21:00 21.08.2019
Հաշված օրեր անց «Շանթ» հեռուստաընկերությունը կսկսի «Թղթե երազանք» հեռուստադրամայի ցուցադրությունը: Բազմասերիանոց այս ֆիլմը նկարահանելու գաղափարը ծնվեց այն ժամանակ, երբ «Շանթն» իրագործում էր իր բարեգործական մարաթոնները: Ի մի բերվեցին իրական հերոսների իրական պատմությունները: Դրանք դարձան կերպարներ, որոնք էկրանից նույնքան կհուզեն, որքան դառն էր իրականությունը: Բայց այս ֆիլմը նաև հույսի, հավատի ու քո բաժին հաջողության մասին է, որ անպայման հասնում է քեզ, եթե գնում ես երազանքիդ հետևից:
«Ֆիլմը շատ մարդասիրական, ազնիվ ու նուրբ զգայական նշանակություն ունի, դրա համար աշխատեցինք, որ երաժշտական առումով նույնպես ընդգծենք զգացմունքների այդ ներկապնակը»,- SHANTNEWS.am-ի հետ զրույցում պատմում է Գիսանե Պալյանը:
Հենց նա է ֆիլմի երաժշտության հեղինակը: Գործիքավորումն էլ իրականացվել է Empyray ստուդիայում:
«Մոտ 4-5 ամիս աշխատել ենք երաժշտության վրա: Ըստ ֆիլմի ընթացքի՝ նայում էինք սերիաները՝ ավելի լավ հասկանալու համար, թե ինչ պետք է լինի և ինչ տրամադրություններ են անհրաժեշտ տվյալ սերիային: Սովորական սաունդթրեքային աշխատանք ենք իրականացրել»,- ասում է Գիսանեն:
«Թղթե երազանք» հեռուստադրամայի հիմնական երգը մեկն է, ինչպես ասում են` ֆիլմի թեման, բայց սա միակը չէ: Էլի երգեր կան:
Մեզ հետ զրույցում Գիսանեն պատմում է, որ երաժշտությունում հիմնականում ներգրավվել են դասական գործիքներ, փորձել են հայկական երանգ ստանալ՝ հեռու մնալով արևելյան մոտիվներից:
Երաժիշտը սերիալն ամբողջությամբ չի դիտել, բայց բարձր է գնահատում ռեժիսոր Գարրի Զաքարյանի հետ համագործակցությունը:
«Շատ սահուն աշխատեցինք, գոհ եմ, որ աշխատանքում նպատակը կոնկրետ ձևակերպված էր և հստակ էր, թե ինչ է հարկավոր: Անկեղծ ասած, քիչ են պատահում նման ռեժիսորներ, որ երաժշտին կարողանան խնդիրը լիովին ճիշտ ներկայացնել»,- խոստովանում է Գիսանե Պալյանը:
«Թղթե երազանք» հեռուստադրաման եթեր կհեռարձակվի սեպտեմբերի 2-ից:
Մյուսների պես էլ Գիսանեն ևս անհամբերությամբ սպասում է ֆիլմի ցուցադրությանն ու առաջին արձագանքներին: Ուրախ է, որ դարձել է ֆիլմի մի մասնիկը, վստահ է, որ այն հաջողություն է ունենալու և հպարտ է, որ այդ գործում ներդրում ունի նաև ինքը:
«Այնքան ուրախ եմ, որ այս ֆիլմի համար աշխատեցինք, որովհետև, կարծես թե, վերադարձվում է այն մարդասիրական թեման, որ հիմա մարդկանց մոտ շատ պակասում է: Կուզեի, որ ֆիլմի հիմնական ասելիքը՝ չհանձնվելը, պայքարելը, տեղ հասնի»,- զրույցն ավարտում է կոմպոզիտորը, որը ֆիլմի ողջ հուզականությունը տեղափոխել է երաժշտության մեջ:
17:03 01.07.2025
52-ամյա կինը գողացած հեռախոսը ներկայացրել է ոստիկանությունՀունիսի 27-ին Ոստիկանության օպերատիվ կառավարման կենտրոն զանգած քաղաքացին հայտնել էր, որ մայրաքաղաքի Երվանդ Քոչարի փողոցի սննդի կետերից մեկում գողացել են իր բջջային հեռախոսը։ Համայնքային ոստիկանության Մարաշի բաժնի ծառայողների ձեռնարկած միջոցառումների արդյունքում պարզվել է, որ արարքը կատարել է Երևանի բնակիչ 52-ամյա կինը։ Բացատրական աշխատանքի արդյունքում նա հունիսի 29-ին գողոնով հանդերձ եկել է Համայնքային ոստիկանության Մարաշի բաժին։ […] ...
16:55 01.07.2025
Թուրքիայում կփակվեն կենդանիների բոլոր շուկաներըԹուրքիայի իշխանությունները հրամայել են փակել երկրի բոլոր անասնապահական շուկաները՝ դաբաղ հիվանդության դեպքերի աճի պատճառով, երեքշաբթի օրը հաղորդել է IHA լրատվական գործակալությունը։ Ըստ լրատվամիջոցի՝ Թուրքիայի գյուղատնտեսության և անտառտնտեսության նախարարությանը կից սննդամթերքի վերահսկողության գլխավոր վարչությունը շտապ հաղորդագրություն է ուղարկել բոլոր 81 նահանգի իր ստորաբաժանումներին՝ կապված Կուրբան Բայրամից հետո (նշվել է հունիսի սկզբին) նկատված դաբաղի վարակի աճի հետ։ […] ...
16:50 01.07.2025
Երևանի պարեկները ձերբակալել են թմրամիջոցի փաթեթներ տեղադրողներիԵրևան քաղաքի պարեկները հունիսի 26-ին՝ կեսգիշերն անց, Նոր Նորքի 2-րդ զանգվածի զբոսայգիներից մեկում հայտնաբերել, թմրամիջոց ձեռք բերելու և իրացնելու կասկածանքով ձերբակալել ու Նոր Նորքի բաժին են տեղափոխել 28-ամյա և 33-ամյա երկու երիտասարդի: Նրանց անձնական խուզարկությամբ հայտնաբերվել է 7 փաթեթ՝ ընդհանուր 12 գրամից ավելի մարիխուանայի նմանվող զանգվածով: Հետագայում պարզվել է, որ 33 տարեկան տղամարդը Երևանի տարբեր […] ...
16:43 01.07.2025
Հրդեհի ահազանգ Զաքարիա Քանաքեռցու փողոցում. հայտարարվել է հրդեհի բարդության «1 ԲԻՍ» աստիճանՀուլիսի 1-ին՝ ժամը 15:44-ին, Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Զաքարիա Քանաքեռցու փողոցում։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հայտարարվել է հրդեհի բարդության «1 ԲԻՍ» աստիճան․ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս […] ...
16:38 01.07.2025
Այգեշատի բնակիչը հողամասում կանեփ էր աճեցնում, իսկ տանը՝ թմրանյութ պահումՔրեական ոստիկանության Արմավիրի մարզային վարչության ծառայողները օպերատիվ տեղեկություններ էին ստացել, որ Այգեշատ գյուղի 36-ամյա բնակիչը տնամերձ հողամասում կանեփ է աճեցնում և պահում է կանեփի չորացած մանրացված զանգված։ Նախաձեռնվել է քրեական վարույթ, որի շրջանակում հունիսի 28-ին կատարված զննությամբ այգեշատցու տնամերձ հողամասում հայտնաբերվել են կանեփի 10 բույս, իսկ տանը՝ ընդհանուր 18 գրամ կանեփանման չորացված-մանրացված զանգվածով փաթեթներ: 36-ամյա […] ...
16:33 01.07.2025
Վարչապետը ներկա է գտնվել Պետական պահպանության ծառայության կազմավորման օրվան նվիրված հանդիսավոր նիստինՎարչապետ Նիկոլ Փաշինյանը ներկա է գտնվել Պետական պահպանության ծառայության կազմավորման օրվան նվիրված հանդիսավոր նիստին: Վարչապետը շնորհավորել է ծառայության ծառայողներին տոնական օրվա առիթով և շնորհակալություն հայտնել կատարած աշխատանքի համար: «Արդեն երկու տարի Պետական պահպանության ծառայությունը գործում է որպես Վարչապետի ենթակա մարմին, և, ըստ էության, դա կառույցի ինստիտուցիոնալ զարգացման մի հերթական փուլն է»,- ասել է Նիկոլ Փաշինյանը […] ...
