23:46 06.02.2019
Ինչպես հայտնի է, կառավարության այօրվա որոշմամբ Հայկ Չոբանյանը նշանակվեց Տավուշի մարզպետ:
Ադրբեջանի հետ 300 կմ սահման ունեցող մարզի նորանշանակ մարզպետից SHANTNEWS.am-ը հետաքրքրվել է, թե ինչ ծրագրեր է նա իրականացնելու սահամնամերձ համայնքներում.
«Մենք չենք ռեալիզացրել սահմանապահ բնակավայրերի հարկային արտոնությունների կիրառման խնդիրը, որտեղ մենք ունենք ընդամենը մի քանի հաջողված օրինակներ: Բայց դա պետք է դառնա մասսայական շարժում: Այսօրվանից մենք սկսում ենք մասսայական շարժում դեպի սահմանամերձ բնակավայրեր՝ օգտվելով սահմանամերձ բնակավայրերի հարկային արտոնությունների ինստիտուտից, որը մեր երկիրը, մեր պետությունն, ըստ էության, տվել է արդեն»,- ասել է Հայկ Չոբանյանը:
Ըստ Տավուշի մարզի նորանշանակ մարզպետի՝ սահմանամերձ բնակավայրերի առավելություններից է նաև բանակի ներկայությունը հենց համայնքում.
«Բանակն ինքը բավականին խոշոր պետական սպառող է, և մենք պետք է այնպես անենք, որ համայնքներն առավելագույն մասնակցություն ունենան բանակի սպասարկման կամ պահպանման աշխատանքներին: 3-րդն այն է, որ սահմանամերձ բնակավայրերը մշակութային լուրջ առավելություն ապահովող միջավայր են: Նայեք, վերջերս ես մասնակցել եմ բանակի օրվան նվիրված միջոցառման և՛ Բերդավան գյուղում, և՛ Երևանում, ասեմ ձեզ, որ դրանք իրարից տարբեր մշակութային միջոցառումներ են: Ի տարբերություն Երևանի, որտեղ մենք ընդամենը տարբեր երգերի, երաժշտության կամ մշակույթի միջոցով ներկայացնում ենք թե ինչ ունենք և ինչպես ենք շնորհավորում մեր բանակին՝ Բերդավան գյուղում ապրող երեխան իր առօրյան է ներկայացնում մշակույթի միջոցով: Մենք այսօր սահմանամերձ և սահմանապահ գյուղերում ունենք բնականից ձևավորված հայրենասիրական և հայրենապաշտական միջավայր, որը պետք է կարողանանք տարածել ամբողջ հանրապետության վրա՝ մշակութային առումով: Ես սա ևս առ այսօր ռեալիզացված չէ»,- ասել է մարզպետը՝ հավելելով, որ սահմանամերձ բնակավայրերի երեխաները ծնված օրվանից են զինվոր, այդ մշակույթը կրում են իրենց մեջ և նրանց միջոցով մենք պետք է այն տարածենք ամբողջ Հայաստանում:
20:25 04.07.2025
Axios. Թրամփը և Զելենսկին քննարկել են Կիևին ՀՕՊ համակարգերի մատակարարումըԱՄՆ նախագահ Դոնալդ Թրամփը և Վլադիմիր Զելենսկին հեռախոսազրույցի ընթացքում քննարկել են Ուկրաինային ՀՕՊ համակարգերի մատակարարումը։ Այս մասին X-ում հայտնել է ամերիկյան Axios ինտերնետային պորտալի լրագրող Բարակ Ռավիդը։ Նրա աղբյուրների փոխանցմամբ՝ զրույցը տեղի է ունեցել հուլիսի 4-ի առավոտյան՝ Արևելյան ափի ժամանակով, և տևել է մոտ 40 րոպե։ Բրիտանական Financial Times թերթը հուլիսի 3-ին, հղում անելով աղբյուրներին, […] ...
20:15 04.07.2025
Շվյոնտեկը կամային հաղթանակով դուրս է եկել երրորդ շրջան․ ՈւիմբլդոնԼեհ թենիսիստուհի Իգա Շվյոնտեկը դուրս է եկել «Մեծ սաղավարտի» տարվա երրորդ մրցաշարի՝ «Ուիմբլդոնի» երրորդ շրջան: Երկրորդ շրջանում աշխարհի չորրորդ ռակետը կամային հաղթանակ է տարել ամերիկուհի Քեթի Մըքնեյլիի դեմ մրցախաղում (5-7, 6-2, 6-1): Շվյոնտեկի հաջորդ մրցակիցը կլինի աշխարհի 54-րդ ռակետ, ամերիկուհի Դանիել Քոլինզը: ...
20:07 04.07.2025
Սրբուհի Գալյանը մասնակցել է «ՀԸԳՀ. Հեռանկարի և գործողությունների միջև կապի ամրապնդում» խորագրով աշխատաժողովինԱրդարադատության նախարար Սրբուհի Գալյանը ելույթով է հանդես եկել Ազգային ժողովի Եվրոպական ինտեգրման հարցերի մշտական հանձնաժողովի նախաձեռնությամբ կազմակերպված՝ «ՀԸԳՀ. Հեռանկարի և գործողությունների միջև կապի ամրապնդում» խորագրով աշխատաժողովին, որին մասնակցում էին նաև Փոխվարչապետ Մհեր Գրիգորյանը, Ներքին գործերի նախարար Արփինե Սարգսյանը, ԱԺ Եվրոպական ինտեգրման հարցերի մշտական հանձնաժողովի նախագահ Արման Եղոյանը և Հայաստանում ԵՄ պատվիրակության ղեկավար Վասիլիս Մարագոսը, այս […] ...
19:54 04.07.2025
Ֆուտզալի Հայաստանի ազգային հավաքականն ընկերական հանդիպումներ կանցկացնի Իսպանիայի ընտրանու հետՀայաստանի ֆուտզալի ազգային հավաքականը սեպտեմբերին երկու ընկերական հանդիպում կանցկացնի Իսպանիայի հավաքականի հետ: Այս մասին տեղեկացնում է ՀՖՖ-ի պաշտոնական կայքը։ Հանդիպումները կկայանան Պամպլոնայում և Տուդելայում՝ սեպտեմբերի 19-ին և 21-ին: Այս հանդիպումներով Հայաստանի հավաքականը կսկսի նախապատրաստությունը ֆուտզալի Եվրոպայի առաջնությանը, որը կկայանա 2026 թ. հունվարի 20-ից փետրվարի 7-ը: Հիշեցնենք, որ Իսպանիան ֆուտզալի աշխարհի և Եվրոպայի բազմակի չեմպիոն է: ...
19:47 04.07.2025
Էլեկտրական կշեռք, մի քանի հարյուր զիպ փականով փաթեթ, մի քանի տասնյակ փաթեթ մարիխուանա․ ձերբակալվածը թմրամիջոց տեղադրող էրՀամայնքային ոստիկանության Ախուրյանի բաժնի ծառայողները մայիսի 18-ին Ազատան գյուղի վարչական տարածքի ռեստորանային համալիրներից մեկի մոտ հայտնաբերել, թմրանյութ պահելու, օգտագործելու և իրացնելու հիմնավոր կասկածանքով ձերբակալել և բաժին էին տեղափոխել Երևան քաղաքի բնակիչ 35-ամյա մի տղամարդու: Նրա անձնական խուզարկությամբ հայտնաբերվել էր ընդհանուր 42 գրամից ավելի թմրանյութի նմանվող զանգվածով փաթեթներ: Պարզվել էր, որ տղամարդը վաճառելու նպատակով տելեգրամյան ալիքից […] ...
