19:25 06.01.2019
Գյումրիի Մոր և մանկան ավստրիական հիվանդանոցում 5 ամսական երեխայի մահվան հետ կապված մանրամասներ է հաղորդել Շիրակի մարզի դատախազ Կարեն Գաբրիելյանը:
«Դեպքը տեղի է ունեցել հունվարի 5-ին: Երեխայի մահվան պատճառը պարզելու համար նշանակվել է դատաբժշկական փորձաքննություն։ Փորձաքննության եզրակացության արդյունքներից ելնելով՝ նոր կոնկրետ գնահատական կտրվի, թե որն է եղել փոքրիկի մահվան պատճառը: Բժիշկների կողմից ենթադրյալ չարաշահումներ կատարելու կամ բացթողումներ կատարելու հարցերը պարզելու համար ևս անհրաժեշտ է փորձաքննության եզրակացություն: Երեխայի ծնողի հաղորդումը մենք ուղարկել ենք Քննչական կոմիտեի Շիրակի մարզային քննչական վարչություն՝ նյութեր նախապատրաստելու հանձնարարությամբ»,- SHANTNEWS-ի հետ ունեցած հեռախոսազրույցի ընթացքում կատարվածն այսպես է մեկնաբանել Շիրակի մարզի դատախազ Կարեն Գաբրիելյանը:
Թե ինչ կլինիկական նշաններով ու ինչ վիճակով է երեխան տեղափոխվել հիվանդանոց, ինչու է հայրը բժիշկներին մեղադրում անփութության մեջ, նախաքննության գաղտնիությունից ելնելով մանրամասներ չեն հաղորդվում։
Գյումրիի Մոր և մանկան ավստրիական հիվանդանոցի տնօրեն Աշոտ Կուրղիննյանն էլ տեղեկացրել է, որ գործը գտնվում է դատախազությունում և մեկնաբանություններ անելու անհրաժեշտություն այս պահին դեռ չկա: Իսկ հարցին, թե ինչո՞ւ է հայրը բժիշկներին մեղադրում անփութության մեջ, Աշոտ Կուրղինյանը փոխանցել է, որ բոլոր հարցերի պատասխանները կտրվեն անհրաժեշտ փորձաքննություններից հետո միայն:
Հիշեցնենք, որ երեկ Գյումրիի Մոր և մանկան ավստրիական հիվանդանոցում 5 ամսական աղջիկ երեխա է մահացել․հայրը դիմել է դատախազություն:
17:54 05.08.2025
Խաչանովը դուրս է եկել Տորոնտոյի մրցաշարի կիսաեզրափակիչՌուսաստանը ներկայացնող հայ թենիսիստ Կարեն Խաչանովը Տորոնտոյի «Մասթերսում» դուրս է եկել կիսաեզրափակիչ: Աշխարհի 16-րդ ռակետը քառորդ եզրափակչում 6-4, 7-6 հաշվով հաղթել է ԱՄՆ-ի ներկայացուցիչ Ալեքս Միկելսենին: Կիսաեզրափակչում 29-ամյա Խաչանովի մրցակիցը Ալեքսանդր Զվերևն է, որը քառորդ եզրափակչում 6-7, 6-4, 6-3 հաշվով առավելության է հասել Ավստրալիան ներկայացնող Ալեքսեյ Պոպիրինի նկատմամբ: ...
17:45 05.08.2025
«Սևան» քրեակատարողական հիմնարկի ծառայողները հայտնաբերել են անօդաչու թռչող սարքի միջոցով ներնետված արգելված իրերՀՀ արդարադատության նախարարության «Սևան» քրեակատարողական հիմնարկի անվտանգության ապահովման բաժնի ծառայողները հերթական շրջայցի ժամանակ լսել են առարկայի վայր ընկնելու ձայն և անմիջապես իրականացրել տեղանքի զննություն։ Արդյունքում՝ մասնաշենքերից մեկի հետնամասում հայտնաբերվել է մետաղյա կախիչով ամրացված պլաստմասե տարա, որը հիմնարկի տարածք ներնետվել էր անօդաչու թռչող սարքի միջոցով։ Տարայում առկա են եղել բջջային հեռախոս և 2 USB լար։ Դեպքի […] ...
17:34 05.08.2025
Տարածքային կառավարման, սահմանամերձ համայնքներում բնակարանային ապահովման ծրագրերն օրենսդրական աշխատանքների առանցքում ենՀՀ ԱԺ տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովն 8-րդ գումարման 9-րդ նստաշրջանի ընթացքում գումարել է 6 հերթական, 1 արտահերթ նիստ: Մանրամասները` ԱԺ տեսանյութում: ...
17:21 05.08.2025
57-ամյա տղամարդու տան բակում հայտնաբերվել է կանեփի 83 թուփՀամայնքային ոստիկանության Թումանյանի բաժնում օպերատիվ տեղեկություններ էին ստացվել, որ Շնող գյուղի 57-ամյա բնակիչը տան բակում կանեփ է աճեցնում: Տարածքային քննչական բաժնում նախաձեռնվել է քրեական վարույթ, որի շրջանակում իրականացված զննությամբ հայտնաբերվել է կանեփի 83 թուփ: 57-ամյա տղամարդը խոստովանել է, որ կանեփն ինքն է աճեցրել։ Դեպքի հանգամանքները նախաքննությամբ պարզվում են: Ծանուցում. Ենթադրյալ հանցանքի մեջ կասկածվողը կամ մեղադրվողը […] ...
17:11 05.08.2025
Նախագահը ելույթ է ունեցել Դեպի ծով ելք չունեցող երկրների երրորդ համաժողովումԹուրքմենստանի Թուրքմենբաշի քաղաքում Հանրապետության նախագահ Վահագն Խաչատուրյանը մասնակցել է Դեպի ծով ելք չունեցող երկրների երրորդ համաժողովի պաշտոնական բացման հանդիսավոր արարողությանը։ Պատվիրակությունների ղեկավարների ընդունելության և պաշտոնական լուսանկարահանման արարողությունից հետո մեկնարկել է համաժողովի պլենար նիստը, որի ընթացքում ելույթով հանդես է եկել նախագահ Վահագն Խաչատուրյանը։ Նախագահի ելույթը. «Անչափ ուրախ եմ այսօր դիմել ձեզ այս պատմական ու նշանակալից պահին, […] ...
