահի թեկնածուների վերաբերյալ կեղծ տեղեկատվության տարածում, որը նախագահին թեկնածուների իմիջը խաթարելու նպատակ է հետապնդում:
Ըստ ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) դիտորդների առաքելության միջանկյալ զեկույցի՝ Վրաստանում նախընտրական քարոզարշավն ավելի շատ ուղղված է դիմակայությանը, քան քարոզարշավին:
Զեկույցն ընդգրկում է սեպտեմբերի 18-ից հոկտեմբերի 9-ն ընկած ժամանակահատվածը և կենտրոնանում է նախընտրական արշավի և ընթացակարգերի վրա:
«Նախընտրական քարոզչությունը կենտրոնացած է դիմակայության վրա, այլ ոչ թե նախագահի մանդատի շրջանակում կարևոր հարցերի վրա»,-նշված է հաշվետվությունում:
Ընդ որում՝ դիտորդները մատնանշում են ընտրարշավի ընթացքում տեղ գտած բացասական դրսևորումները, որոնք հիմնականում ուղղված են իշխող կուսակցության՝ «Վրացական երազանք-դեմոկրատական Վրաստան» կուսակցության դեմ: Նրանք արձանագրել են նաև նախընտրական քարոզարշավի ընթացքում կրոնական կազմակերպությունների անդամների ակտիվություն, երբ հոգևորականները փորձում են պնդել իրենց տեսակետները, ինչը արգելված է օրենքով:
Դիտորդների եզրահանգմամբ՝ ակտիվ քարոզարշավ է իրականացնում հիմնականում 3 թեկնածու՝ երկուսը ընդդիմադիր դաշտից՝ Դավիթ Բաքրաձեն «Եվրոպական Վրաստանից», Գրիգոլ Վաշաձեն «Միացյալ ազգերի շարժումից» և կառավարության աջակցությունը վայելող Սալոմե Զուրաբիշվիլիին:
Վրաստանում նախագահական ընտրությունները կկայանան հոկտեմբերի 28-ին:
16:00 26.06.2025
Հաստատվել է դպրոցների ֆինանսավորման կարգի փոփոխությունը
15:50 26.06.2025
Եթե ես Լամինի հայրը լինեի, գլխարկով կհարվածեի նրա ականջին․ Նոլիտո«Բարսելոնայի» նախկին հարձակվող Նոլիտոն քննադատել է Լամին Յամալին։ Նոլիտոյին դուր չի եկել, որ 17-ամյա ֆուտբոլիստը Ազգերի լիգայի խաղարկության կիսաեզրափակչում Ֆրանսիայի հավաքականի նկատմամբ տարած հաղթանակից հետո (5:4) մամուլի ասուլիսին ներկայացել է գլխարկով։ «Այն, ինչ նա անում է իր տարիքում «Բարսելոնայում», պարզապես անհավանական է։ Կան գրեթե բոլոր պայմանները, որ նա դառնա աշխարհի լավագույն ֆուտբոլիստը, և հիմա նա […] ...
15:40 26.06.2025
Հիմնանորոգվում է Վարդենյաց լեռնանցքի 14կմ հատվածըՀիմնանորոգվում է Վարդենյաց լեռնանցքի 14կմ հատվածը։ Այն անցնում է Գեղարքունիքի մարզով (Մարտունու տարածաշրջան)։ Ճանապարհին տեղադրվել է ասֆալտբետոնե ծածկը։ Այժմ տեղադրվում են երկաթե արգելապատնեշները, լրացվում, խտացվում ու հարթեցվում են կողնակները։ Ճանապարհը հիմնանորոգվում է ՀՀ պետական բյուջեի միջոցներով։ ...
15:32 26.06.2025
Վանաձոր քաղաքում գործարկվելու է էլեկտրական շչակՀունիսի 27-ին՝ ժամը 14:00-ին, Լոռու մարզի Վանաձոր քաղաքում գործարկվելու է էլեկտրական շչակ։ Այս մասին հայտնում են ՆԳՆ փրկարար ծառայությունից։ ...
15:25 26.06.2025
Դավիդ Դավիդյանը` «Ռոտորի» ֆուտբոլիստ«Փյունիկից» հեռացած կիսապաշտպան Դավիդ Դավիդյանը տեղափոխվել է Վոլգոգրադի «Ռոտոր»։ Այս մասին հայտնում է ռուսական ակումբի մամուլի ծառայությունը։ Կողմերի պայմանագիրն ուժի մեջ կլինի մինչև 2025/26 մրցաշրջանի ավարտը։ 27-ամյա Դավիդյանը «Փյունիկում» էր 2022 թ. հուլիսից, 98 խաղում նա 2 գոլ է խփել, կատարել 14 գոլային փոխանցում։ «Ռոտորը» հանդես է գալիս Ռուսաստանի երկրորդ լիգայում` ՖԱԼ-ում։ Ակումբն անցած մրցաշրջանում […] ...
15:17 26.06.2025
Մեկնարկել է Հայաստանի ԱԳ նախարար Արարատ Միրզոյանի և Չինաստանի ԱԳ նախարար Վան Յիի հանդիպումըՊեկինում՝ կառավարության հյուրերի ընդունելությունների տանը մեկնարկել է Հայաստանի ԱԳ նախարար Արարատ Միրզոյանի և Չինաստանի ԱԳ նախարար Վան Յիի հանդիպումը: Օրակարգը ներառում է հարցերի լայն շրջանակ՝ ինչպես Հայաստանի և Չինաստանի միջև երկկողմ գործընկերության զարգացմանն ուղղված աշխատանքները, այնպես էլ տարածաշրջանային թեմաներ: ...
