19:30 03.07.2019
Հուլիսի 2-ի գիշերը Շիրակի մարզի հյուսիսային տարածաշրջանում ամռան կեսին գրանցվել է ձմեռային ջերմաստիճան: Հայ-վրացական սահմանի` Հայաստանի հյուսիսի ամենավերջին գյուղում Բավրայում գիշերը գրանցվել է երկու աստիճան ցուրտ: Խոշորացված Աշոցք համայնքի 11 գյուղերում մասնակի բերքի ցրտահարումներ են եղել: Այս մասին հայտնում է SHANTNEWS.am-ի թղթակիցը։
Վնասվել են կարտոֆիլի և հնդկացորենի ցանքատարածքները: Ցրտահարության վնասներն համեմատաբար շատ են Բավրա, Սիզավետ, Սարագյուղ բնակավայրերում:
Հունիս ամսին մարզ ներթափանցած 4 աստիճանի վտանգավորության կարկտաբեր ամպերը, մեկ օր առաջ էլ զրոյի ցածր ջերմաստիճանը վնասել են Բավրա գյուղի տնամերձներում մշակածը։ Հողի մակերևույթին մինչև երկու աստիճան գրանցված ցուրտը կարտոֆիլի ու այլ կուլտուրաների բերքն է շարքից հանել: Ցուրտը միայն տնամերձների բերքը չէ, որ տարել է:
Հիմնականում տուժել են գյուղի ցանքատարածքների այն հատվածները, որոնք մոտ են վրացական սահմանին: Հարևան երկրում նույն օրը ևս ցածր ջերմաստիճան էր գրանցվել, անգամ ձյուն էր տեղացել: Վնասվել են հնդկացորենի ցանքերը: Բավրայում արդեն 5 տարի է` 5 հեկտարից ավելի ցանքատարածքներում հնդկացորեն են մշակում:
Աշոցքի կլիմային հարմարված կուլտուրան ամռան կեսին գրանցված ցածր ջերմաստիճանին չի դիմակայել:
Հայաստանի հյուսիսում՝ Աշոցքում, ամռան կեսին ցրտահարումը, համենայնդեպս վերջին 40 տարում, գյուղացիները եզակի դեպք են համարում: Հիշում են, որ այսպիսի բան մեկ էլ եղել էր 1978թ., անգամ օրն են մտաբերում, որ հունիսի 22-ին այստեղ ձյուն է տեղացել: Աշոցքի օդերևութաբանական կայանի 40 տարվա մասնագետն էլ իր հերթին փաստեց, որ ամռանը զրոյից ցածր ջերմաստիճան շատ է գրանցել:
Աշոցքի օդերևութաբանական կայանում լուսադեմին հողի մակերևույթին ջերմաստիճանը միջինից ցածր է եղել: Տվյալները ֆիքսել են ու հաղորդել կենտրոնին: Բայց գյուղացիները ցրտահարությունից ցանքատարածքները չեն կարողացել պաշտպանել: Լուսադեմի զրոյից ցածր ջերմաստիճանը օրվա երկրորդ կեսին արդեն խիստ փոխվել էր: Բարձր ջերմաստիճանը, սակայն, օգուտ չէ վնասված բերքին: Ամեն դեպքում, կլիմայական նման փոփոխությունները օդերևութաբանները համարում են այս տարածաշրջանին բնորոշ:
Ըստ կայանի կանխատեսումների` առաջիկա 5 օրերին Աշոցքում տեղումներ չեն սպասվում, պարզկա եղանակն էլ հուշում է, որ ջերմաստիճանի նվազում էլի կլինի:
Իսկ հուլիսի երկուսի` զրոյի ցածր ջերմաստիճանի հետևանքով բերքի վնասվածության չափերի մասին տվյալներ 3 գյուղերի վարչական ղեկավարները պատրաստվում էին ներկայացնել մարզպետարանի գյուղվարչություն: Ուսումնասիրությունները վերաբերում են ընդհանուր 17 հա հողատարածքի:
12:47 09.07.2025
Ի՞նչ անել, եթե անշարժ գույք եք հանձնել վարձակալության
14:24 09.07.2025
Օպերատիվ իրավիճակը հանրապետությունում հուլիսի 8-9-ըԲացահայտվել է 131 հանցագործություն, որոնցից 6-ը՝ նախկինում կատարված: Մասնավորապես՝ 21 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 13-ական դեպք՝ մարմնական վնասվածք պատճառելու և անձնական ունեցվածքի գողության, 10 դեպք՝ ֆիզիկական ներգործության, 7 դեպք՝ խարդախության, 6 դեպք՝ թմրամիջոցի մաքսանենգության, 5 դեպք՝ թմրամիջոցներ պարունակող բույսեր ցանելու […] ...
14:15 09.07.2025
Անօդաչու սարքի միջոցով Սևան քրեակատարողական հիմնարկի տարածք ներնետվել է բջջային հեռախոսՀուլիսի 8-ին ՀՀ արդարադատության նախարարության «Սևան» քրեակատարողական հիմնարկի ծառայողները, լսելով անօդաչու սարքի ձայն, անմիջապես իրականացրել են տեղանքի զննություն։ Տեղազննության արդյունքում մասնաշենքերի հարակից տարածքից հայտնաբերվել է անօդաչու սարքի միջոցով ներնետված պոլիէթիլենային տարա՝ ամրացված մետաղական կախիչով։ Տարայում առկա է եղել բջջային հեռախոս։ Դեպքի առթիվ ձեռնարկվել են համապատասխան միջոցառումներ։ ...
14:08 09.07.2025
«Զվարթնոց» օդանավակայանի ոստիկանները ձերբակալել են ԱՄԷ-ի իրավապաների կողմից հետախուզվողիՀուլիսի 6-ին` ժամը 17.45-ին, Համայնքային ոստիկանության «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների շնորհիվ օդանավակայանում ձերբակալվել է օտարերկրյա քաղաքացի 31-ամյա տղամարդ: Այս տարեսկզբից նա հետախուզվում էր Արաբական Միացիալ Էմիրության իրավապահ մարմինների կողմից` դրամական միջոցների յուրացման մեղադրանքով, խափանման միջոցը՝ կալանք։ Նրա հայտնաբերման մասին տեղեկացվել է Հայաստանում Ինտերպոլի ազգային կենտրոնական բյուրոն։ ...
14:00 09.07.2025
Մաշտոցի պողոտայի խաչմերուկից մինչև Վ․ Սարգսյան փողոցի խաչմերուկ հատվածում ներդրվել է հասարակական տրանսպորտի համար առանձնացված գոտիԵրթևեկության կազմակերպման փոփոխություններ՝ հասարակական տրանսպորտի ավելի անարգել երթևեկությունն ու տրանսպորտային հոսքերի անընդհատությունն ապահովելու նպատակով Խորենացի փողոցում կատարվել են երթևեկության կազմակերպման փոփոխություններ: Մաշտոցի պողոտայի խաչմերուկից մինչև Վ․ Սարգսյան փողոցի խաչմերուկ հատվածում ներդրվել է հասարակական տրանսպորտի համար առանձնացված գոտի, որով պայմանավորված նշված հատվածում տրանսպորտային միջոցների կանգառն արգելված է։ Այս մասին հայտնում են Երևանի քաղաքապետարանից։ ...
13:52 09.07.2025
Ամառային դպրոց-ճամբար թանգարաններում և գրադարաններումՀՀ կրթության, գիտության, մշակույթի և սպարտի նախարարության մի շարք թանգարաններում և գրադարաններում իրականացվում է 5-14 տարեկան երեխանների և պատանիների համար նախատեսված «Ամառային դպրոց-ճամբար» ծրագիրը: Ծրագրի նպատակն է դպրոցականների ամառային արձակուրդների ընթացքում երեխաների ակտիվ հանգստը կազմակերպել թանգարանների և գրադարանների ստեղծագործ միջավայրում: Թանգարաններում երեխաները բացահայտում են արվեստի բազմազան ոլորտները և զարգացնում ստեղծարար մտածողությունը, վարպետության դասերի և ինտերակտիվ կրթական ծրագրերի միջոցով ծանոթանում արվեստի տեսակներին, […] ...
13:45 09.07.2025
Փրկարարները Հրազդան գետից դուրս են բերել գետի հունը փակած կոտրված ծառըՔաղաքացին ահազանգել է Երևանի քաղաքապետարան տեղեկացնելով, որ Երևան քաղաքի Ձորափի փողոցի թիվ 26 հասցեում՝ «Վեոլիա ջուր» ՓԲ ընկերության ջրատարի հարակից տարածքում, ծառը կոտրվել և ընկել է Հրազդան գետի մեջ՝ փակելով ջրի բնական հունը։ Հաշվի առնելով այն հանգամանքը, որ ծառը գտնվել է վտանգավոր և դժվարամատչելի վայրում՝ կոտրված ծառը ջրից դուրս բերելու համար անհրաժեշտություն է առաջացել ներգրավվել […] ...
