13:47 20.06.2019
Մոսկվայում իրենց հոր՝ Միխայիլ Խաչատուրյանի սպանության մեջ մեղադրվող Անգելինա, Քրիստինա և Մարիա Խաչատուրյան քույրերի գործը համացանցում ակտիվ քննարկման առարկա է դարձել: Նախօրեին աղջիկներին վերջին ընթերցմամբ մեղադրանք են առաջադրել «Նախնական համաձայնությամբ սպանություն կատարելու համար»: Ըստ այդ մեղադրանքի` աղջիկներին սպառնում է 8-20 տարվա ազատազրկում:
Հոր կողմից հոգեբանական, ֆիզիկական և սեռական բնույթի բռնությունները աղջիկների գործում մեղմացուցիչ հանգամանք չեն դիտարկվել: Հենց այդ հանգամանքը հասարակության վրդովմունքի առիթ է դարձել և համացանցում ֆլեշմոբ է սկսվել` հաջակցություն Խաչատուրյան քույրերի:
«Աղջիկներին, որոնց հայրը նրանց կյանքը վերածել էր իսկական դժոխքի, մեղադրում են նրա համար, որ նրանք թույլ չեն տվել իրենց ոչնչացնել: Եթե օրենսդրության մեջ չկա հոդված, որը պաշտպանում է ընտանեկան բռնության ենթարկվածների իրավունքները, ապա անհապաղ պետք է նման հոդված մշակել և ավելացնել: Իսկ այս հնչեղ դեպքը այդ հոդվածի համար նախադեպ պետք է հանդիսանա: Խաչատուրյան քույրերին անհրաժեշտ է ազատ արձակել: Այլ ելք այս գործին չի կարող լինել»,- այս մասին հայտարարել է գրող Նարինե Աբգարյանը:
Այս հայտարարությանը համացանցում շատերն են արձագանքել և երկու օրվա ընթացքում հավաքվել է 60 հազարից ավելի ստորագրություն: Թեմայի վերաբերյալ իրենց կարծիքը հայտնել են շատ հայտնի աստղեր, այդ թվում նաև Քսենյա Սոբչակը:
Այսօր Մոսկվայում և ՌԴ այլ քաղաքներում բողոքի ակցիաներ են սկսվել` ի աջակցություն Խաչատուրյան քույրերի և կանանց իրավունքների պաշտպանության:
«Ընտանեկան բռնության թեման ընդհանուր առմամբ քաղաքական հարց է: Մենք առաջարկում ենք վաղը պաստառներով դուրս գալ, բողոքի ակցիա իրականացնել Արբատում գտնվող քննչական կոմիտեի մոտ, որպեսզի մեր աջակցությունն ու դիրքորոշումը հայտնենք»,- ասել են բողոքի ակցիայի կազմակերպիչները:
View this post on Instagram
Арбат, очередь на пикеты в поддержку сестёр Хачатурян #сестрыхачатурян #пикет
23:59 20.06.2025
Օձերը մեր շրջապատում. ի՞նչ պետք է իմանալՀայաստանում կա 21 տեսակի օձ, որոնցից թունավոր են միայն 4-ը՝ տափաստանային իժը, Դարևսկու իժը, անդրկովկասյան գյուրզան և փոքրասիական իժը: Այս մասին հայտնել են ՀՀ ՆԳՆ ՓԾ-ից: Բաց տարածքներում օձ տեսնելիս խորհուրդ է տրվում խուճապի չմատնվել և փորձել զգուշորեն հեռանալ, իսկ փակ տարածքներում՝ տեղափոխվել անվտանգ գոտի և զանգահարել 911: Եթե ձեզ կծել է թունավոր օձ՝ նույնպես […] ...
23:48 20.06.2025
Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը․ ՓաշինյանՀՀ վարչապետ Նիկոլ Փաշինյանը X-ի իր միկրոբլոգում գրառում է արել՝ անդրադառնալով Թուրքիայի նախագահ Ռեջեփ Թայիփ Էրդողանի հետ Ստամբուլում կայացած հանդիպմանը։ «Ստամբուլում մանրակրկիտ մտքերի փոխանակում ունեցա նախագահ Էրդողանի հետ։ Քննարկեցինք Հայաստանի ու Թուրքիայի միջև հարաբերությունների կարգավորման գործընթացը, տարածաշրջանային իրադարձություններն ու մշտական երկխոսության կարևորությունը։ Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը»,- գրել է վարչապետը։ […] ...
23:41 20.06.2025
Փրկարարները ոստիկանների հետ համատեղ կանխել են քաղաքացու ինքնասպանության փորձըՀունիսի 20-ին, ժամը 19:53-ին Ճգնաժամային կառավարման ազգային կենտրոն տեղեկություն է ստացվել, որ քաղաքացին ցանկանում է ինքնասպանություն գործել՝ նետվելով Երևան քաղաքի Արտաշատի խճուղում գտնվող չշահագործվող շինություններից մեկի տանիքից։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ և Հոգեբանական աջակցության բաժնի հերթապահ հոգեբանը։ […] ...
23:36 20.06.2025
Պետդեպ. Միայն Թրամփը կկայացնի որոշումներ Ռուսաստանի և Ուկրաինայի վերաբերյալ ԱՄՆ-ումՄիացյալ Նահանգներում Ռուսաստանի և Ուկրաինայի միջև հակամարտության վերաբերյալ որոշումներ կկայացնի միայն նախագահ Դոնալդ Թրամփը։ Այս մասին ճեպազրույցի ժամանակ հայտարարել է Պետդեպարտամենտի մամուլի ծառայության ղեկավար Թեմի Բրյուսը։ «Միայն նախագահը (Թրամփը) կարող է որոշել, թե ինչպես շարունակել (Ռուսաստանի և Ուկրաինայի միջև հակամարտության վերաբերյալ)», – ասել է Պետդեպարտամենտի ներկայացուցիչը։ Նրա խոսքով՝ Միացյալ Նահանգներն ուշադիր հետևում է Մոսկվայի և […] ...
23:24 20.06.2025
Իրանը մտադիր չէ բանակցություններ վարել, քանի դեռ Իսրայելը շարունակում է հարձակումներըԻրանը պատրաստ է շարունակել խորհրդակցությունները Մեծ Բրիտանիայի, Գերմանիայի, Ֆրանսիայի և այլ եվրոպական երկրների հետ։ Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին Ժնևում կայացած բանակցություններից հետո։ «Մենք աջակցում ենք «եվրոպական եռյակի»-ի և Եվրամիության մյուս երկրների հետ խորհրդակցությունների շարունակմանը և պատրաստ ենք նաև մոտ ապագայում ևս մեկ հանդիպում անցկացնել», – նրա խոսքերն է […] ...
23:16 20.06.2025
Մեսսին տուգանայինից խփած գոլերի քանակով մոտեցել է Պելեին«Ինտեր Մայամիի» հարձակվող Լիոնել Մեսսին կարիերայում 68-րդ գոլն է խփել տուգանայինից, հայտնում է Onefootball-ը: «Ոսկե գնդակի» 8-ակի դափնեկիրն այժմ 2 գոլով է հետ «Ֆուտբոլի արքա» Պելեից: Իսկ առաջատարն այս հաշվարկում Բրազիլիայի հավաքականի և ֆրանսիական «Լիոնի» նախկին, լեգենդար կիսապաշտպան Ժունինյո Պեռնամբուկանոն է: Նա կարիերայի ընթացքում տուգանայինից խփել է 77 գոլ: ...
