20:00 14.05.2019
Գործազրկության մակարդակը Շիրակի մարզում շարունակում է մնալ հանրապետությունում ամենաբարձրը։ Թեմայով հերթական քննարկումն է անցկացվել երկխոսությունների «Մեդիա» կենտրոնում։
Միայն Գյումրիի զբաղվածության տարածքային կենտրոնում գրանցված է ավելի քան 10.000 գործազուրկ։ Անցած տարի ընդամենը 1316 մարդ է զբաղվածության կենտրոնի միջոցով աշխատանքի տեղավորվել։
Պետական ֆինանսավորմամբ ծրագրեր են իրականացվում գործազուրկների ուսուցման, մասնագիտություն և հմտություններ ձեռք բերելու, նաև գործատուներին ֆինանսավորելու համար, բայց դարձյալ աշխատանքի տեղավորման ցուցանիշը բարձր չէ։
Պատճառները շատ են` գործազուրկների մասնագիտական որակի և աշխատաշուկայի անհամապատասխանություն, գործատուների սահմանած խիստ պահանջներ, աշխատանքի ընդունելիս երիտասարդներին նախապատվություն տալ։
Փաստաբանի տեսանկյունից սա խտրական վերաբերմունք է գործազուրկների հանդեպ, իսկ աշխատանքային օրենսդրությունն այս առումով բացեր ունի։ Քննարկմանը հրավիրվել էին նաև Շիրակի մարզի ԱԺ պատգամավորները, ովքեր չէին ներկայացել։
Գյումրիի զբաղվածության տարածքային կենտրոնի տնօրեն Ամալյա Ադամյանի խոսքերով` գործատուի պահանջներն այլ են, եղած առաջարկը՝ այլ: Տեխնոլոգիաները շատ արագ են փոխվում, որոնք գործազուրկ-մասնագետները չեն հասցնում յուրացնել:
Փաստաբան Արամայիս Հայրապետյանն էլ կարծում է, որ նախապատվությունը մինչև 25, 30 տարեկան բարետես աղջիկներին տալը գործատուների կողմից օրենքի խախտում չէ, որովհետև դա արգելված չէ, բայց երբ Աշխատանքային օրենսգրքում այնպիսի իրավակարգավորում լինի, որի համաձայն` նման դեպքերը որակվեն խտրական, ապա այդ ժամանակ միայն վիճակը կփոխվի:
Ըստ Գյումրիի զբաղվածության կենտրոնի ղեկավարի` նաև ցածր աշխատավարձերն են պատճառը, որ գործազուրկները հրաժարվում են աշխատանքի տեղավորվել` հաճախ նախընտրելով օգտվել ընտանեկան նպաստից, թեև հայտնի է, որ ընտանեկան նպաստով ընտանիք պահել չի լինի:
22:21 20.06.2025
Էդվարդ Ասրյանը հետևել է զորակոչի նախապատրաստական աշխատանքների ընթացքինԶՈՒ ԳՇ պետ, գեներալ-լեյտենանտ Էդվարդ Ասրյանն այցելել է ՊՆ կենտրոնական հավաքակայան՝ ամառային զորակոչի նախապատրաստական աշխատանքների ընթացքին հետևելու նպատակով: Այս մասին հայտնել են ՀՀ ՊՆ-ից։ Մանրամասները՝ տեսանյութում։ ...
22:10 20.06.2025
ՊՍԺ-ն և Դոնարուման վերսկսել են բանակցություններըՖրանսիական ՊՍԺ-ն և դարպասապահ Ջանլուիջի Դոնարուման վերսկսել են պայմանագրի երկարաձգման շուրջ բանակցությունները, հայտնում է ինսայդեր Ֆաբրիցիո Ռոմանոն: Իտալացի ֆուտբոլիստի գործակալներն արդեն հանդիպել են ակումբի ներկայացուցիչների հետ: Բանակցությունները շարունակվում են: 26-այա Դոնարումայի պայմանագիրը լրանալու է հաջորդ տարվա հունիսին: ...
21:53 20.06.2025
Իրանը և ԵՄ-ի եռյակը համաձայնել են շարունակել բանակցություններըԻրանը և եվրաեռյակի (Ֆրանսիա, Մեծ Բրիտանիա, Գերմանիա) Ժնևում համաձայնության են եկել շարունակել բանակցությունները, Reuters-ը մեջբերում է ԵՄ արտաքին գործերի նախարար Կայա Կալլասի խոսքերը։ Նշվում է, որ քննարկվել են ոչ միայն միջուկային հարց: «Մենք համաձայնության ենք եկել շարունակել բանակցությունները, շատ կարևոր է բանակցային գործընթացը բաց պահել։ Մենք քննարկել ենք ոչ միայն միջուկային հարցը», – ասել է […] ...
21:36 20.06.2025
Ստամբուլում կայացել է Նիկոլ Փաշինյանի և Ռեջեփ Թայիփ Էրդողանի հանդիպումըՍտամբուլում կայացել է Հայաստանի Հանրապետության վարչապետ Նիկոլ Փաշինյանի և Թուրքիայի Հանրապետության նախագահ Ռեջեփ Թայիփ Էրդողանի հանդիպումը։ Հանդիպման ընթացքում կողմերը քննարկել են Հայաստան-Թուրքիա հարաբերությունների կարգավորման ընթացքը, ընդգծել կառուցողական երկխոսության շարունակականության և կոնկրետ արդյունքների հասնելու կարևորությունը։ Զրուցակիցներն անդրադարձել են նաև տարածաշրջանային իրադարձություններին և այդ համատեքստում երկկողմ համագործակցության հնարավոր ուղղություններին։ Վարչապետ Փաշինյանն ընդգծել է Հայաստանի հավատարմությունը տարածաշրջանում խաղաղության […] ...
21:26 20.06.2025
Բաստոնին մերժել է «Ալ Հիլալի» առաջարկը հանուն «Ինտերի»«Ինտերի» պաշտպան Ալեսանդրո Բաստոնին առաջարկ է ստացել Սաուդյան Արաբիայի «Ալ Հիլալ» ակումբից, հայտնում է ինսայդեր Նիկոլո Սկիրան: «Ալ Հիլալի» նորանշանակ գլխավոր մարզիչ Սիմոնե Ինձագին ցանկանում է իր նախկին ֆուտբոլիստին տեսնել նոր թիմում: 26-ամյա ֆուտբոլիստը սակայն մերժել է առաջարկը հանուն «Ինտերի»: ...
