10:40 26.03.2019
ԱԺ «Բարգավաճ Հայաստան» խմբակցության անդամ Գևորգ Պետրոսյանը խորհրդարանում ներկայացրեց իր համահեղինակությամբ մշակված օրենքի նախագիծը, որ վերաբերում էր գործատուների իրավաչափ շահերի պաշտպանությանը: Ըստ գործող օրենքի՝ եթե աշխատողը ողջ աշխատանքային օրվա ընթացքում առանց հարգելի պատճառի չի ներկայանում աշխատանքի, գործատուն իրավունք ունի աշխատանքից ազատել նրան: Պետրոսյանը նշեց՝ պրակտիկայում եղել են դեպքեր, երբ աշխատողները ոչ թե չեն ներկայացել, այլ ներկայացել են, բայց հրաժարվել են իրենց պարտավորությունները կատարել՝ առանց հիմնավոր պատճառի:
«Մեր առաջարկը վերաբերում է դրան, որ դրան հավասարեցվի այն վիճակը, երբ աշխատողը ներկայանում է, բայց չարամտորեն հրաժարվում է կատարել իր պարտականությունները, իհարկե, նախնական գրավոր բացատրություն ստանալով: Պետք չէ վիրավորանք որոնել, ես, երբ պետք է վիրավորել, վիրավորում եմ, բայց երբ չեմ վիրավորում, ավելորդ ինտրիգ պետք չէ կառուցել: Մեր և ձեր վարչապետը խոսում է տնտեսություն զարգացնելու մասին, հնարավոր չէ տնտեսությունը զարգացնել՝ գործատուների իրավաչափ շահերն անտեսելով: Հերիք չէ՝ կառավարությունը նախաձեռնությամբ հանդես չի գալիս, մեր նախաձեռնություններին էլ պոզ ու պոչ են կպցնում»,- ասաց նա:
Պետրոսյանը կոչ արեց՝ կառավարության բացասական եզրակացությունը ստացած նախագծերը քննարկման դնել ԱԺ-ում, այդ կերպ բացը լրացնել:
ԱԺ «Իմ քայլը» խմբակցության անդամ Նարեկ Զեյնալյանը ներկայացրեց գործող Աշխատանքային օրենսգիրքը, նշեց՝ որ դեպքերում է այն հիմքեր տալիս գործատուի կողմից պայմանագրի լուծման համար, ներկայացրեց նաև առաջարկվող նախագիծն ու դրան դեմ քվեարկելու հիմքերը նշեց:
Գևորգ Պետրոսյանը, վարման կարգով ելույթ ունենալով, նախ նշեց. «Կարծում եմ՝ պարոն Ռուբինյանը չի նեղանա», ապա անդրադարձավ նախագծին դեմ արտահայտված գործընկերոջը:
«Ես շատ եմ հարգում պարոն Զեյնալյանին, բայց այստեղ էլ բացարձակապես խնդրի հետ կապ չունեցող հոդվածին է հղում անում: Ես ձեր մատնանշած հեռուստաընկերությունում, ձեր մատնանշած հաղորդման շրջանակում բանավեճի առաջարկ եմ անում»,- ասաց նա:
ԱԺ «Իմ քայլը» խմբակցության անդամ Հերիքնազ Տիգրանյանն արձագանքեց.
«Մենք պարտավոր չենք հետևել ֆեյսբուքյան հարթակներին, սա քննարկման ամենալավ հարթակն է»:
Նախագծին դեմ քվեարկեցին: Ձայների հարաբերակցությունը հետևյալն է. կողմ՝ 41, դեմ՝ 75, ձեռնպահ՝ 2:
13:48 05.07.2025
40-ամյա կինը հետախուզվում էր խարդախության մեղադրանքով․ խափանման միջոցը՝ կալանքՀամայնքային ոստիկանության Բազումի բաժնի ծառայողների ձեռնարկած օպերատիվ-հետախուզական միջոցառումների արդյունքում հուլիսի 3-ին Վանաձորի Տիգրան Մեծի փողոցում հայտնաբերվել և բաժին է ներկայացվել 40-ամյա մի կին, որը Քրեական ոստիկանության Շիրակի մարզային վարչության կողմից հետախուզվում էր խարդախության մեղադրանքով. խափանման միջոցը՝ կալանք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական […] ...
13:34 05.07.2025
Առաջիկա օրերի եղանակային կանխատեսումըՀանրապետության տարածքում հուլիսի 5-ի ցերեկը, 6-ին գիշերը և կեսօրից հետո, 7-10-ին կեսօրից հետո, առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հուլիսի 5-ին առանձին հատվածներում անձրևները կլինեն հորդառատ։ Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 19-23 մ/վ արագությամբ։ Օդի ջերմաստիճանը հուլիսի 5-ի ցերեկը կնվազի 1-3 աստիճանով, հուլիսի 6-10-ին՝աստիճանաբար […] ...
13:20 05.07.2025
Իրավունքի գերակայությունը մեր պետական կյանքի կազմակերպման առանցքն է. նախագահի շնորհավորական ուղերձը Սահմանադրության օրվա առթիվՀանրապետության նախագահ Վահագն Խաչատուրյանը մասնակցել է ՀՀ Սահմանադրության 30-ամյակին և պետական խորհրդանիշերի օրվան առթիվ կազմակերպված հանդիսավոր միջոցառմանը: Միջոցառման մեկնարկին Հանրապետության նախագահը հանդես է եկել շնորհավորական ուղերձով. «Սրտանց շնորհավորում եմ բոլորիս մեր պետության հիմնարար իրավական փաստաթղթի՝ Հայաստանի Հանրապետության Սահմանադրության 30-ամյակի կապակցությամբ: 1995 թվականին կայացած հանրաքվեով մեր ժողովուրդը հաստատեց այն Սահմանադրությունը, որը պետք է դառնար պետականության զարգացման, […] ...
13:11 05.07.2025
Սահմանադրությամբ մեր երկիրն ընտրեց անկախության, ժողովրդավարության և իրավական պետության ուղին. Տիգրան ԱվինյանԵրևանի քաղաքապետ Տիգրան Ավինյանը շնորհավորական ուղերձ է հղել Սահմանադրության օրվա առթիվ: «Այսօր նշում ենք Հայաստանի Հանրապետության Սահմանադրության 30-ամյակը՝ պետության հիմնարար օրենքի, որը սահմանում է մեր երկրի կառավարման համակարգը, քաղաքացիների իրավունքներն ու ազատությունները, և հաստատում է իրավունքի գերակայությունը։ 1995 թվականին ընդունված Սահմանադրությամբ մեր երկիրն ընտրեց անկախության, ժողովրդավարության և իրավական պետության ուղին։ Երևանի քաղաքապետարանն իր գործունեության բոլոր […] ...
13:00 05.07.2025
«Չելսին» ԱԱԱ-ի կիսաեզրափակչի երկրորդ մասնակիցն է«Չելսին» աշխարհի ակումբային առաջնության կիսաեզրափակչի երկրորդ մասնակիցն է։ Լոնդոնյան ակումբը քառորդ եզրափակչում 2-1 հաշվով հաղթել է «Պալմեյրասին»։ Կիսաեզրափակիչում Էնցո Մարեսկայի գլխավորած թիմը կհանդիպի բրազիլական մեկ այլ ակումբի` «Ֆլումինենսեի» հետ։ Հանդիպումը կկայանա հուլիսի 8-ին։ ...
12:50 05.07.2025
Աշտարակի համայնքային ոստիկանները բնակարանային գողության դեպք են բացահայտել․ մեկ անձ ձերբակալվել էԳողության վերաբերյալ հաղորդումը Համայնքային ոստիկանության Աշտարակի բաժնում գրանցվել էր մարտի 24-ին. արտերկրում բնակվող 36-ամյա տղամարդու Արագածոտն գյուղում գտնվող տնից գողացել էին ջրի պոմպեր և մալուխ: Գողության փաստով Արագածոտնի մարզային քննչական վարչությունում նախաձեռնվել էր քրեական վարույթ: Քրեական ոստիկանության Արագածոտնի մարզային վարչության ծառայողների ձեռնարկած օպերատիվ-հետախուզական միջոցառումների և քրեադատավարական գործողությունների արդյունքում պարզվել է, որ գողությունը կատարել է նույն […] ...
