15:06 25.03.2019
Կապսի ջրամբարի շինարարությունը կմեկնարկի 2020-ին: Այս մասին SHANTNEWS-ին ասել է Շիրակի մարզպետարանի քաղաքաշինության վարչության պետ Ալբերտ Մարգարյանը: Կապսի ջրամբարի վերականգնումը նախատեսվում է 2 փուլով: Առաջին փուլում ջրամբարը վերականգնվելու է 25 մլն խորանարդ մետր ծավալով: Երկրորդ փուլում նախատեսվում է ծավալները մեծացնել մինչև 60 մլն խորանարդ մետր: Ջրամբարի ծավալների մեծացման ծրագրերն առաջ են բերել հարևանությամբ գտնվող Ջրաձոր գյուղի տեղափոխության հարցը, որն այժմ քննարկման փուլում է:
«Կապսի ջրամբարի վերականգնման երկրորդ փուլում, եթե ծավալները հասցվեն 60 մլն խորանարդ մետրի, Ջրաձորը չպետք է մնա իր տեղում: Արդեն գույքագրում ենք կատարել: Ջրաձոր գյուղում կա 72 ընտանիք, նրանցից 31-ին նկատմամբ պետությունը պարտավորություններ ունի: Շիրակի մարզի 12 գյուղերում 162 անօթևան կա, որոնցից 31-ը` Ջրաձոր գյուղում: Բայց մենք հիմա 31 անօթևան ընտանիքի բնակարանային հարցը դիտարկում ենք ամբողջ գյուղի 72 ընտանիքի հետ միասին: Մի քանի տարբերակ է քննարկվում: Արդյո՞ք պետք է նոր գյուղ կառուցվի, թե՞ ընտանիքին գումարային փոխհատուցում կտրամադրվի, և նրանք այլ բնակավայրերում տուն կգնեն: Երկրորդ տարբերակի դեպքում, ստացվում է, որ Ջրաձոր գյուղը կկորի: Դրա համար էլ ավելի հակված ենք նոր գյուղ կառուցելու տարբերակին: Արդեն ունենք ավագանու որոշումն այն մասին, որ համաձայն են գյուղի տեղափոխությանը: Իսկ ինչ վերաբերում է Կապսի ջրամբարի վերականգնմանը, ապա ակնկալվում է, որ այս տարվա վերջին նախագիծն ավարտված կլինի, կապալառու կազմակերպության մրցույթն ավարտված կլինի, և 2020 թվականի սկզբին արդեն իսկ կսկսվեն շինարարական աշխատանքները»,- SHANTNEWS-ին ասել է Ալբերտ Մարգարյանը:
1980-ականների սկզբին Կապսի ջրամբարի կառուցման ժամանակ ևս Ջրաձոր գյուղի տեղափոխության հարցը դրված է եղել: Նույնիսկ նոր գյուղի համար տարածք է հատկացվել, նոր կառուցված տների շինարարությունն անավարտ է մնացել: Հիմա արդեն, եթե Կապսի ջրամբարի վերականգնումը երկրորդ փուլին հասնի, նոր գյուղի համար ուրիշ տարածք է հատկացվելու: Տարածքի ընտրության հարցում բնակիչների հետ համաձայնության են եկել:
09:00 05.07.2025
Թրամփը չի բացառել, որ կարող է այցելել ՉինաստանԱմերիկայի առաջնորդ Դոնալդ Թրամփը խոստովանել է, որ կայցելի Չինաստան, ինչպես նաև ենթադրել է, որ Չինաստանի նախագահ Սի Ծինփինը կայցելի Միացյալ Նահանգներ։ «Ինձ հրավիրեցին գնալ այնտեղ։ Սի Ծինփինը հարցրեց, թե արդյոք ես կգնամ։ Եվ նա նույնպես կարող է գալ այստեղ՝ ԱՄՆ։ Մենք լավ ենք շփվում», – լրագրողներին ասել է Թրամփը Նյու Ջերսի մեկնող իր ինքնաթիռում։ Թրամփը […] ...
21:50 04.07.2025
Մեկ օր՝ բարձրաստիճան զինվորականի հետ․ ՊՆՄեկ օր՝ բարձրաստիճան զինվորականի հետ. բանակային կորպուսի հրամանատար, գնդապետ Սիմոն Նազարյան: ՀՀ ՊՆ-ը տեսանյութ է ներկայացրել։ ...
21:45 04.07.2025
Ռուսաստանում իրավապահները մեղադրանքներ են առաջադրում նաև Իլհամ Ալիևի մտերիմ օլիգարխներինԲաքվի ու Մոսկվայի միջև լարվածության ֆոնին Ռուսաստանում շարունակվում են ադրբեջանցիների ձեռբակալությունները: Իրավապահները մեղադրանքներ են ուղղում արդեն ոչ միայն անօրինական միգրանտներին, այլև՝ Իլհամ Ալիևին մտերիմ օլիգարխներին: Հայտնի անուններ կա՞ն ձերբակալվածների թվում: Թեմային՝ «Հորիզոնի» տաղավարում անդրադարձել է Արտյոմ Երկանյանը. «Առաջին հերթին, իհարկե, ձերբակալությունները տարածվում են քրեական հեղինակությունների վրա: Մոսկվայում, Սանկտ Պետերբուրգում, Եկատերինբուրգում, Օրենբուրգում ու այլ քաղաքներում ազգությամբ […] ...
21:40 04.07.2025
Կենտրոն վարչական շրջանում ստեղծվել են նոր, անվտանգ և ժամանակակից խաղահրապարակներԵրևանի քաղաքապետ Տիգրան Ավինյանը Ֆեյսբուքյան իր էջում տեսանյութ է հրապարակել և գրել է. «Կենտրոն վարչական շրջանում ստեղծել ենք նոր, անվտանգ և ժամանակակից խաղահրապարակներ՝ նախատեսված մեր երեխաների անհոգ ժամանցի համար։ Խաղասարքերը պատրաստված են էկոլոգիապես մաքուր և բարձրորակ նյութերից, չեն գունաթափվում արևի ազդեցությունից և չեն դեֆորմացվում ջերմաստիճանի տատանումներից: Ստեղծելով նոր խաղային միջավայր՝ մենք ապահովում ենք, որ երեխաները […] ...
21:30 04.07.2025
Վրաստանի նախագահը ներկայացրել է ընդդիմության անդամներին ներում շնորհելու պայմաններըՎրաստանի նախագահ Միխեիլ Կավելաշվիլին հայտարարել է, որ ներում կշնորհի խորհրդարանական հանձնաժողովի նիստին չներկայանալու համար դատապարտված ընդդիմության առաջնորդներին, եթե նրանք հայտարարեն հոկտեմբերի 4-ին նախատեսված տեղական ինքնակառավարման մարմինների ընտրություններին մասնակցելու մտադրության մասին։ «Ինչպես հայտնի է, մի քանի քաղաքական կուսակցությունների կոնկրետ առաջնորդներ իրենց պատիժը կրում են Վրաստանի օրենսդրության համաձայն՝ քրեակատարողական հիմնարկում։ Հաշվի առնելով այս հանգամանքը՝ առաջարկում եմ, որ […] ...
