13:42 06.11.2018
«Ես բազմիցս արտահայտել եմ և պնդում եմ իմ դիրքորոշումը: Որպես իրավապահ կառույցի ղեկավար, որպես ոստիկան, կարծում եմ, որ յուրաքանչյուր հանցանք կատարած անձ պետք է պատասխան տա օրենքի առջև»,- պատասխանելով լրագրողների այն հարցին, թե որպես պատանդ ինչպես է վերաբերում այն հարցին, որ «Սասնա ծռեր» խմբի անդամները կարող են ազատ արձակվել համաներման արդյունքում, ասել է ՀՀ ոստիկանապետ Վալերի Օսիպյանը:
Լրագրողների ճշտող հարցին, թե կարո՞ղ ենք ասել, որ ոստիկանապետը, ինչպես և «Սասնա ծռեր» խմբի գործողությունների արդյունքում զոհված ոստիկանների հարազատները, դեմ են համաներմանը, Օսիպյանը ընդգծել է, որ ինքը կիսում է զոհվածների հարազատների մտահոգությունն ու տեսակետը, քանի որ իրենք կորցրել են ընկերներ ու հարազատներ ու հիշեցրել, որ համաներման տեքստում նշված է, որ անպայման պետք է հաշվի առնել զոհվածների հարազատների, տուժող ճանաչվածների ու պատանդների դիրքորոշումը:
Լրագրողների այն դիտարկմանը, որ Պավլիկ Մանուկյանը հայտարարել է, թե Օսիպյանը պատանդ չի եղել, միասին նույն սեղանի շուրջ նստել, կերել, խմել են, Օսիպյանը հարցով է արձագանքել.
«Էլ բան ու գործ չունեի, 7-8 օր մնացել եմ էնտեղ, գործերս թողած, գնացել եմ, հա՞»:
Ոստիկանապետը չի թաքցրել, որ կառավարության դռնփակ նիստի ժամանակ, երբ քննարկվել է համաներման նախագիծը, ինքը անձամբ իր դիրքորոշումն արտահայտել է ու բավարարված է այն տեքստով, որն այսօր ընդունվել է:
Անդրադառնալով հասարակության մտահոգությանը, թե համաներման արդյունքում հանցավորության մակարդակը կտրուկ աճ կարձանագրի, ոստիկանապետը չի բացառել.
«Միանշանակ, ռիսկեր կան, չի բացառվում, որ մենք կունենանք կրկնահանցագործներ: Բայց ես ողջունում եմ համաներումը, համաներումն ինքնին մարդասիրական մոտեցում է: Կան մարդիկ, որոնց վարքը ՔԿՀ ադմինիստրացիան բնութագրում է դրական և նրանք, հայտնվելով դրսում, չեմ բացառում, որ ուղղվել են, շատերը ուղղված կլինեն, տա՛ Աստված, որ բոլորը ուղղված լինեն: Բայց նաև չբացառենք, որ կարող են լինել կրկնահանցագործություններ, այստեղ ռիսկեր, այո՛, կան, բայց իրավապահների, ոստիկանության առաջնային պարտականությունն է կանխարգելումը: Մենք կիրականացնենք այդ պրոֆիլակտիկ բնույթի աշխատանքները, որպեսզի նախկինում հանցագործություն կատարածները կրկին չհայտնվեն ՔԿՀ-ներում»:
17:03 01.07.2025
52-ամյա կինը գողացած հեռախոսը ներկայացրել է ոստիկանությունՀունիսի 27-ին Ոստիկանության օպերատիվ կառավարման կենտրոն զանգած քաղաքացին հայտնել էր, որ մայրաքաղաքի Երվանդ Քոչարի փողոցի սննդի կետերից մեկում գողացել են իր բջջային հեռախոսը։ Համայնքային ոստիկանության Մարաշի բաժնի ծառայողների ձեռնարկած միջոցառումների արդյունքում պարզվել է, որ արարքը կատարել է Երևանի բնակիչ 52-ամյա կինը։ Բացատրական աշխատանքի արդյունքում նա հունիսի 29-ին գողոնով հանդերձ եկել է Համայնքային ոստիկանության Մարաշի բաժին։ […] ...
16:55 01.07.2025
Թուրքիայում կփակվեն կենդանիների բոլոր շուկաներըԹուրքիայի իշխանությունները հրամայել են փակել երկրի բոլոր անասնապահական շուկաները՝ դաբաղ հիվանդության դեպքերի աճի պատճառով, երեքշաբթի օրը հաղորդել է IHA լրատվական գործակալությունը։ Ըստ լրատվամիջոցի՝ Թուրքիայի գյուղատնտեսության և անտառտնտեսության նախարարությանը կից սննդամթերքի վերահսկողության գլխավոր վարչությունը շտապ հաղորդագրություն է ուղարկել բոլոր 81 նահանգի իր ստորաբաժանումներին՝ կապված Կուրբան Բայրամից հետո (նշվել է հունիսի սկզբին) նկատված դաբաղի վարակի աճի հետ։ […] ...
16:50 01.07.2025
Երևանի պարեկները ձերբակալել են թմրամիջոցի փաթեթներ տեղադրողներիԵրևան քաղաքի պարեկները հունիսի 26-ին՝ կեսգիշերն անց, Նոր Նորքի 2-րդ զանգվածի զբոսայգիներից մեկում հայտնաբերել, թմրամիջոց ձեռք բերելու և իրացնելու կասկածանքով ձերբակալել ու Նոր Նորքի բաժին են տեղափոխել 28-ամյա և 33-ամյա երկու երիտասարդի: Նրանց անձնական խուզարկությամբ հայտնաբերվել է 7 փաթեթ՝ ընդհանուր 12 գրամից ավելի մարիխուանայի նմանվող զանգվածով: Հետագայում պարզվել է, որ 33 տարեկան տղամարդը Երևանի տարբեր […] ...
16:43 01.07.2025
Հրդեհի ահազանգ Զաքարիա Քանաքեռցու փողոցում. հայտարարվել է հրդեհի բարդության «1 ԲԻՍ» աստիճանՀուլիսի 1-ին՝ ժամը 15:44-ին, Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Զաքարիա Քանաքեռցու փողոցում։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հայտարարվել է հրդեհի բարդության «1 ԲԻՍ» աստիճան․ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս […] ...
16:38 01.07.2025
Այգեշատի բնակիչը հողամասում կանեփ էր աճեցնում, իսկ տանը՝ թմրանյութ պահումՔրեական ոստիկանության Արմավիրի մարզային վարչության ծառայողները օպերատիվ տեղեկություններ էին ստացել, որ Այգեշատ գյուղի 36-ամյա բնակիչը տնամերձ հողամասում կանեփ է աճեցնում և պահում է կանեփի չորացած մանրացված զանգված։ Նախաձեռնվել է քրեական վարույթ, որի շրջանակում հունիսի 28-ին կատարված զննությամբ այգեշատցու տնամերձ հողամասում հայտնաբերվել են կանեփի 10 բույս, իսկ տանը՝ ընդհանուր 18 գրամ կանեփանման չորացված-մանրացված զանգվածով փաթեթներ: 36-ամյա […] ...
16:33 01.07.2025
Վարչապետը ներկա է գտնվել Պետական պահպանության ծառայության կազմավորման օրվան նվիրված հանդիսավոր նիստինՎարչապետ Նիկոլ Փաշինյանը ներկա է գտնվել Պետական պահպանության ծառայության կազմավորման օրվան նվիրված հանդիսավոր նիստին: Վարչապետը շնորհավորել է ծառայության ծառայողներին տոնական օրվա առիթով և շնորհակալություն հայտնել կատարած աշխատանքի համար: «Արդեն երկու տարի Պետական պահպանության ծառայությունը գործում է որպես Վարչապետի ենթակա մարմին, և, ըստ էության, դա կառույցի ինստիտուցիոնալ զարգացման մի հերթական փուլն է»,- ասել է Նիկոլ Փաշինյանը […] ...
