19:15 11.04.2019
Իտալիայի Պատգամավորների պալատն ապրիլի 10-ին ընդունել է բանաձև, որով երկրի կառավարությանը կոչ է արվում միջազգային հնչեղություն տալ Հայոց ցեղասպանությանը։ Այս բանաձևը որոշ շփոթմունքի առարկա էր դարձել, քանի որ 2000թ. Իտալիայի Պատգամավորների պալատն ընդունել է Հայոց ցեղասպանությունը։ ՀՅԴ Հայ դատի Եվրոպայի գրասենյակի հաղորդակցության պատասխանատու Հարութ Շիրինյանը SHANTNEWS.am-ի հետ զրույցում անդրադարձավ այդ տարակարծություններին և որոշ մանրամասներ ներկայացրեց բանաձևից:
«Իտալիայի խորհրդարանը, այո´, 2000թ. Հայոց ցեղասպանությունը պաշտոնապես ճանաչել է: Մենք առ այսօր Իտալիան ներկայացնում էինք Հայոց ցեղասպանությունը ճանաչած պետությունների շարքում, երեկվա բանաձևը Հայոց ցեղասպանության ճանաչման բանաձև չէր ուղղակի, երեկվա բանաձևի ամենակարևոր նպատակն այն է, որ Իտալիայի խորհրդարանը կառավարությանը կոչ էր անում՝ կառավարությունը ևս ճանաչի Հայոց ցեղասպանությունը: Կարող ենք նաև այս մեկը ներկայացնել իբրև Ցեղասպանության դե ֆակտո ճանաչման վերահաստատում, բայց ամենակարևոր կետը բանաձևում այն էր, որ խորհրդարանը Կառավարությանը կոչ է ուղղում, որ Հայոց ցեղասպանությունը ճանաչի և այդ մասին բարձրաձայնի միջազգային առումով: Նաև կարևոր կետ կա բանաձևի մեջ, որ Թուրքիային է ուղղված, պահանջվում է Թուրքիայից՝ ճանաչել և դատապարտել Հայոց ցեղասպանության իրողությունը»,- ասաց նա:
Շիրինյանը հայտնեց, որ նախաձեռնությունը եկել է Իտալիայի ամենամեծ կուսակցությունների պատգամավորներից՝ թե´ ընդդիմադիր, թե´ իշխանամետ: ՀՅԴ Հայ դատի Եվրոպայի գրասենյակի հաղորդակցության պատասխանատուն նշեց՝ հիմքեր կան կարծելու, որ կառավարությունը պետք է ընդունի այս կոչը, քանի որ հենց իշխող կուսակցությունից է այս նախաձեռնությունը գալիս, պատգամավորների բացահայտ մեծամասնությունը կողմ քվեարկեց, այսինքն՝ սա միասնական կոչ է խորհրդարանից կառավարությանը:
«Առաջին անգամ չէ, որ խորհրդարանը կառավարությանը նման կոչով է դիմում, սակայն այս անգամ նրանով է տարբեր, որ իշխանության կուսակցությունները դիմեցին և առաջարկեցին բանաձևը: Քվեարկության արդյունքը հստակ է, և դա մեծ ճնշում կարող է գործադրել, որ այս անգամ կառավարությունն ընդունի:
Ավելացնեմ նաև, քանի որ իշխանության կուսակցությունները նախաձեռնեցին, դա կարող է լավ նշաններ փոխանցել, որ կառավարությունը պիտի ընդունի, մանավանդ որ հաշվի առնենք իշխող կուսակցության ղեկավար Սալվինիի վերաբերմունքը ընդհանրապես Թուրքիայի և Էրդողանի հանդեպ, այսինքն՝ մենք հաջորդ շաբաթներին կամ ամիսներին կարծում ենք և լավատես ենք, որ Իտալիայի կառավարությունը պաշտոնապես կճանաչի Հայոց ցեղասպանությունը»,- նշեց նա:
17:14 01.07.2025
Առաջարկվում է ձևավորվել ՀՀ Արմավիրի մարզի Վաղարշապատ համայնքային փունջըՕրենսդրական առաջարկով նախատեսվում է ձեւավորվել Արմավիրի մարզի Վաղարշապատ համայնքային փունջը, որը ներառում է ներկայիս Վաղարշապատ եւ Խոյ համայնքները՝ վերջիններիս կազմում ընդգրկված 19 բնակավայրով: Առաջարկվող ծրագրում ներգրավված են լինելու 2 համայնք, 19 բնակավայր, որոնց միավորման արդյունքում ձեւավորվելու է մեկ խոշորացված համայնք: Այս քայլով Կառավարությունն ապահովում է վարչատարածքային բարեփոխումների հետագա ընթացքը, ինչին կհաջորդի լիազորությունների ապակենտրոնացման գործընթացը: ՀՀ […] ...
17:09 01.07.2025
Խոշտանգումների կանխարգելման գործիքակազմերը՝ միջազգային չափանիշներին համապատասխան․ ՆԳՆ փոխնախարարը մասնակցել է Խոշտանգումների զոհերի աջակցության օրվան նվիրված քննարկմանըՆերքին գործերի նախարարի տեղակալ Արմեն Մկրտչյանը հունիսի 26-ին մասնակցել է Մարդու իրավունքների պաշտպանի նախաձեռնած՝ Խոշտանգումների զոհերի աջակցության օրվան նվիրված քննարկմանը։ ՄԻՊ Անահիտ Մանասյանը կարևորել է նման ձևաչափով քննարկումները և ընդգծել, որ բոլոր դերակատարների ակտիվ և հետևողական ներգրավվածությունը կարևոր նախապայման է ոլորտում առկա խնդիրները լուծելու և համակարգային բարեփոխումներ իրականացնելու նպատակով։ ՆԳ նախարարի տեղակալ Արմեն Մկրտչյանը նշել […] ...
17:03 01.07.2025
52-ամյա կինը գողացած հեռախոսը ներկայացրել է ոստիկանությունՀունիսի 27-ին Ոստիկանության օպերատիվ կառավարման կենտրոն զանգած քաղաքացին հայտնել էր, որ մայրաքաղաքի Երվանդ Քոչարի փողոցի սննդի կետերից մեկում գողացել են իր բջջային հեռախոսը։ Համայնքային ոստիկանության Մարաշի բաժնի ծառայողների ձեռնարկած միջոցառումների արդյունքում պարզվել է, որ արարքը կատարել է Երևանի բնակիչ 52-ամյա կինը։ Բացատրական աշխատանքի արդյունքում նա հունիսի 29-ին գողոնով հանդերձ եկել է Համայնքային ոստիկանության Մարաշի բաժին։ […] ...
16:55 01.07.2025
Թուրքիայում կփակվեն կենդանիների բոլոր շուկաներըԹուրքիայի իշխանությունները հրամայել են փակել երկրի բոլոր անասնապահական շուկաները՝ դաբաղ հիվանդության դեպքերի աճի պատճառով, երեքշաբթի օրը հաղորդել է IHA լրատվական գործակալությունը։ Ըստ լրատվամիջոցի՝ Թուրքիայի գյուղատնտեսության և անտառտնտեսության նախարարությանը կից սննդամթերքի վերահսկողության գլխավոր վարչությունը շտապ հաղորդագրություն է ուղարկել բոլոր 81 նահանգի իր ստորաբաժանումներին՝ կապված Կուրբան Բայրամից հետո (նշվել է հունիսի սկզբին) նկատված դաբաղի վարակի աճի հետ։ […] ...
16:50 01.07.2025
Երևանի պարեկները ձերբակալել են թմրամիջոցի փաթեթներ տեղադրողներիԵրևան քաղաքի պարեկները հունիսի 26-ին՝ կեսգիշերն անց, Նոր Նորքի 2-րդ զանգվածի զբոսայգիներից մեկում հայտնաբերել, թմրամիջոց ձեռք բերելու և իրացնելու կասկածանքով ձերբակալել ու Նոր Նորքի բաժին են տեղափոխել 28-ամյա և 33-ամյա երկու երիտասարդի: Նրանց անձնական խուզարկությամբ հայտնաբերվել է 7 փաթեթ՝ ընդհանուր 12 գրամից ավելի մարիխուանայի նմանվող զանգվածով: Հետագայում պարզվել է, որ 33 տարեկան տղամարդը Երևանի տարբեր […] ...
16:43 01.07.2025
Հրդեհի ահազանգ Զաքարիա Քանաքեռցու փողոցում. հայտարարվել է հրդեհի բարդության «1 ԲԻՍ» աստիճանՀուլիսի 1-ին՝ ժամը 15:44-ին, Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Զաքարիա Քանաքեռցու փողոցում։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հայտարարվել է հրդեհի բարդության «1 ԲԻՍ» աստիճան․ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս […] ...
