22:07 23.10.2018
«Հյուսիս-հարավ» արագընթաց մայրուղու Թալին-Լանջիկ և Լանջիկ-Գյումրի հատվածների շինարարությունը սահմանված ժամանակացույցում չի տեղավորվում: Երկու տեղամասերում կապալառուն չինական ընկերությունն է, որի հետ շինարարության տեմպերն արագացնելու մասին բանակցությունները Տրանսպորտի, կապի և տեղեկատվական տեխնոլոգիաների նախարարությունը սկսել է 5 ամիս առաջ: Ընկերության ունեցած տեխնիկական ու մարդկային ռեսուրսները չէին բավականացնում: Հիմա ճանապարհաշինության տեմպերն արագացրել են, բայց ոչ այնքան, որ կարողանան տեղավորվել ժամկետներում: Տրանսպորտի, կապի և տեղեկատվական տեխնոլոգիաների նախարարությունում բացատրում են՝ չինացիները ծրագրի պահանջներին սովոր չէին:
«Իրենց կարողությունների, աշխատանքների կազմակերպման, պրոֆեսիոնալիզմի, ինժեներական կազմը համալրելու խնդիրն էր։ Մի փոքր սովոր չէին ծրագրի պահանջներին, փաստաթղթավորմանը, որը գնալով շտկվում է։ Ընդգրկվել են նոր 2 ենթակապալառու ընկերություններ, որոնք Հայաստանում աշխատանքի փորձ ունեն։ Այս ընկերությունների հաշվին է, որ տեղի է ունեցել ծավալների կտրուկ աճ» ,- SHANTNEWS.am-ի հետ զրույցում ասել է ՀՀ տրանսպորտի, կապի և ՏՏ նախարարի տեղակալի պաշտոնակատար Բագրատ Բադալյանը։
Շինարարության ծավալներն ավելացել են, բայց չինական ընկերությունը դեռ ապամոնտաժելու գործ ունի կատարելու Լանջիկ-Գյումրի հատվածում: Այս տեղամասում թերություններ են հայտնաբերվել: Բետոնացման աշխատանքները չեն համապատասխանել սահմանված չափորոշիչներին:
«Լանջիկ-Գյումրի հատվածում կապալառուն կառուցել է բետոնե ծածկ, առանց բաղադրատոմսի, առանց մեթոդաբանության և նյութերի հաստատման։ 1.2 կմ հատված է, որը ենթակա չէ ընդունման, և կապալառուն պետք է քանդի այդ հատվածը»,- ասել է Բագրատ Բադալյանը։
Տրանսպորտի, կապի և տեղեկատվական տեխնոլոգիաների նախարարությունում չեն բացառում, որ Թալին-Լանջիկ և Լանջիկ-Գյումրի հատվածներում, որոնք մեկ ընդհանուր անունով կոչվում են Տրանշ 3, շինաշխատանքների ժամկետները կերկարաձգվեն: Նախապես սահմանված ժամկետը 2019-ի հունիսի 30-նն է, որի լրանալուն ընդամենը 8 ամիս է մնացել և պարզից էլ պարզ է, որ աշխատանքների այն ծավալը, որ կա՝ 8 ամսում կառուցելը քիչ հավանական է: Լանջիկ- Գյումրի հատվածում աշխատանքների վերջնաժամկետը կերկարաձգվի, իսկ Գյումրի-Բավրա հատվածում չի էլ սկսվի: Այս հատվածի նախագիծը փորձաքննության փուլում է, բայց ֆինանսավորումն է անհայտ: Կառավարությունը քննարկում է, թե ունեցած սահմանափակ միջոցներից մայրուղու հյուսիսայի՞ն, թե՞ հարավային ուղղությանն է բաժին հասնելու:
21:48 24.07.2025
Մեկնարկել է քոլեջների և ուսումնարանների ընդունելությունը
23:59 24.07.2025
Ավտոկայանատեղիների հատվածում տեղադրված կանգնակները հեռացվում ենԱվտոկայանատեղիների հատվածում տեղադրված կանգնակները խոչընդոտում են երթևեկությունն ու կայանումը: Այս մասին հայտնել են Երևանի քաղաքապետարանից: Խնդիրը լուծելու համար Երևանի քաղաքապետարանի հասարակական կարգի պահպանության ծառայությունը Ոստիկանության պարեկային ծառայության հետ համատեղ պարբերաբար ուժեղացված ստուգայցեր է իրականացնում քաղաքում: Հերթական ստուգայցի ընթացքում կազմվել են բազմաթիվ արձանագրություններ, իսկ արհեստական խոչընդոտները՝ մետաղական ձողեր, արկղեր, վահանակներ և այլ իրեր, առգրավվել և առանձին […] ...
23:57 24.07.2025
Օրինազանց վարորդները հայտնաբերվել են ու ենթարկվել պատասխանատվությանՕրերս համացանցում տեսանյութ էր տարածվել, որ «Վոլկսվագեն»-ի վարորդը Մարտունի-Սևան ավոտճանապահին մեքենան վարում էր անկանոն՝ վտանգելով երթևեկության այլ մասնակիցներին։ Վայոց ձորի պարեկները պարզել են վարորդի ինքնությունը։ Նա հայտնաբերվել է։ Մեքենան տեղափոխվել է Համայնքային ոստիկանության Եղեգնաձորի բաժնի պահպանվող հատուկ տարածք: Նրա նկատմամբ կազմվել է վարչական իրավախախտման վերաբերյալ արձանագություն։ Հաջորդ տեսանյութը կրկին տարածվել էր համացացում, որում մեքենաները խոչընդոտում […] ...
23:49 24.07.2025
Կամչատկայում 4.9 մագնիտուդով երկրաշարժ է տեղի ունեցելԿամչատկայի երկրամասում գրանցվել է 4.9 մագնիտուդով երկրաշարժ։ Այս մասին նշվում է Ռուսաստանի գիտությունների ակադեմիայի Միացյալ երկրաֆիզիկական ծառայության Կամչատկայի մասնաճյուղի Telegram ալիքում։ Ծառայության տվյալներով՝ երկրաշարժը տեղի է ունեցել Պետրոպավլովսկ-Կամչատկայից 161 կմ հեռավորության վրա։ Էպիկենտրոնը գտնվել է 39 կմ խորության վրա։ ...
23:44 24.07.2025
Մակրոն. Ֆրանսիան կճանաչի Պաղեստին պետությունը սեպտեմբերին ՄԱԿ-ի Գլխավոր ասամբլեայի նստաշրջանումՖրանսիան պաշտոնապես կճանաչի Պաղեստին պետությունը սեպտեմբերին ՄԱԿ-ի Գլխավոր ասամբլեայի նստաշրջանում։ Այս մասին հայտարարել է Ֆրանսիայի նախագահ Էմանուել Մակրոնը X-ի իր միկրոբլոգումում։ «Ես որոշել եմ, որ Ֆրանսիան կճանաչի Պաղեստին պետությունը։ Ես հանդիսավոր կերպով կհայտարարեմ այս մասին ՄԱԿ-ի Գլխավոր ասամբլեայում այս տարվա սեպտեմբերին։ Հիմա գլխավորը Գազայում պատերազմը անհապաղ դադարեցնելն ու խաղաղ բնակչությանը օգնություն ցուցաբերելն է», – ասել […] ...
23:39 24.07.2025
46-ամյա մարմարաշենցին կանեփ էր աճեցնում և պահում թմրանյութ․ Շիրակի քրեական ոստիկանների բացահայտումըՀուլիսի 22-ին Շիրակի մարզի քրեական ոստիկանները օպերատիվ տեղեկություն էին ստացել, որ Մարմարաշեն գյուղի 46-ամյա բնակիչը տնամերձ հողամասում կանեփ է աճեցնում։ Նախաձեռնվել է քրեական վարույթ, որի շրջանակում կատարված զննությամբ նշված հողամասում հայտնաբերվել է կանեփի 233 բույս, իսկ ավտոտնակում՝ մոտ 3 գրամ մարիխուանայի նմանվող դեղնականաչավուն զանգված։ Նախաքննությամբ հանգամանքները պարզվում են: Ծանուցում. Ենթադրյալ հանցանքի մեջ կասկածվողը կամ մեղադրվողը […] ...
23:35 24.07.2025
Ստեղծվում է կանաչապատ սահմանագիծ՝ գերեզմանատների և բնակելի հատվածների միջևԴավթաշենի գերեզմանատան ճանապարհամերձ և բնակելի թաղամասերին մոտ գտնվող հատվածները պարսպապատվում են կանաչապատ զանգվածով: Այս մասին հայտնել են Երևանի քաղաքապետարանից: Տնկվել է շուրջ 40 ծառ, տարածքում անցկացվում է ոռոգման նոր համակարգ: Ծրագիրը շարունակական է․ առաջիկայում կանաչապատման աշխատանքներ կիրականացվեն նաև Կենտրոնական (Թոխմախի), Սպանդարյանի և Շահումյանի գերեզմանատներում։ Մանրամասները՝ տեսանյութում: ...
