11:10 05.10.2019
Էկոնոմիկայի նախարարությունն ու սննդի անվտանգության տեսչական մարմինը 2020 թվականից նախատեսում են օրենսդրական փոփոխություններ անասնաբուժասանիտարական ոլորտում։ Մասնավորապես՝ նախատեսվում է լուծարել «Անասնաբուժասանիտարիայի և բուսասանիտարիայի ծառայությունների կենտրոն» ՊՈԱԿ-ը, փոխարենը անասնաբույժները կդառնան համայնքային աշխատողներ, ու նրանց աշխատավարձի վճարումը կկատարվի համայնքային բյուջեից։
«Այն, ինչ որ արվում էր ՊՈԱԿ-ի միջոցով, դա ծառայության մատուցում էր ընդամենը, 2020-թվականին մենք դրույքաչափն ու գլխաքանակի ներարկման գումարը փորձում ենք բարձրացնել, նախկինում 80 հազարից սկսվեց, հետո դարձավ 100-120 հազար, հիմա փորձում ենք մինչև 130 հազար բարձրացնել»,- անասնաբույժների աշխատավարձների բարձրացման նոր ծրագրի մասին է խոսել էկոնոմիկայի նախարարի տեղակալ Տիգրան Գաբրիելյանը։
«Անասնաբույժն օրենքով պիտի լինի համայնքի աշխատող ու ինձ, անասնաբույժին և որևէ մեկին չի հետաքրքրում էդ համայնքը ինչ է մտածում աշխատավարձի բարձրացման մասով։ Ի սկզբանե գաղափարը դրված է եղել, կներեք, հիմար ձևով։ Չի կարող անասնաբույժը փող բերի համայնք, որից իրեն վճարեն, սա մառազմ է, և սա պետք է վերանայել։ Անասնաբույժն առաջին հերթին չպետք է ստանա մինիմալ աշխատավարձ, անասնաբույժը պիտի ստանա մինիմալից բարձր աշխատավարձ՝ գումարած 50 տոկոս»,- ասել է ՍԱՏՄ ղեկավար Գեորգի Ավետիսյանը։
Այս փոփոխությունը, սակայն, մարզի անասնաբույժների սրտով չէր և դժգոհեցին, որ այս դեպքում իրենց աշխատավարձի չափը կախված կլինի համայնքի բյուջեի հնարավորությունից և կլինի անհավասար մոտեցում:
«Պետք է վերանայել նաև գործակիցը, ինչ է նշանակում վեց ոչխար մի գործակից, ով է դրա հեղինակը, ով է էդ հզոր գաղափարակիցը, որին կարելի է կիսանդրի դնել։ Այսինքն՝ կերային միավորով մենք հաշվարկում ենք անասնաբույժի աշխատավարձը։ Այս խնդիրները, ճիշտ է, մեր ոլորտում չի, բայց մենք դրանք տեսնում ենք ու փորձում լուծել»,-զարմացած հարցրել է ՍԱՏՄ պետը։
Սննդի անվտանգության տեսչական մարմնի ղեկավարն էլ վստահեցրեց, որ ըստ նոր կարգի՝ աշխատավարձերի հստակ չափ է սահմանվելու, նաև անասնաբույժներին կտրամադրվի առողջապահական ապահովագրություն:
«Մենք քննարկում ենք, քանի որ անասնաբույժի կատարած աշխատանքը վտանգավոր է, անասնաբույժը գործ ունի վտանգավոր նյութերի հետ, հաջորդ տարվանից լուծել նաև անասնաբույժների առողջապահական ապահովագրության հարցը», – ասել է էկոնոմիկայի փոխնախարարը։
12:47 09.07.2025
Ի՞նչ անել, եթե անշարժ գույք եք հանձնել վարձակալության
14:48 09.07.2025
«Զվարթնոց» օդանավակայանի ոստիկանները ձերբակալել են Մոլդովայի իրավապաների կողմից հետախուզվողիՀուլիսի 5-ին` ժամը 16.45-ին, Համայնքային ոստիկանության «Զվարթնոց» օդանավակայանի բաժնի ծառայողները չվերթի ժամանումից հետո ձերբակալել են օտարերկրացի 24-ամյա տղամարդու: Այս տարվա մարտի 18-ից նա հետախուզվում էր Մոլդովայի Հանրապետության իրավապահ մարմինների կողմից` խոշտանգման և միջին ծանրության մարմնական վնասվածք պատճառելու մեղադրանքով, խափանման միջոցը՝ կալանք։ Նրա հայտնաբերման մասին տեղեկացվել է Հայաստանում Ինտերպոլի ազգային կենտրոնական բյուրոն։ ...
14:37 09.07.2025
Երևանի Հանրապետության հրապարակի տարածքում գործարկվելու է էլեկտրական շչակՀուլիսի 13-ին՝ ժամը 11:00-ից մինչև 12։00-ն ընկած ժամանակահատվածում, Երևանի Կենտրոն վարչական շրջանում՝ Հանրապետության հրապարակի տարածքում, գործարկվելու է էլեկտրական շչակ։ ...
14:24 09.07.2025
Օպերատիվ իրավիճակը հանրապետությունում հուլիսի 8-9-ըԲացահայտվել է 131 հանցագործություն, որոնցից 6-ը՝ նախկինում կատարված: Մասնավորապես՝ 21 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 13-ական դեպք՝ մարմնական վնասվածք պատճառելու և անձնական ունեցվածքի գողության, 10 դեպք՝ ֆիզիկական ներգործության, 7 դեպք՝ խարդախության, 6 դեպք՝ թմրամիջոցի մաքսանենգության, 5 դեպք՝ թմրամիջոցներ պարունակող բույսեր ցանելու […] ...
14:15 09.07.2025
Անօդաչու սարքի միջոցով Սևան քրեակատարողական հիմնարկի տարածք ներնետվել է բջջային հեռախոսՀուլիսի 8-ին ՀՀ արդարադատության նախարարության «Սևան» քրեակատարողական հիմնարկի ծառայողները, լսելով անօդաչու սարքի ձայն, անմիջապես իրականացրել են տեղանքի զննություն։ Տեղազննության արդյունքում մասնաշենքերի հարակից տարածքից հայտնաբերվել է անօդաչու սարքի միջոցով ներնետված պոլիէթիլենային տարա՝ ամրացված մետաղական կախիչով։ Տարայում առկա է եղել բջջային հեռախոս։ Դեպքի առթիվ ձեռնարկվել են համապատասխան միջոցառումներ։ ...
14:08 09.07.2025
«Զվարթնոց» օդանավակայանի ոստիկանները ձերբակալել են ԱՄԷ-ի իրավապաների կողմից հետախուզվողիՀուլիսի 6-ին` ժամը 17.45-ին, Համայնքային ոստիկանության «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների շնորհիվ օդանավակայանում ձերբակալվել է օտարերկրյա քաղաքացի 31-ամյա տղամարդ: Այս տարեսկզբից նա հետախուզվում էր Արաբական Միացիալ Էմիրության իրավապահ մարմինների կողմից` դրամական միջոցների յուրացման մեղադրանքով, խափանման միջոցը՝ կալանք։ Նրա հայտնաբերման մասին տեղեկացվել է Հայաստանում Ինտերպոլի ազգային կենտրոնական բյուրոն։ ...
14:00 09.07.2025
Մաշտոցի պողոտայի խաչմերուկից մինչև Վ․ Սարգսյան փողոցի խաչմերուկ հատվածում ներդրվել է հասարակական տրանսպորտի համար առանձնացված գոտիԵրթևեկության կազմակերպման փոփոխություններ՝ հասարակական տրանսպորտի ավելի անարգել երթևեկությունն ու տրանսպորտային հոսքերի անընդհատությունն ապահովելու նպատակով Խորենացի փողոցում կատարվել են երթևեկության կազմակերպման փոփոխություններ: Մաշտոցի պողոտայի խաչմերուկից մինչև Վ․ Սարգսյան փողոցի խաչմերուկ հատվածում ներդրվել է հասարակական տրանսպորտի համար առանձնացված գոտի, որով պայմանավորված նշված հատվածում տրանսպորտային միջոցների կանգառն արգելված է։ Այս մասին հայտնում են Երևանի քաղաքապետարանից։ ...
