21:58 11.04.2019
Դպրոցների տնօրենների թափուր պաշտոնների համար հայտարարված մրցույթները հայտնվել են հասարակության ուշադրության կենտրոնում, դրանցից շատերը նույնիսկ անցնում են լարված ու մրցակցային թեժ պայքարով: Երբեմն դպրոցների կառավարման խորհուրդների անդամները բարձրաձայնում են մրցույթները խախտումներով և ոչ օբյեկտիվ անցկացնելու մասին: Այս ամենը հաշվի առնելով՝ Կրթության և գիտության նախարարությունն արմատապես փոխել է դպրոցների տնօրենների մրցույթների անցկացման կարգը:
«Տնօրենների նշանակման և ընտրության կարգը փոփոխվել է և հիմա արդեն շրջանառության մեջ է դրվել գերատեսչություններից կարծիքներ ստանալու նպատակով: Ամբողջ տրամաբանությունը եթե հակիրճ բացատրեմ, կայանում է նրանում, որ տնօրենի ընտրության գործընթացում մեծացել է մանկավարժական կոլեկտիվի և ծնողական համայնքի դերակատարությունը»,- նշել է ԿԳՆ հանրակրթության վարչության պետ Աշոտ Արշակյանը:
Նախարարության պատասխանատուն նաև նշել է, որ փոփոխվել է նաև դպրոցների կառավարման խորհուրդների կազմը, նախկին 8 անդամի փոխարեն նոր խորհուրդները կունենան 9 անդամ և 3-ական տեղ հատկացվելու է մանկավարժական և ծնողական խորհուրդներին:
«Նախքան մրցույթը հավակնորդը պետք է հանդիպում-քննարկում ունենա մանկավարժական և ծնողական խորհուրդների հետ, ծնողական խորհուրդները պետք է կատարեն իրենց ընտրությունը և իրենց ձայնը փոխանցեն մրցութային հանձնաժողովին: Գաղափարը կայանում է նրանում, որ մանկավարժական և ծնողական հանրույթը տնօրենի ընտրության ժամանակ կունենա որոշիչ դեր», – պարզաբանել է Աշոտ Արշակյանը:
Նոր կարգով կարևորվում է նաև աշակերտական հանրույթի ձայնը, չնայած այն հանգամանքին, որ կառավարման խորհուրդների կազմում աշակերտներն ընդգրկված չեն:
«Եվս մեկ փոփոխություն ենք կատարել և պարտադիր պայման ենք սահմանել, որ հավակնորդները մինչև իրենց զարգացման ծրագիրը գրելը պետք է պարտադիր հանդիպեն աշակերտների և աշակերտական խորհրդի հետ և միայն նրանց հետ զրուցելուց հետո նոր գրեն ու ներկայացնեն իրենց զարգացման ծրագիրը»,- ասել է ԿԳՆ հանրակրթության վարչության պետը:
Աշոտ Արշակյանը նաև նշել է, որ դպրոցներում կառավարման խորհուրդը բարձրագույն մարմին է, որտեղ հաշվի է առնվում և՛ մանկավարժական, և՛ ծնողական խորհուրդների, և՛ լիազոր մարմինների ներկայացուցիչների ձայները, այսինքն՝ բոլոր շահագրգիռ կողմերը ներկայացված են, և այս փոփոխությունների նպատակը տնօրենների մրցույթները հնարավորինս թափանցիկ ու օբյեկտիվ անցկացնելն է:
12:27 12.08.2025
Փաշինյանն ընդգծել է, որ հաստատված խաղաղությունը ներդրումային նոր հնարավորություններ է բացում Հայաստան-ԵՄ համագործակցության ընդլայնման համարՏեղի է ունեցել վարչապետ Նիկոլ Փաշինյանի հեռախոսազրույցը Եվրոպական խորհրդի նախագահ Անտոնիու Կոշտայի հետ։ Վարչապետը Եվրոպական խորհրդի նախագահին ներկայացրել է օգոստոսի 8-ին ԱՄՆ մայրաքաղաք Վաշինգտոնում տեղի ունեցած բանակցությունների արդյունքները, մասնավորապես՝ «Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի» նախաստորագրումը, ԵԱՀԿ ՄԽ մեխանզիմները լուծարելու մասին ԵԱՀԿ-ին ուղղված համատեղ դիմումը, տարածաշրջանային կոմունիկացիաների ապաշրջափակումը երկրների տարածքային […] ...
12:21 12.08.2025
Հայտնաբերվել է առանձնապես խոշոր չափերի մարիխուանա․ Կոտայքի քրեական ոստիկանների բացահայտումըՔրեական ոստիկանության Կոտայքի մարզային վարչությունում տեղեկություն էր ստացվել, որ Հրազդան քաղաքի Վանատուր թաղամասի բնակիչ 36-ամյա տղամարդը բակում աճեցրել է կանեփ և ապօրինի պահում է մարիխուանա։ Օգոստոսի 7-ին տղամարդը ձերբակալվեց ու տեղափոխվեց վարչություն: Կազմված փաստաթղթերն ուղարկվեցին Կոտայքի մարզային քննչական վարչություն։ Նախաձեռնվեց քրեական վարույթ, և օգոստոսի 8-ին դատարանի որոշմամբ կատարված խուզարկությամբ, հողամասում հայտնաբերվեց մարիխուանայի նմանվող զանգվածով լցված […] ...
12:13 12.08.2025
Արագածոտնի մարզի Լուսակն, Արտենի և Արագածավան բնակավայրերում փորձարկվելու են էլեկտրական շչակներՕգոստոսի 13-ին՝ ժամը 10:30-ին, Արագածոտնի մարզի Լուսակն, ժամը 11:30-ից մինչև 12:00-ն ընկած ժամանակահատվածում Արտենի, իսկ ժամը 12։30-ից մինչև 13։00-ն՝ Արագածավան բնակավայրերում փորձարկվելու են էլեկտրական շչակներ: ...
11:57 12.08.2025
Բախվել են ավտոմեքենաներ․ տուժածներ չկանՕգոստոսի 12–ին, ժամը 08։13–ին Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Աճառյան փողոցում տեղի է ունեցել ՃՏՊ՝ բախվել են ավտոմեքենաներ, առկա է գազի արտահոսք։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ–փրկարարական ջոկատից մեկ մարտական հաշվարկ։ Պարզվել է, որ Առինջ գյուղի կամարի մոտակայքում բախվել են երկու «Mercedes-Benz» մակնիշի ավտոմեքենա. ավտոմեքենաներից մեկից առկա է գազի արտահոսք, տուժածներ չկան։ Փրկարարները սահմանազատել են տարածքը, հոսանքազրկել ավտոմեքենաները, փակել գազի բալոնների փականները և իրականացրել ճանապարհահատվածի լվացման աշխատանքներ։ ...
11:52 12.08.2025
«Միլանի» նախկին ավագին զրկել են վարորդական իրավունքից«Միլանի» նախկին ավագ Դավիդե Կալաբրիային Իտալիայի ճանապարհատրանսպորտային ոստիկանները զրկել են վարորդական իրավունքից։ Այս մասին հայտնում է La Gazzetta dello Sport-ը։ Ոստիկանները Բրեշիա քաղաքի մոտակայքում 28-ամյա ֆուտբոլիստի մեքենան կանգնեցրել են նրա՝ հեռախոսից օգտվելու պատճառով և վերցրել են Կալաբրիայի վարորդական իրավունքը։ Իտալիայի ճանապարհային երթևեկության օրենսգրքի նոր փոփոխության համաձայն՝ վարելիս հեռախոսով զբաղվելը նախատեսում է 2 ամսով վարորդական իրավունքից […] ...
