14:50 21.12.2018
Երևանի քաղաքապետարանի կողմից քաղաքի տրանսպորտային համակարգի վերանայման ու բարեփոխման համար շարունակվում են բանակցություններ անգլիական ընկերություններից մեկի հետ։ Ծրագրի մշակումը մոտ է ավարտին, սակայն իրականացումը չի սկսվում, որովհետև հայկական կողմի համար դեռևս անընդունելի կետեր կան, որոնց վերաբերյալ բանակցություններ են տարվում։ Այսօրվա ասուլիսի ժամանակ SHANTNEWS.am-ի հարցին պատասխանելիս այս մասին ասաց փոխքաղաքապետ Հայկ Սարգսյանը։
Վերջին հանդիպումը ընկերության ներկայացուցիչների հետ եղել է նախորդ շաբաթ, ու հայկական կողմը ներկայացրել է փոփոխությունների ենթակա կետերը, որոնք կապված են ուղևորահոսքի գնահատված ծավալի, սակագնի և այլ հարցերի հետ։
«Այս փուլում դեռևս ծրագիրը ավարտված չէ, ծրագրի մշակման աշխատանքը։ Եվ մենք չենք ստորագրում ծրագրի ընդունումը, քանի դեռ մեր նախանշած պայմաններն ու որակական գնահատականները, այդ թվում՝ սակագնի հաշվարկի մոդելը, մեխանիզմներն ու մեթոդը, մեզ չեն հրամցվել այնքան պարզ և մատչելի, որպեսզի կարողանանք գնահատել ստացված պրոդուկտը»,- ասաց փոխքաղաքապետը։
Խոսքը, ինչպես պարզաբանեց Սարգսյանը, այն ծրագրի մասին է, որ սկսվել է նախորդ իշխանությունների օրոք։ Նա նշեց, որ անգլիական ընկերությունը խոստացել է մինչև հունվարի վերջ տրամադրել ամբողջ տեղեկատվությունը գնագոյացման և այլ հարցերի վերաբերյալ։
Նույնիսկ այդ ամենից հետո դեռ չի սկսվելու ծրագիրը։ Նրա խոսքերով՝ դեռ նախնական ու վերջնական գնահատումների փուլեր կան, որով որոշվելու են, թե մոտավորապես որքան գումար անհրաժեշտ կլինի այդ բարեփոխումներն իրականացնելու համար։ Իսկ դրանից հետո էլ դեռ միջազգային մրցույթ պետք է անցկացվի կատարող ընկերություն գտնելու համար, իսկ դա կարող է մինչև վեց ամիս տևել՝ ըստ փոխքաղաքապետի գնահատման։
Դրանից հետո էլ հաղթող կազմակերպության հետ պետք է սկսվեն բանակցությունները շարժակազմի ընտրության և այլ հարցերի վերաբերյալ։
«Միանշանակ հավաստիացնում եմ ձեզ․ եթե նույնիսկ այս պահին ունենանք պատրաստի և վերջնական ծրագիր, մեկ տարվա ընթացքում 1 միլիոն 200 հազար բնակչություն ունեցող քաղաքի տրանսպորտային ցանցի ամբողջական հիմնովին վերափոխում… դա ես կգնահատեմ ֆանտաստիկ»,- ասաց փոխքաղաքապետը։
13:25 18.08.2025
Օգոստոսի 19-ին Երկրի վրա կարող է դիտվել մագնիսական փոթորիկՕգոստոսի 19-ին Երկրի վրա սպասվում է ամսվա սկզբից ի վեր երկրորդ մագնիսական փոթորիկը, որը կարող է տևել մեկ կամ երկու օր, հայտնել են Ռուսաստանի գիտությունների ակադեմիայի Տիեզերական հետազոտությունների ինստիտուտը: «Ազդեցության գագաթնակետը կանխատեսվում է օգոստոսի 19-ին, գեոմագնիսական իրավիճակը կլինի չափազանց անկայուն», – նշել են ինստիտուտում: ...
13:10 18.08.2025
Ամփոփվել է ոչ նյութական մշակութային ժառանգության պահպանության «ՍևանաՑԱՆՑ» ծրագիրըՀՀ կրթության, գիտության, մշակույթի և սպորտի նախարարության աջակցությամբ և «Սևան» երիտասարդական ակումբ» ՀԿ-ի նախաձեռնությամբ իրականացվել է «ՍևանաՑԱՆՑ» ծրագիրը: Ծրագրի նպատակն էր ՀՀ Գեղարքունիքի մարզի համայնքներում երիտասարդության շրջանում ոչ նյութական մշակութային ժառանգության պահպանության գաղափարի տարածումը, մշակութային և բնապահպանական կրթության խթանումը: Ծրագրին մասնակցության հայտ էին ներկայացրել ՀՀ Գեղարքունիքի մարզի Գավառ, Մարտունի, Վարդենիս, Ճամբարակ և Սևան խոշորացված համայնքների […] ...
12:57 18.08.2025
Օտարազգի քաղաքացիների միջև տեղի ունեցած վիճաբանությունն ավարտվել է սպանությամբՀՀ քննչական կոմիտեի Երևան քաղաքի քննչական վարչությունում նախաձեռնված քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ օտարազգի քաղաքացին վրեժ լուծելու շարժառիթով դանակով բազմաթիվ հարվածներ է հասցրել մեկ այլ օտարերկրյա քաղաքացու մարմնի տարբեր հատվածներին՝ սպանելով նրան: Մեկ անձի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 1-ին մասով (սպանությունը): […] ...
12:44 18.08.2025
Անցած երեք օրում գրանցվել է 40 ավտովթար, 3 մարդ զոհվել է, 52-ը՝ ստացել տարբեր աստիճանի մարմնական վնասվածքներԲացահայտվել է 224 հանցագործություն, որոնցից 10-ը՝ նախկինում կատարված: Մասնավորապես՝ 33 դեպք՝ թմրանյութի հայտնաբերման, 31 դեպք՝ ֆիզիկական ներգործության, 24 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 20 դեպք՝ խարդախության, 19 դեպք՝ մարմնական վնասվածք պատճառելու, 9 դեպք՝ հոգեկան ներգործության, 7-ական դեպք՝ անձնական ունեցվածքի գողության, խուլիգանության, […] ...
12:35 18.08.2025
ՆԳՆ ՓԾ ճգնաժամային կառավարման ազգային կենտրոնում գրանցվել է 782 դեպք, որից 399-ը՝ արտակարգՕգոստոսի 11-ից 17-ը ՆԳՆ ՓԾ ճգնաժամային կառավարման ազգային կենտրոնում գրանցվել է 782 դեպք, որից 399-ը՝ արտակարգ: Մասնավորապես՝ հրդեհի՝ 318, փլուզման, քարաթափման, երկրաշարժի` 1-ական, կենսաապահովման կոմունալ համակարգերում վթարի, ուժեղ քամու, թունավորման, դժբախտ պատահարի՝ 2-ական, վայրի կենդանիների հարձակման՝ 6, ջրային տրանսպորտի մասնակցությամբ պատահարի՝ 5, որոնողափրկարարական՝ 4, կեղծ ահազանգի, ինքնասպանության փորձի՝ 10-ական, օձի նկատման՝ 28, ճանապարհատրանսպորտային պատահարի՝ 61, […] ...
12:26 18.08.2025
Այսօր հանդես կգամ Ձեզ հասցեագրված ուղերձով․ ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում հայտնել է, որ այսօր ուղերձով է հանդես գալու։ «Սիրելի ժողովուրդ, այսօր ժամը 18․00-ին հանդես կգամ Ձեզ հասցեագրված ուղերձով»,-գրել է Փաշինյանը։ ...
